إعـــــــلان

Collapse

.

,
See more
See less

زيت محرك لانوس 97 عاملة 312 الف كيلو !

Collapse
X
 
  • Filter
  • الوقت
  • Show
Clear All
new posts

  • زيت محرك لانوس 97 عاملة 312 الف كيلو !

    السلام عليكم اهل الدار
    شفت مواضيع كتير في المنتديات عن تحديد نوع الزيت الأمثل لمحرك سيارتك
    انا سيارتي لانوس 97 ولسة شاريها عاملة حوالي 320 الف كيلو وغيرتلها عمود كامة بسبب اهمال صاحبها الاول في زيت المحرك وباستخدم بترومين الترا 7 .. بس حالة محركها جيدة والحمد لله ..
    الرأي السائد ان مينفعش معاها زيت تخليقي لان اكيد المحرك حالته مينفعش معاها الا الزيت المعدني !
    في مقوله بتقول ان المحرك اللي بيستخدم زيت معدني نسبة اجهادة كانه قطع خمس اضعاف اللي بيستخدم تخليقي ..
    دخلت موقع موبيل امريكا بيقول ان السيارات اللي عملت اميال كتييييييييييرة ممكن تحط تخليقي بس بشرط تغيره مرتين على مسافات اقصر وبعدين تغيره بشكل طبيعي عشان تضمن انه يشيل كافة الرواسب بالمحرك..

    ياريت اهل الخبرة والمعرفه هنا ينصحوني اغير زيت ايه
    معدني زي شيل هيلكس او توتال كوارتز 5000 او بي بي فيسكو 3000 او ايه
    او احط زيت تخليقي املاً في صيانة المحرك بشكل افضل؟ وتنصحوني بايه
    بي بي فيسكو 5000 او شل الترا هيلكس أو توتال كوارتز 9000 ؟؟

    سؤال عبقري تاني ...
    انا حطيت فلش اويل قبل ما اغير الزيت عشان كان في آثار رات معدنية من نحر عمود الكامة .. لاحظت ان العربية بتعلى اغلب الاوقات وساعات توطى ... دا غير انها بتستهلك بنزين زيااااااادة..
    حد يعرف دا من ايه وممكن اعمل ايه للعلاج ؟

    آسف ع الإطالة وشكراً مقدماً :)

  • #2
    مازلت اتعشم في الرد الشافي :)

    Comment


    • #3
      طب ماتقولى بتحط زيت ايه للمازدا 323
      عشان انا مش عارف موضوع تغيير الزيت كل مره نوع ده اكيد مش حاجه كويسه وكمان انا جربت موبيل السوبر
      وفى ناس بتقولى حط زيت بتاع بنزينه الوطنيه ده كويس فياريت تقدر تفيدنى

      Comment


      • #4
        المشاركة الأصلية كتبت بواسطة mado83 مشاهدة المشاركة
        طب ماتقولى بتحط زيت ايه للمازدا 323
        عشان انا مش عارف موضوع تغيير الزيت كل مره نوع ده اكيد مش حاجه كويسه وكمان انا جربت موبيل السوبر
        وفى ناس بتقولى حط زيت بتاع بنزينه الوطنيه ده كويس فياريت تقدر تفيدنى

        المازدا موديل 86 كنت بحطلها بترومين .. العادي ب 55 وبغيره على الف كيلو بس
        اكتشفت انه زيت احادي الدرجة مكتوب عليه sae40 تقريبا يعني لزوجته واحدة ودا مش كويس قوي بالرغم من انه معملش معاها اي ضرر لمدة 3 سنين
        يفضل تحط زيت متعدد الدرجات زي بترومين سوبر تقريبا ب 60 او 65 وتغيره على الف برضه للأمان
        متعدد الدرجات يعني بيبقى مكتوب عليه رقمين بالشكل دا 20w50 يعني لزوجتى في البرودة 20 وفي الحرارة العالية 50

        وعموماً انصح حضرتك بانك كل اسبوع كدا تشوف مقاس الزيت وتتاكد انه منزلش كتير عن الماكس وإلا تزودة من نفس النوع ..وتشوف لسه فيه لزوجة ولا بقى شبية بالميه .. لو لونه اتغير بس مش اسود خالص يبقى لسه صالح للاستخدام .. انما مثلا لو لاقيت فيه لا قدر الله ذرات معدنية صغيره يبقى لازم تغيره مع الفلتر عشان الذرات دي متنحرش في أجزاء المحرك وتسبب تآكل

        Comment


        • #5
          يا منتدانا الغالي ... هل من مجيب ؟

          Comment


          • #6
            بالنسبة لموضوع الزيت أنصحك تجرب زيت ليكومولى وأن شاء الله هيعجبك

            لكن أتأكد الآول من حل المشاكل بتاعت صوت العربية وأستهلاك البنزين
            والله الموفق والمستعان

            Comment


            • #7
              المشاركة الأصلية كتبت بواسطة abdm مشاهدة المشاركة
              بالنسبة لموضوع الزيت أنصحك تجرب زيت ليكومولى وأن شاء الله هيعجبك

              لكن أتأكد الآول من حل المشاكل بتاعت صوت العربية وأستهلاك البنزين
              والله الموفق والمستعان
              جزاك الله كل خير يا سيدي

              Comment


              • #8
                انا عربيتى لانوس 1 موديل 2000 موضوع تغير صوت العربية من عالى لواطى والعكس حصل معايا وبعد ماعملت نظافة لجزء المانيفول الى فية حساس الايدال والبوابة بمنظف الكاربيراتير بقت زى الفل وكل فترة بعمل كدة اما بالنسة لموضوع الزيت فدى مشكلة عندى ومش عارف احلها خالص الزيت عندى بيقل من بعد 800 كيلو تقريبا ومش باين اى حاجة عنة من الشكمان وياريت تفيدنى فى انسب نوع زيت ينفعلى

                Comment


                • #9
                  متابع
                  ويا ريت حد يفهمنا ايه الفرق بين الزيت التخليقى والزيت المعدنى وايهم افيد للماتور واعرفه ازاى وانا بشترى
                  :00020140:ahmed gamal

                  Comment


                  • #10
                    المشاركة الأصلية كتبت بواسطة lovestormm مشاهدة المشاركة
                    انا عربيتى لانوس 1 موديل 2000 موضوع تغير صوت العربية من عالى لواطى والعكس حصل معايا وبعد ماعملت نظافة لجزء المانيفول الى فية حساس الايدال والبوابة بمنظف الكاربيراتير بقت زى الفل وكل فترة بعمل كدة اما بالنسة لموضوع الزيت فدى مشكلة عندى ومش عارف احلها خالص الزيت عندى بيقل من بعد 800 كيلو تقريبا ومش باين اى حاجة عنة من الشكمان وياريت تفيدنى فى انسب نوع زيت ينفعلى

                    والله انا خبيرتي مش كبيرة في المواضيع دي بس اللي اعرفة ان ممكن يكون في اويل سيل او جوان بين حاجه وحاجه مسرب وعايز يتغير دا لو باذن الله المحرك سليم .. يعني حضرتك هتدور كويس او ميكانيكي يكون دقيق شوية يدور على اي جوان عامل تسريب ممكن بتغييرة يحل المشكلة ان شاء الله

                    Comment


                    • #11
                      المشاركة الأصلية كتبت بواسطة more_try2 مشاهدة المشاركة
                      متابع
                      ويا ريت حد يفهمنا ايه الفرق بين الزيت التخليقى والزيت المعدنى وايهم افيد للماتور واعرفه ازاى وانا بشترى
                      انا هحاول اقول لحضرتك خلاصة اللي قريته في الموضوع دا .. ويارب افيدك وتكون اجابتي شافية وسليمة ..
                      الزيت المعدني اساسة الزيت المستخرج من عمليات تكرير البترول وبيتم اضافة اضافات لتغيير اللزوجة مع درجة الحرارة واضافات تنظيف المحرك واضافت تشتيت الرواسب بحيث ما تترسبش على اي جزء في المحرك واضافات منع الأكسدة يعني منع احتراق الزيت بدري ..
                      أما الزيت التخليقي فبيتخلق 100% في المعمل وبيضاف اليه نفس الاضافات
                      اللي بيفرق في اسعار الزيوت المعدنية هو كفاءة ونوعية الاضافات عشان كد بتلاقي في حاجة اسمها تصنيف مستوى الخدمة .. يعني اعتقد اقصي درجة كفاءة ممكن تلاقيها على عبوة زيت معدني هي sl وال s يعني لمحركات البنزين وال l هي مستوى خدمة الزيت وكل ما الحرف دا يكون متأخر في الابجدية يكون الزيت أكفأ وأغلى ويعمل كيلومترات اكتر

                      الزيت التخليقي بيبدأ بمستوى خدمة sm واعتقد في يمكن نوع او نوعين في مصر مستوى خدمتهم sn زي بعض زيوت ليكوي مولي ..

                      كدا عرفت مستوي الخدمة .. تعالي بقى لدرجات اللزوجة
                      اي اي زيت تشترية لازم يكون متعدد الدرجات يعني مكتوب عليه بالشكل دا sae 20w-50 مثلا
                      والرقم الاقل بجانب حرف ال w اختصارا ل winter يعني معامل اللزوجة في درجات الحرارة المنخفضة يعني درجة حرارة الجو اللي بتكون درجة حرارة الزيت وقت تشغيل السيارة وهي لسه باردة .. اما الرقم الاعلي هو معامل اللزوجة تقريبا عند 100 درجة مئوية ..

                      يقال ان المحرك اللي مشى ميل بالزيت المعدني كأنة مشى خمسة اميال بالتخليقي .. يعني الزيت التخليقي بيحافظ على المحرك لغاية 5 مرات اكتر..

                      ليه ؟ لان التخليقي بتكون درجة لزوجتة في البرودة اقل بكتير هتلاقي مكتوب على العبوة 5w-40 ,, 0w-50 اما المعدني فاعتقد انه اقل درجة فيه هي شل الاصفر 15w-50 اما الشائع لدرجة تغيظ هو زيوت 20w-50
                      وبسبب كدا فالتخليقي بيحمي المحرك لحظة بدء الدوران والسيارة باردة لان لزوجتة اقل فبينتشر بسرعة حوالي 3 ثواني وبيكون خفيف على طلمية الزيت اما المعدني فيقال ان بياخد 20 ثانية لغاية ما يقدر يوصل لكافة الاجزاء بيكون فيهم حديد على حديد وتاكل و80% من تآكل المحركات بيحصل وقت التسخين ..
                      نسيت اقول ان في زيوت نصف تخليقية بتكون تقريبا بينهم يعني في 10w-40 مثلا..

                      الزيت المعدني على حد علمي فممكن تمشي بيه مسافات من الف واحد ل 5 الاف كيلو حسب جودته ودرجة خدمته

                      الزيت التخليقي بيوصل ل 10 الاف كيلو وفي ناس بتقول 15 الف وطبعا سعرة ضعف او اكتر شوية من سعر المعدني بس لو حسبتها هتلاقيه اوفر وأأمن ..

                      أما بقى السؤال الملحمي انت تقدر تستخدم ايه فهو دا المشكلة
                      اولاً مفروض تشوف كتالوج سيارتك موصي بأيه في الغالب هيكون مديك مستوى خدمة متقلش عنه انما لو زدت فأفضل
                      كمان بيديك تصنيفات اللزوجة المناسبة لمحركك طبقا لدرجات الحرارة في بلدك ..

                      ثانياً وهو الأهم : يقال ان لو المحرك مشى كيلومترات كتيرة اكبر من 100 الف مش بينفع معاه التخليقي لان الخلوصات او الفراغات اللي بين اجزاء المحرك وسعت بفعل التاكل البسيط مع الزمن ولو حطيت زيت تخليقي لزوجتة قليله هينقص بسهولة بالرغم من انه هيحمي المحرك اكتر وهتضطر تزودة او تنزلة بدري عن ال 10 الاف كيلو او ال 7 الاف كيلو حسب درجة الامان اللي انت عايزها
                      فكدا جدواه الاقتصادية فاشلة انما لو المحرك مش بينقص زيت وحالته جيدة فحرام لو مستخدمتش زيت تخليقي
                      ظهر دلوقتي زيوت بيطلق عليها high mileage او زيوت المحركات اللي قطعت مسافات طويلة جداً زي زيت هولندي اسمه فالفولين ماكس لايف نصف تخليقي ب 190 جنيه بيقولو انه مصمم للمحرك الي قطع مسافات طويلة لان فيه ملطفات لاجزاء المحرك اللي ممكن تنشف مع الوقت وتسرب زيت فيعتبر كعلاج

                      انا عن نفسي العربية عاملة 312 الف كيلو ماشاء الله واتخذت قراري المتهور واشتريت خلاص زيت شل الترا التخليقي ب 240 جنية وهغيره مع الفلتر ( لان تغيير الفلتر واجب ع تغيير نوع الزيت عن اللي كان فيه ) وهشوف الموضوع لو مشى معايا كويس يبقى انا الكسبان لو ممشاش يبقى جت على قد القلوس !!
                      اتمنى اكون أفدت :)

                      Comment

                      Working...
                      X