الفتيس

[kimo66]

السلام عليكم ورحمة اللة وبركاتة
من فترة والدبرياش عندى تقيل جدا خصوصا لما العربية بتسخن رحت للميكانيكى وقلتة جرب العربية وقالى لا مافيهاش حاجة بعدها باسبوعين العربية مابقتش بتدى اى غيار يعنى الغيار مش بيعشق بطلت العربية واديت الغيار التانى ودورت وطلعت على اقرب ميكانيكى قالى شكلها الاسطوانة قفشت هنحل ونشوف حل لقى الاسطوانة والديسك كويسن البلية بس اللى عاوزة تتغير بس ملقناش زيت فى الفتيس خالص قالى عاوزين 2.5كيلو زيت بس انا اصريت على 1.8كيلو موبيل وركب وكلة تمام بس الغيار التانى تقيل شوية وهو قالى استنى يومين ولو الغيار لسة تقيل تعالى وانا اشوفة
السوال بقىالزيت راح فين والمفروض نزود زيت فتيس كل اد اية
العربية شفرولية لانوس 2001ودى اول مرة احل الفتيس فيها

[zocor742]

حصل معايا موقف قريب من دة
كنت بغير كبالن والعفشجى لما حل القديم مفيش زيت نزل قالى اطلع على الميكانيكى بعد مانخلص
زود زيت فتيس عشان شكل الزيت ناقص عندك
وفعلا الميكانيكى فك الكارتيرة ونزل حوالى نص لتر بالكتير
وحطيت زيت بس كان فية ترشيح زيت من حوالين الكارتيرة
بس فية حاجة قلقانى انا لما الزيت كان ناقص مكنتش حاسس ان الفتيس تقيل حتى بعد ما غيرتة فرق بسيط مش كبير اليومين دول الجو برد جدا حاسس ان الفتيس تقل شوية بصيت على الكارتيرة ملقتش نشع زيت
اقدر اقيس زيت الفتيس منين عشان مقلقل يكون نقص تانى ولا حاجة

[more_try2]

وليه اصريت على 1.8 بس مش 2.5 ك وايه الفرق ويحصل ايه لو زودت 2.5 وتعرف المقاس ازاى

[mero100]

العضو صاحب الموضوع : هل متأكد ان عربيتك شيفروليه لانوس 2001 ؟؟

[m0hsen]

+11111111

[apoadel_vip]

العضو صاحب الموضوع : هل متأكد ان عربيتك شيفروليه لانوس 2001 ؟؟

+111111111111

[mailo]

دايو من شيفروليه مفرقتش كتير المهم إنها 2001

[zocor742]

طيب ياجماعة محدش يعرف اقدر اقيس زيت الفتيس ازاى ؟؟؟؟

[askar]

قياس زيت الفتيس مش سهل للمسنخدم العادي -اللي هو احنا- ليه طبة قياس في جنب الفتيس ورا الكوبلن اليمين.
أي ميكانيكي عادي ممكن يقيسه

[MMamdouh]

زيت الفتيس مش بيتغير حسب كلام الكتالوج... الا ان التجربة العملية اثبتت تحسن عملية النقل بعد تغيير زيت الفتيس بعد 60 الف كيلو

الفتيس بياخد 1.8 لتر زيت W80 و بيتراجع على مستواه كل 10 الاف كيلو

لمراجعة مستوى الزيت فك الصامولة اللى فى الصورة... لازم الزيت يبقى زواصل لطرف الفتحة بتاعت الصامولة و الا يبقى ناقص



MMamdouh

[zocor742]

زيت الفتيس مش بيتغير حسب كلام الكتالوج... الا ان التجربة العملية اثبتت تحسن عملية النقل بعد تغيير زيت الفتيس بعد 60 الف كيلو

الفتيس بياخد 1.8 لتر زيت w80 و بيتراجع على مستواه كل 10 الاف كيلو

لمراجعة مستوى الزيت فك الصامولة اللى فى الصورة... لازم الزيت يبقى زواصل لطرف الفتحة بتاعت الصامولة و الا يبقى ناقص



mmamdouh

شكرا ياكبير للتوضيح بس الموضوع محتاج ميكانيكى ولا سهل هو لو على رفع العربية وابص تحتيها مش مشكلة
الواضح من الصورة ان الفتحة جنب الكوبلن الداخلى اليمين طيب واحنا بنفك الصامولة نفك بحزر عشان مينزلش زى زيت المتور لو بنحل الطبة ولا عادى مش هينزل غير شوية صغيرين
ارجو التوضيح وشكرا

[zein_2009]

المفروض ان زيت الفتيس مينقصش
يعني لو نقص يبقي في مشكله في الفتيس لازم تحلها عند ميكانيكي ومؤقتا للامان شيك عليه كل 10000 كيلو اثناء تغيير زيت الماتور خلي اللي بيغير يبص عليه بيعرفو كويس
النقل الصبح والعربيه بارده بيبقي حلو عشان زيت الفتيس بيبقي لسه بارد ولزوجته عاليه اما العربيه تسخن زيت الفتيس يسخن ولزوجته تقل فيبقي النقل صعب معاك شويه
ملحوظه ياريت تبص علي زيت الباكم والماستر لان لو الماستر وسخ يصعب النقل وابقي دوس دبرياج للاخر اثناء النقل

[moustafaotafy]

قصدك الماستر بتاع الدبرياج؟ وياتري بيتنظف ازاي؟

[mero100]

المفروض ان زيت الفتيس مينقصش
يعني لو نقص يبقي في مشكله في الفتيس لازم تحلها عند ميكانيكي ومؤقتا للامان شيك عليه كل 10000 كيلو اثناء تغيير زيت الماتور خلي اللي بيغير يبص عليه بيعرفو كويس
النقل الصبح والعربيه بارده بيبقي حلو عشان زيت الفتيس بيبقي لسه بارد ولزوجته عاليه اما العربيه تسخن زيت الفتيس يسخن ولزوجته تقل فيبقي النقل صعب معاك شويه
ملحوظه ياريت تبص علي زيت الباكم والماستر لان لو الماستر وسخ يصعب النقل وابقي دوس دبرياج للاخر اثناء النقل

بس اعتقد يا زين ان العكس هوه الصحيح بمعني : ان الصبح بتبقي الغيارات تقيله شويه و لما العربيه بتوصل لدرجه حراره التشغيل الطبيعيه بتتحسن جدا عمليه النقل .