اصحاب اللانوس...الاول بيجى معايا من الثبات؟؟

[Akram]

أتفق معك يا mytutor

كانت معايا 127 و كنت لو هديت زيادة (علشان مطب مثلاً أو زحمة) كنت لازم اجيب الأول و ده بسبب إن الموتور خفيف و لو حاولت الاقي الموتور بيقولي حرام عليك هو كله ضرب ضرب مفيش شتيمة :)

لكن في نفس الوقت مع عربيات تانية موتورها كويس مكنتش ببقى محتاج أعمل كده .
يعني زي ما (mytutor2008) بيقول :

انا عارف ان الأول ده لتحريك السيارة فقط؟ ولا داعي للرجوع علي الأول طالما السيارة تتحرك

[MMamdouh]

انا عارف ان الأول ده لتحريك السيارة فقط؟ ولا داعي للرجوع علي الأول طالما السيارة تتحرك

الموضوع يعتمد على متطلبات كل موقف... مش شرط كل مرة تهدى تحتاج تحط اولانى لكن ساعات بتبقى عايز تسارع عالى عشان تحل موقف صعب

MMamdouh

[bolla_hamoda]

أنا سألت فى الموضوع بتاع الغيار الأول وعرفت ان دة طبيعى والعربية لازم تأخذ غيار السرعة اللى ماشية عليها

[Mohamed A S]

لا طبعا الفتيس مبيعضش... لو بيعض مكنتش عملت كدة اساسا لان العضة دى معناها ان التروس لمست بعض و هما بيلفوا بسرعات مختلفة و اسنان التروس خبطت فى بعض

الفكرة انك مترزعش النقلة بالعافية... انقل اكنك بتحسس على العصاية زى ما بتجيب المرشدير كدة عشان ميعضش... الوقت الزائد فى النقل بيدى فرصة لحلقات التزامن انها تعدل من سرعتها عشان تقبل النقلة للسرعة الاقل

rev limiter

دى خاصية فى العربيات الانجكشن و بعض العربيات الكربراتير على ما اعتقد و دى بتمنع الموتور من انة يزود لفاتة عن حد معين... يعنى فى اللانوس انت مش حتعرف تزود لفات الموتور عن 6500RPM حتى لو كبست الدواسة للارض لان الكونترول اول ما بيلاقى لفات الموتور وصلت للحد دة بيفصل يا البنزين يا الشرارة مش فاكر مين فيهم بس فى النهاية بيمنع الموتور من انه يلف اسرع من كدة و لما بيحصل الموضوع دة بتلاقى الموتور اكنة بيقطع و دة اللى بيسموه "تفصيل" او ان الموتور "بيفصل" بتشديد الصاد

http://www.youtube.com/watch?v=YfSIgDDeF9E

MMamdouh

ألف شكر على التوضيح ..