سؤال عن نقص مياة القربة وبعض اسئله اخري ؟؟؟

[vip6]

اخوان الكرام

* انا معايا لانوس موديل 2000 والحمد لله ما فيهاش مشاكل الا ان لاحظت نقص في المياة الي في القربة والمشكله دي مكنتش موجوده قبل كده بمعني ان كنت بزود المياه كل اسبوعين مثلا دلوقت كل 3 ايام او يومين الاقي القربه شبه فاضيه وفيها ربع بس الي مليان وللعلم القربه الي عندي لسه جديده gm كوري وتأكدت من عدم تسريب ايه خراطيم خارجه من القربه ، ياتري العيب فين ؟؟؟

* ايه الاثار السلبيه للبنزين الـــ 80 علي عربيتي ؟؟؟

* هل يمكن تركيب عداد ار بي ام في عربيتي ؟؟؟

* بلاحظ ان عربيتي بعد الــ 150 بتبقي بطيئة في التسارع يعني العداد بالعافيه بيوصل لـ 160 او اقصاه 170 عاوز اعرف ليه برغم ان اخري في الجري لو مسافر هو 140 بس عاوز اعرف ايه السبب ؟؟؟

وجزاكم الله خيرا

[tarek_2005]

نقص مياه = كبس دورة تبريد
للتشخيص السليم
ليس له اثار جانبية لو عدلت فيشة الاوكتين سوي ضعف السحب والتسارع وممكن بعض التسقيف لو رجلك تقيلة علي بدال الاكسراتير
فتحت متور عربيتك ازاي

[more_try2]

بص على جلب الميه ال فى البلوك ممكن تكون بترشح ميه وغير غطا علبه الميه بالغطا القديم وجرب

[vip6]

نقص مياه = كبس دورة تبريد
للتشخيص السليم
ليس له اثار جانبية لو عدلت فيشة الاوكتين سوي ضعف السحب والتسارع وممكن بعض التسقيف لو رجلك تقيلة علي بدال الاكسراتير
فتحت متور عربيتك ازاي

- انا متشكر جدا علي مشاركتك ولكن انا عاوز اعرف يعني ايه (كبس دورة التبريد) واعرفها ازاي

- انا مفتحتش متور عربيتي ، ولكن انا اقصد وانا مسافر وعلي الطريق بلاحظ ان عربيتي بعد الــ 150 بيبقي العداد بطيء في الزيادة يعني بالعافيه بيوصل لـ 160 او اقصاه 170 عاوز اعرف ليه مثلا معرفش اقفل العداد ، برغم اني اخري في الجري لو مسافر هو 140 بس عاوز اعرف ايه السبب وده للطمأنينة علي عربيتي مش اكتر ؟؟؟


وشكرا جزيلا

[vip6]

بص على جلب الميه ال فى البلوك ممكن تكون بترشح ميه وغير غطا علبه الميه بالغطا القديم وجرب

جزاكم الله خيرا علي المشاركه

بس عاوز اعرف فين مكان البلوك والجلب ، وهخلي غطا القربه اخر حاجه ممكن افكر فيها لانه محكوم جدا وكويس جدا

تحياتي

[mero100]

نقص مياه = كبس دورة تبريد
للتشخيص السليم
ليس له اثار جانبية لو عدلت فيشة الاوكتين سوي ضعف السحب والتسارع وممكن بعض التسقيف لو رجلك تقيلة علي بدال الاكسراتير
فتحت متور عربيتك ازاي

+1

الاستاذ طارق قصده انت لينت العربيه ازاي .
و عاوز اقولك علي حاجة المفروض ان كاتالوج اللانوس بيقول ان السرعه القصوي ليها علي ما اتذكر 172 كم في الساعه ....يبقي انت كويس لما تسافر وتجيب 140 كم دة شيء عظيم جدا :-)
و دي وجهه نظري
تحياتي
عمرو ابراهيم

[kareem_1]

موضوع نقص الميه دا غالبا طلمبه المية عايزه تتقفل سيلكون كويس علشان متسربش او ممكن تكون عايزه تتغير غالبا
عموما اكشف على طلمبه الميه علشان احتمال كبير تكون هيا السبب

[more_try2]

جزاكم الله خيرا علي المشاركه

بس عاوز اعرف فين مكان البلوك والجلب ، وهخلي غطا القربه اخر حاجه ممكن افكر فيها لانه محكوم جدا وكويس جدا

تحياتي

جلب الميه دى بتكون فى ضهر البلوك ووش البلوك وشكلها مدور وبتكون مكبوسه داخل البلوك من الامام والخلف هما اربعه قدام واربعه فى الخلف

[dr.hany]

اسمها الشائع طببه وتمنها حوالى 3 جنيهات للواحده وبتاخد غلبه فى تغيرها شويه

[tarek_2005]

كبس دورة التبريد عبارة عن غطاء قربة مزود بمنفاخ بيرفع الضغط داخل الدورة الي 3 بار مثلاً وبالتالي المكان الضعيف في الدورة بيسرب ميه فوراً وبتعرف العيب من ايه بدل متعد تغيير حجات كتير بطريقة تراي اند ارور

[vip6]

كبس دورة التبريد عبارة عن غطاء قربة مزود بمنفاخ بيرفع الضغط داخل الدورة الي 3 بار مثلاً وبالتالي المكان الضعيف في الدورة بيسرب ميه فوراً وبتعرف العيب من ايه بدل متعد تغيير حجات كتير بطريقة تراي اند ارور

يعنى حضرتك شايف ان اغير غطاء القربة بواحد جديد ؟؟؟

[vip6]

واخيرا عرفت العيب منين

(مشترك الميه) الى بيركب ورا المانفولد كان بيسرب لانه قدم اوى لدرجه ان كان جزء منه دايب وكان لازم يتغير

والحمد لله

[alaa_tawfik]

موضوع نقص الميه دا غالبا طلمبه المية عايزه تتقفل سيلكون كويس علشان متسربش او ممكن تكون عايزه تتغير غالبا
عموما اكشف على طلمبه الميه علشان احتمال كبير تكون هيا السبب

هذا الكلام سليم 100 * 100 لانى غيرت طرمبه ميه على 110000 كم ولقيت الميه مبتتنقص كأنها زيرو

[more_try2]

اسمها الشائع طببه وتمنها حوالى 3 جنيهات للواحده وبتاخد غلبه فى تغيرها شويه

دكتور هانى حضرتك تعرف الطاره دى موجوده فين انا عايز اشتيرها واسف لصاحب الموضوع وهل جديده ولا مستعمل