الكستبنات

[memofree]

السلام عليكم .
ايه اعراض بوظان الكستبنات فى اللانوس و ايه تأثيرها على السحب بتاع السيارة . و ثمنها كام و ايه افضل الانواع فيها

[mohmmedzohier]

متابع

[memofree]

اين يا مستشاريين الدايو

[amado318]

الانوس مفهاش كستبنات فيها بلوف ودى مش بتتظبط وصعب انها تبوظ ممكن تتنضف لو بتعمل شغل فى وش السلندر بس واياك تروح عند مختار بتاع جسر السويس علشان حرقهالى واشتريت جديدة وانا بغير جوان وش السلندر

[zocor742]

خلى بالك عشان المنطقة دى حساسة ومش اى حد يشتغل فيها
روح لحد فاهم مش حافظ ولا شغال كفتة عشان خالى ايام ماكان معاة لانوس كان عندة بلفين مسمعين راح لميكانيكى حرقلة الوش بعد الشغل اللى عملة وبعد كدة غير الوش كلة بواحد استيراد (الكلام دة من فترة الصراحة بس افتكرتة وقولت لازم اديك تجربة مع نصيحة عشان فية ناس معندهاش ضمير فاكرة عربيات الناس حقل تجاربهم
ربنا يسهلك الحال ويباركلك فى الانوس

[memofree]

الانوس مفهاش كستبنات فيها بلوف ودى مش بتتظبط وصعب انها تبوظ ممكن تتنضف لو بتعمل شغل فى وش السلندر بس واياك تروح عند مختار بتاع جسر السويس علشان حرقهالى واشتريت جديدة وانا بغير جوان وش السلندر

شكرا لمرورك على موضوعي وهذا شرف لي ووسام على صدري
طيب ممكن ســـــــــؤال
هل فيها فتح موتور كامل؟؟؟؟؟؟؟؟؟؟؟؟؟؟؟؟؟

[amado318]

لا الوش فقط هوة الى بيتفك وبتغير طبعا الجوانات

[lol656]

اسمع تجربتي مع الكستبنات دي --انا اضطريت اني اغير جواني وش السلندر لاني العربية خلطت الميه وزيت -وبعد مخلص الميكانيكي - صوت العربية اتغير وبقي فيه صوت واضح جدا زي تكتكة والميكانيكي قالي دي الكستبنات ولازم تتغير -بس مش دلوقتي عشان دي بتاجي استيراد وفضل الحال علي كده لحد مكنت حجنن ومستني الميكانيكي لما يجيبهييم لي -وسبحان الله بالصدفة رحت غيرت زيت وكنت باستعمل موبيل وطلعت في دماغي احط التعاون -وبعد مغيرت الزيت الصوت اختفي تماما والعربية زي الفل وليه سنتين ع الحال ده ولما اتصلت بالبيه الميكانكي قالي اكيد كان فيه وساخة واتشالت مع الزيت

[tarek_2005]

اعراض تلف الكستبانات سماع صوت تكتكه شبيهة بعدم ظبط التاكيهات في عربية فيات
والزيت له عامل كبير في الحفاظ عليها وخاصة في اللانوس ولذالك ينصح بالزيت التخليقي وليس المعدني
الاخ الي الصوت اختفي عنده بعد تغيير الزيت دا مش معناها انها اتصلحت دا الزيت الجديد تقيل وبيفضل مغطي الكستبانات لفترة اطول وعلشان كده الصوت راح

[amado318]

موجودة جديدة الواحد 40 جنيه

[lol656]

اعراض تلف الكستبانات سماع صوت تكتكه شبيهة بعدم ظبط التاكيهات في عربية فيات
والزيت له عامل كبير في الحفاظ عليها وخاصة في اللانوس ولذالك ينصح بالزيت التخليقي وليس المعدني
الاخ الي الصوت اختفي عنده بعد تغيير الزيت دا مش معناها انها اتصلحت دا الزيت الجديد تقيل وبيفضل مغطي الكستبانات لفترة اطول وعلشان كده الصوت راح

مع احترامي لرايك الصوت اختفي لما حطيت زيت اخف ---لان التعاوت معروف اخف من الموبيل ودي حاجة معروفة---هو يبدو ان الكسنبنان كان لسه فيها بقاي ميه وزيت -وبعدين اتغسلت بالزيت---والله اعلم

[mero100]

مع احترامي لرايك الصوت اختفي لما حطيت زيت اخف ---لان التعاوت معروف اخف من الموبيل ودي حاجة معروفة---هو يبدو ان الكسنبنان كان لسه فيها بقاي ميه وزيت -وبعدين اتغسلت بالزيت---والله اعلم

تحياتي ليك أولا :-)
لكن معروف ان زيوت التعاون أتقل من موبيل بكتير ...لاني كنت بستخدم جميع انواع التعاون في سيارتي البيجو القديمه .....تعاون سوبر ستان ( الجركن الاحمر ) ده اتقل حاجة و بيكتم صوت الموتتور لو صوته وحش و بينصح بيه في السيارات القديمه ....يليه : تعاون سوبريكس ....يليه : تعاون sf .....يليه : تعاون sj ...و دة اللي بتستخدمه سيارات الشرطه و يقال انه بيمشي 5000 كم .....بس انا كنت بغيره علي 3000 و كان بينزل محروق و قاطع اللزوجه .....قبل ما ابيع عربيتي بشهرين استعملت تعاون سوبر ستان و بصراحة خفض صوت الموتور بنسبه 50 % مثلا ....ف اعتقد ان استخدامك للتعاون عموما هوة السبب في انخفاض صوت تكتكه الكستبانات .
تحياتي
عمرو ابراهيم