الحقونى من نسيبى

[ahmed_120s]

نسيبى يا جماعة نزل دور عربيتى ومشى بيها على طول وهيا بردة وكانت كل ماييجى يطلع بيها تبطل وهو يدور تانى ويمشى وتبطل المهم انا نزلت وركبت جانبة وهو ساق وروحنا مشوار بس كانت رجلة وحشة على العربية وتقيلة والعربية كل شوية تبطل منه ولما رجعنا لاقيت لمبة التشيك نورت والعربية مبرجله وشامم ريحة زيت محروق فى بعض الاوقات والعربية صوتها على
ارجوكم قولولى اعمل اية واية اللى حصل فى العربية انا عاوز اخبط دماغى فى الحيط ان ركب العربية بس نسيبى اعمل اية

لانوس 99

[ahmed_120s]

حد يفدنى والنبى انا هتجنن

[biomedo]

طب متكشف على العربيه بالاسكانر و شوف العيب فين

[zocor742]

ريحة زيت محروق ولا بنزين نى
اتأكد عشان تفرق واعتقد هتكون بنزين نى بما ان حضرتك بتقول لمبة الشيك نورت
قبل اى حاجة حط العربية على اسكانر عشان تعرف نورت لية وان شاء الله بسيطة وتطلع فيشة اتهزت ولا حاجة

كان عندى حساس الجكمان الفيشة اتفكت شوية وكانت الشيك بتنور وريحة العادم بقت ظاهرة وبشمها وانا ماشى ومكنتش متأكد دة ريحة حرق زيت ولا بنزين وحطيتها على اسكانر وعرفنا العيب هو طلع سهل ولو فتشت شوية كنت هشوف الفيشة وهيا متلصمة بس مش مهم اطمنت على الحساسات والرشاشات بالمرة
نصيحة ابدأ اول خطوة حطها على اسكانر وخير ان شاء الله

[ahmed_120s]

الف شكر يا جميل وانا هبدا احطها على اسكانر وربنا يستر