الميكانيكى عاوز يفك العفشه ؟

[HanyManssy]

فيه صوت من أمام العربيه يمين و بالذات فى الملفات لانوس 2007 كانت الأول صوت طقطقه ذهبت للعفشجى قالى قاعده المقص مكسوره و لحمها بالكهرباء ب 40 جنيه بصراحه الصوت راح بعد شهر الصوت رجع أقل ثم زاد ذهبت للعفشجى قالى علبه الدركسيون فيها بوش خفيف الاستيراد 350 و الجديد 1300 معجبنيش الكلام ذهبت لعفشجى أخر قالى لا علبه الدركسيون سليمه الكبالن هى اللى بطقطق ذهبت لواح اخر جربنا السياره حوالى 30 دقيقه قالى علبه الدركسيون كويسه و دخل السياره الحفره و قال الكبالن كويسه بس العفشه عاوزه تتفك و يتبص عليها كويس . ايه رأي سيادتكم و فك العفشه و فحصها ده مصنعيته كام تقريبا؟
شكرا

[HanyManssy]

الميكانيكى قالى دا غالبا بيض أو جلب بس لازم نفك العفشه انا لسه مغير المساعدين فى شهر يونيو و فردتيى الكاوتش الاماميتين الشهر الماضى

[mero100]

الكشف مش حيضر ......و انا قريت بعض الاعضاء هنا في المنتدي بيقولوا ينصح بعدم تغيير جلب المقصات بل تغيير المقصات بالكامل ......دة في حاله لا قدر الله عندك حاجة في المقصات

[HanyManssy]

شكرا يا باشا على الرد

[HanyManssy]

السلام عليكم

الميكانيكى غير المقصين و بيض بارات الطرف و تيل الفرامل
اشتريت الحاجه من البنا بالتوفيقيه
مقص ctr الواحد ب 160 جنيه
بيض البارات الدركسيون ctr الجوز ب 80 جنيه
تيل فرامل جولد ب 50 جنيه
المصنعيه 110
ضبط الزوايا ب 20 جنيه
و كان فيه خبطه بالشكمان رحت للزقازيقى الكبير بدوران شبرا فكه و سخنه و عدله ب 30 جنيه
ربنا يستر

[HanyManssy]

الميكانيكى شاف المساعدين جايبين زيت مع انى كنت لسه مغيرهم فى يونيو الماضى ب جى ام أصلى أصلى بس طلعوا مش تمام

[HanyManssy]

اشتريت طنابير optimale المفروض المانى ب 180 جنيه من البنا بس لما شوفت المساعدين خفت اشيل الطنابير الاصليه و اضع الالمانى ايه راى سيادتكم؟

[HanyManssy]

سعر بيض المقص ctr حوالى 90 جنيه المقص كله ب 160 جنيه
شراء المقص أرخص من شراء البيض و الخراط يركبه على المقص القديم