مساعده بالنوبيرا

[MOHMED2511]

بسم الله الرحمن الرحيم
انا معايه عربيه نوبيرا موديل 2006 العربيه مشيه 40الف كم وعندي كام مشكله ظهرت
1) العربيه لما بشغلها وهيه سخنه (وقفت مثلا بجيب حاجه ) العربيه بتاخد وقت طويل علشان تشتغل وحاسس ان السحب قل و استهلاك البنزين زاد
2) في صوت تكتكه بيظهر من قدام في النقر كائن في حاجه سيبه من تحت
3) العربيه مش ثابته خالص علي الارض علي السرعات العاليه (100 الي .......)
4) العربيه فرملها ضغيه ( تحس انها بعيده) و الدبرياج ثقيل شويه
وشكرااااااااااااااااااااااااااا

[abo_amr]

1 - السيارة محتاجة تنظيف انجكشن وتغيير فلتر بنزين وتغيير بوجيهات
ولو غابت فى التشغيل بعد كده يبقى محتاجة للكشف على الرشاشات ( ممكن تكون بتسيل )
2 - لازم تكشف على العفشة معرفة صوت الطقطقة جاى منين
3 -عدم الثبات هو نتيجة لرقم 2 ( العفشة )
4 - عند الكشف على العفشة شوف تيل الفرامل ولو ممكن تغييره بالمرة - وسيب مشكلة الدبرياج للأخر
ولاحظه لوحده ولو أستمر التقل خللى ميكانيكى يصلحه

متابع معاك وإن شاء الله حاجات بسيطة بس تلحقها بدرى أحسن
بس الغريبة انك مش كاتب النوبيرا فى البروفايل بتاعك !!!

[blazer]

)غالبا رشاشات
2) اكشف على العفشه ربطها ممكن الصوت يختفى " ممكن تكون بارات لو بتحس بتقر فى الدركسيون "

4) خد هوا من دايره الفرامل وغير الزيت بتاع الدوره كاملا لو متغيرش قبل كدا


ياريت تقولنا ايه اخر صيانه اتعملت للعربيه ومن مده أد ايه

[MOHMED2511]

شكرا لاهتمام الجميع
طب لو الرشاشات بتسيل اعتقد ان حلها التغير
طب انا كنت سمعت الناس بتعدل الرشاشات و بتركب الرشاشات بتاعت الفيرنه
ما مدي صحه هذا الكلام
طب الرشاشات الاصليه للعربيه بكام
وهل اصله العربيه بالكامل في التوكيل ولا فين
وشكرررررررررررررررررررررررررررررررر

[blazer]

تركب رشاشات الهيونداى النترا بتعمل من 150 - 200 جنيه استيراد
جديد هتلاقى الطقم معدى ال 1500 جنيه
ودى اى حد يعملها مش محتاجه توكيل ولا اى حاجه

[MOHMED2511]

طب رشاشات النوبيره الاصلي بكام وهل هي احسن من تعديل الرشاشات
وشكراااااا

[blazer]

لا الاصلى اصلا فيها عيب تصنيع
الاحسن التعديل

[MMamdouh]

طب رشاشات النوبيره الاصلي بكام وهل هي احسن من تعديل الرشاشات
وشكراااااا

طقم الرشاشات الاصلى بحوالى 1000 جنية... و برضة بعد فترة هيسيل

MMamdouh