اكشف ازاي على اللانوس

[eska]

السلام عليكم
اول مشاركة ليا في قسم الدايو وان شاء الله مش الاخيرة
الفكرة اني كنت محتار في كذا نوع عربية وحمدلله في الاخر استقريت على اللانوس بس لسه هبدا رحلة البحث والمقابلة والمعاينة ويمكن انزل السوق ولكن انا معرفش حاجة في العربيات فكنت عايز اعرف عشان ميضحكش عليا وملبسش عربية فيها حاجة لان الواحد بيسمع كلام كتير غريب اليومين دول
سؤالي هل في مركز صيانة كويس ممكن اكشف فيه عالعربية كشف شامل ويطلعلي عيوبها بكل امانة وحرفية ؟؟ ولو مفيش ايه البديل ؟؟..مش معقول هاخد معايا ميكانيكي وسمكري في كل مرة هروح اعاين فيها عربية

[M.Alaa92]

http://www.nilemotors.net/Nile/20244-a.html

اللينك ده بيديك معلوماات كافية و انت بتشترى و الافضل انك تكشف ف مركز صيانة محترم و يديك تقرير عنهاا

[eska]

ماشي يا باشا متشكر هو مةضةع مفيد فعلا انا قريته بس برده حاسس ان في حاجات مش هعرفها لوحدي
مركز صيانة محترم ..ياريت تقولي على مركز كويس في القاهرة ؟؟

[محمد الشامي]

بنزينة شيل في اول الهرم عندها كشف عام على السيارات بغرض البيع والشراء و تمن الكشف 150 جنيه يشمل :-
الكشف على كبس الموتور بأجهزه حديثه
الكشف على دواخل السياره بالكامل
الكشف على الشاسيه بالكامل باجهزه
الكشف على العفشه بالكامل , وتجربه السياره داخل البنزينه احيانا بواسطه شخص فني

يعني تقدر تقول هتطمن على العربيه بالكامل ولو فيها حاجه هيقولولك بكل امانه وهتاخد تقرير مكتوب باللي هيقولوه , ومن حيث الامانه ماتقلقش خاااااالص

لو تقدر تروح لغايه البنزينه دي يبقا ريحت بالك

بالتوفيق

[eska]

متشكر جدا يا فندم هي حاجة زي كده هتبقى مفيدة جدا كشف شامل هيطمن الواحد بس المشكلة في المكان يعني لو في حاجة زي كده ناحية مصر الجديدة ومدينة نصر يبقى كويس قوي

[eska]

سؤال كمان معلش ...هل سوق السيارات يعتبر مكان كويس الواحد ينزل يشتري منه ؟؟
وسؤال كمان اللانوس الفول اوبشن 2010 فابريقة بالكامل ممكن تعمل في حدود كام تقريبا ؟

[محمد الشامي]

لو في حاجة زي كده ناحية مصر الجديدة ومدينة نصر يبقى كويس قوي

انا اسمع ان في بنزينه قرب سوق السيارات فيها نفس النظام , بس معرفش كفاءه الناس هناك ايه ولا الامانه ايه اخبارها , ياريت حد يفيدنا في الحكايه دي

سؤال كمان معلش ...هل سوق السيارات يعتبر مكان كويس الواحد ينزل يشتري منه ؟؟

رأيي الشخصي ان معظم العربيات اللي في السوق بتكون اي كلام , ولو في عربيه نضيفه وعليها العين بتتاخد من برا برا (من عالطريق يعني ) قبل ما توصل للسوق اصلا

ومن رايي كمان ان لو عربيتي حلوه و واثق فيها وعايز ابيعها هيجيلها المشتري بتاعها لغايه باب بيتي سواء عن طريق معارف او اعلان او او او

[trazan]

بنزينة شيل في اول الهرم عندها كشف عام على السيارات بغرض البيع والشراء و تمن الكشف 150 جنيه يشمل :-
الكشف على كبس الموتور بأجهزه حديثه
الكشف على دواخل السياره بالكامل
الكشف على الشاسيه بالكامل باجهزه
الكشف على العفشه بالكامل , وتجربه السياره داخل البنزينه احيانا بواسطه شخص فني

يعني تقدر تقول هتطمن على العربيه بالكامل ولو فيها حاجه هيقولولك بكل امانه وهتاخد تقرير مكتوب باللي هيقولوه , ومن حيث الامانه ماتقلقش خاااااالص

لو تقدر تروح لغايه البنزينه دي يبقا ريحت بالك

بالتوفيق

من فضلك في 2 بنزينة شيل علي الهرم و الاثنين امام بعض انهي واحدة فيهم احسن.

[محمد الشامي]

من فضلك في 2 بنزينة شيل علي الهرم و الاثنين امام بعض انهي واحدة فيهم احسن.

شيل اللي فيها الكشف هي اللي على اليمين وانت جاي من اول الهرم من ناحيه النفق والمحافظه
التانيه اللي على الشمال اظن ان مفيش فيها كشف

[eska]

انا اسمع ان في بنزينه قرب سوق السيارات فيها نفس النظام , بس معرفش كفاءه الناس هناك ايه ولا الامانه ايه اخبارها , ياريت حد يفيدنا في الحكايه دي




رأيي الشخصي ان معظم العربيات اللي في السوق بتكون اي كلام , ولو في عربيه نضيفه وعليها العين بتتاخد من برا برا (من عالطريق يعني ) قبل ما توصل للسوق اصلا

ومن رايي كمان ان لو عربيتي حلوه و واثق فيها وعايز ابيعها هيجيلها المشتري بتاعها لغايه باب بيتي سواء عن طريق معارف او اعلان او او او

لو هي اللي في بالي تبقى كالتكس اللي في تقاطع عباس العقاد مع مصطفى النحاس لو واحدة غيرها ياريت حد يقول عليها و لو حد جربها ياريت يقولنا هل كشفهم يعتمد عليه ولا لا

يعني يا محمد باشا متنصحش ان الواحد ينزل السوق؟ طب ادور فين ؟؟

[Lord of the flies]

فى بنزينه شل نادى السكه تقريبا ب150 جنيه و الكشف كان اكتر من ممتاز عن تجربه من حوالى 3 شهور

[eska]

فى بنزينه شل نادى السكه تقريبا ب150 جنيه و الكشف كان اكتر من ممتاز عن تجربه من حوالى 3 شهور

دي فين شل دي ؟؟على ما اتذكر مفيش اي بنزينة جنب نادي السكة

[gomgoma22]

لأ في
وانت جاي من ناحية السيده عيشه البنزينه هتبقي علي يمينك قبل نادي السكه علطول
بس هي داخله لجوه عن الطريق شويه