استفسار بخصوص تانك البنزين

[m4th]

السلام عليكم

كنت النهارده بربط عفشه و الراجل قالى ان تانك البنزين عندى مصدى و حالته صعبه خالص و ممكن اى خبطه فيه تخرمه ! :o

و اقترح عليا انى اروح له يصنفره و يديله كذا وش دوكوا و زيت و حاجات كده و ده هيحميه اكتر و كدا

انا الصراحه مقدرتش احدد اذا كانت حاله ال التانك وحشه ولا لأ بس هو شكله مصدى شويه

هل الحل اللى بيقول عليه ده بينفع فعلا ؟ و بيتكلف كام ؟ ولا اغير التانك كله ؟ و التانك بكام ؟

عايز اتأكد من صحه الكلام ده ... التانك ده اختصاص مين ؟ ميكانيكى ؟

شكرا مقدما

[Bassem Taha]

انا هقول لحضرتك لو كنت مكانك كنت هعمل ايه
اولاً : هروح لعفشجي تاني واخليه يبص عليه هل فعلاً الصدا ده مشكلة وحاجه خطيرة ولا لأ
لو قالي عادي يبقى عادي والراجل التاني كان بس عايز يعمل شوية شغل
لو قال لا لازم يتغير يبقى بدون تفكير هروح أغيره لأن ده تانك البنزين يعني حاجه مفهاااااااااااااش هزار والغلطه في الحكاية دي بفورة
فكنت هروح اغيره واشتري نفسي

بس طبعاً ده كله بعد ما أتأكد من عفشجي تاني ان فعلاً التانك فيه مشكله

[mr_sameh]

اعتقد ان دي اشتغاله التنك من اكتر الحاجات اللي بتعيش في العربيه

[m4th]

طب بفرض ان كلامه صحيح ؟ التانك يعمل بكام ؟

و شكرا على الرد يا رجاله

[tarek_2005]

التانك مسؤلية ميكانيكي وليس عفشجي ويجب فحصه من قبل الميكانيكي

[el_cas2002]

اسأل سمكرى خبرة
اذا كان مصدى غيره بسرعة
الاستعمال سعره ما بين 250 و 350 جنيه

[mero100]

اسأل سمكرى خبرة
اذا كان مصدى غيره بسرعة
الاستعمال سعره ما بين 250 و 350 جنيه

+1

[rocker]

مفيش تانك يحصل له برومه لدرجه التاكل وانه يبوش بالشكل الموصوف ده والعفشجى طبعا اشتغاله وللكشف عليه ارفع العربيه وشوفه بعينك المجرده ولو لقيت صدا قشره بتطلع فى ايدك عند حكحا بمفك يبقى تعبان لو مافيش كده سيبك منه

[m4th]

الف شكر يا رجاله على الردود

[el_cas2002]

التانك عايز تشوفه مصدى يبقى من داخل التانك
لانه ممكن يكون من الخارج لايظهر عليه الصدأ
حصلت معى انه ظهر نقط بنزين صغيرة عالجتها بالمعجون
ثم توالت الثقوب و لما فكيت التنك ظهر ان كل الارضية بها بارومه