دخان أبيض من فتحة التكييف

[zomzom11]

انا لاحظت ان البخار او الدخان طالع من فتحت التكييف رغم عدم تشغيله وكمان لاحظت ان الميه بتقل فى القربه اكيد فى علاقه بين تبخير المياه فى القربه ووصولها لفتحات التكيف حد عنده فكره ازاى التسريب فى دورة المياه يتبخر ويوصل للفتحات بتاعة التكيف ولو شغلت مروحة التكييف تطلع هواء عادى بدون بخار او دخان؟
والسكه دى كهربائى ولا بتاع رادياتيرات؟

[MMamdouh]

سربنتينة التكييف السخن بتبقى جةو جسم التكييف.... السربنتسينة دى مليانة مية سخنة من دورة التبريد

لما السربنتينة بتتخرم بتسرب مية تبريد جوة التكييف و بالتالى مية التبريد بتقل و فى الجو البارد المية السخنة بتطلع بخار و دة بيخرج من فتحات التكييف

الحل اما تلغى السخن زى ما 99% مننا بيعمل و اما تغيرها (تمنها 250 جنية غير مصنعية فك و تركيب التابلوة و التكييف)

MMamdouh

[zomzom11]

اولا شكرا لكل الاخوه الى شاركو وساهمو بالردود معايا
ثانيا اسف عالتاخير نظرا لان اللاب توب الى حيلتى باظ وجهاز العبال بردو باظ فالنت بالنسبه لى بقى محدود جدا ومش متوفر
ثالثا انا كنت مرعوب لان شكى كان رايح فى السلك الى ورا التابلوه وقلت موضوع كبير ولازم حد فاهم مش اى صنايعى هامنله لكن ردرو الناس هنا وضحتى لى ان المشكله مش عويصه وحدد اتجاه العيب وده الى خلانى اصبر لغاية ما اروح للميكانيكى بتاعى والحمد لله اتحلت
فى خرطومين للسخن شال واحده وركب التانيه فى مكان الاولى والحمد لله
شكرا لكل الاعضاء

[khaled_Saga]

دا بخار ماء كان متكثف علي السربنتينه الساخنة وبكدا يبقي خرطوم فايظ التكييف عندك مسدود سلكه

كلام سليم يا استاذ طارق

[Dr.lancer]

إزاى حضرتك شغلت التكييف من غير المروحة ؟؟؟ ... أساسا لازم تكون المروحة شغالة علشان التكييف يشتغل سواء بارد او ساخن بالكباس او من غيره ؟؟؟؟

ولا حضرتك تقصد شغلت التكييف من غير متشغل الكباس ,يعنى على المراوح وبس

فعلا أنا حولت مؤشر الحرارة الى الأحمر و فتحت الهواية علشان تجيب هواء من خارج العربية فقط من غير ما أشغل المروحة. لو جربتها حتجيب هواء ساخن بسيط .