زيت عربيتى بينقص من اول 800 كيلو

[lovestormm]

انا عندى لانوس 1 موديل 2000 عامل 155 الف كيلو انا ماشى بيها تقريبا 30الف مشكلتى ان زيت العربية دايما بينقص بالاخص بعد اول 800 كيلو من تغيير الزيت وماعنديش اى دلائل يعنى الشكمان بيطلع دخنة بيضة شفافة عند بداية التدوير وبيعرق مياة انا جربت انواع زيت كتير ومش لاقى حل الى الان اثق باذن اللة بالافادة ؟

[AHMEDCAR]

مافيش اى حاجه بتسرب زيت طيب

مش شرط ان الزيت بيتحرق انه يطلع من الشكمان ممكن يكون الموتور بيفوت كبس

[elshafey]

متاااااااااااااااااااابع

[khaledserag]

نفس الموضوع عندى يا باشا و اخر ما وصلت له بعد سنتين من اخذ الاراء ان لازم افك الوش و اعمل جلد الصباب و قد احتاج طقم شنبر

[lovestormm]

لا مافيش اى تسريب

[lovestormm]

يعنى انت عملت جلد للصباب واتظبطت معاك ولا بتقترح والتكلفة ممكن تكون اد اية بعد فك الموتور ولا الواحد ممكن يغير زى ما بيقولوا النصى التحتانى عشان ما يخشش فى حدوتة ؟

[lovestormm]

ان شاء الله تفيدونى بحل جزرى للمشكلة وازاى اعرف ان الموتور بيفوت كبس

[zocor742]

ان شاء الله تفيدونى بحل جزرى للمشكلة وازاى اعرف ان الموتور بيفوت كبس

عشان تعرف المتور بيفوت كبس ولا لأ اطلع على بنزينة نظيفة تكون بتعمل اختبار كبس للمتور او مركز خدمة يكون بيعمل اختبار كبس وشوف حضرتك ساكن فين والاعضاء يفيدوك على مكان محترم تعملة عندة.
بس حضرتك متأكد كويس ان مفيش جوان ولا اويسيل بيسرب مفيش تعريق زيت من اى مكان فى المكنة اتأكدت ان كارتيرة الزيت مفهاش تعريق زيت من الجوان ولا فيها اثر تسريب زيت
على فكرة فية 3اويسيلات فى جنب المكنة الشمال اتين منهم تقريبا فى وش المتور وواحد فى البلوك تحت لو فيههم ترشيح مش هتلاحظة عشان ورا الفبرة بتاعت سير الكاتينة بيسيل زيت لحد ميتجمع على الكرتيرة ويتنفط على الارض او احيانا على سوستة الجكمان واللى اعرفة الاويسيلات بتجيب زيت والمكنة واقفة .
طيب مجربتش لما تبيت العربية وتنزل تانى يوم ترجع العربية ورا شوية وتشوف فية تنقيط زيت على الارض ولا لأ
ان شاء الله بسيطة والاعضاء يفيدوك اكتر

[lovestormm]

متشكر جدا على زوقك العالى واهتمامك انا غيرت اويلسيل كرنك خلفى عشان اتاكد من عدم وجود التسريب وببص كتير تحت العربية انا فعلا معاك فى تفكيرك وهعمل كبس فى بنزيمة ونشوف اية النتيجة على العموم تسلم لزوقك واهتمامك