سؤال خاص بالديسك والاسطوانه

[more_try2]

العربيه عندى فى الرابع والخامس سحبها وحش يعنى تيجى فى مطلع وتنام على الثمانين والطوالى ممكن تجيب ال130 بسهوله مع العلم ان الماتور بحاله ممتازه والميكانيكى شاف الديسك والاسطوانه قالى متغيرهمش كويسين جدا انا محتار هل هى كهربا سلو وبوجيهات هلى رشاشات مع العلم ان العربيه دايره حلو وصوت الماتور هايل والحمدلله بصراحة مبقتش فاهم بس اكتشفت اليومين دول صوت الشكمان عالى حبتين ممكن ده ياثر على سحب العربيه

[tarek_2005]

جرب طقم الدبرياج بالطريقة التالية واحكم عليه بنفسك
1- ادر محرك السيارة
2- ضع قدمك اليسري علي الدبرياج
3 - ضع الفتيس علي الثاني
4 - ضع قدمك اليمني علي كل من بدال الفرامل والبنزين
5 - ارفع فرملة اليد
6 - ارفع قدمك الشمال من علي الدبرياج

لو العربية بطلت علاطول (( فوراً )) يبقي طقم الدبرياج سليم 100%
لو تباطائت في التبطيل او لم تبطل يبقي طقم الدبرياج ضايع ويجب تغييره

[mohammedsaid]

استاذ طارق
يعنى لما ارفع رجلى الشمال فجاه رجلى اليمين تبقى على ايه

[wwael12345]

اعتقد رجلك تكون عا الفرامل
عشان تشوف قوة الاسطوانة

[tarek_2005]

لم اقل انك ترفع رجلك الشمال فجاة
رجلك اليمين بتبقي علي بدالي الفرامل والبنزين معاً

[swimmer25]

مطلع بتكون بطيئة وصوت الموتور بيعلي علي الفاضي والطوالي شغالة يبقي كده نسبة كبيرة جدا طقم دبرياج وهتفضل كفائته تقل لحد ما يموت خالص
وممكن كمان تكون طرمبة بنزين بس بنسبة قليلة
خلي ميكانيكي تاني يبص علي طقم الدبرياج .. وياريت دايما تقول معلومات عن العربية عشان الشباب يتوقعوا ممكن العيب يكون فيه..يعني الموديل والصيانات وعاملة كام الف وغيره

[more_try2]

بشكركم جداااااااا انا غيرت لى الشكمان هو ال كان عامل المشكله ومضيع السحب الحمد لله دلوقتى العربيه تمام وبردو هجرب موضوع اختبار الديسك والاسطوانه دى طريقة كويسه للحكم عليهم

[tarek_2005]

مبروك علي الاصلاح ومعتقدش الشكمان ياثر بالدرجة الكبيرة دي في السحب الا لو حضرتك حساس جداً في قيادة السيارة وعندك قدرة ملاحظة كبيرة جداً

[more_try2]

للاسف العلبه طلعت هى ال عامله المشكله فعلا التالت مكنش بيجيب ال60 دلوقتى ممكن يوصل ل90 واضح ان علبه اللى كلنت مكتومة وهى ال سببت المشكله دىبس الحمدلله انتهت والحمدلله

[more_try2]

استاذ طارق الله يبارك فيك فى فى سئوال تانى معلش فى صوت من الامام صوت (( فووووو )) مش قادر احكم عليه جاى منين بعد ما حكمت الشكمان والفرن هل هو من الشكمان ولا العمه مش قادر اوصله ومجننى الصوت ده لانه مبيظهرش غير لما بمشى بالعربيه وازود يعنى ميبنش فى المور