انسداد علبة البيئة وتوابعها بعد ذلك

[محمد فريد]

السلام عليكم ورحمة الله وبركاته
بكلمكم وانا نفسيتى سيئة جدا
انا كنت عامل موضوع هنا بخصوص كتمة العربية وعدم السحب
هى العربية بتاعه والدى فاللى حصل انه مشى عليها وقرص جامد عشان تسحب وحدث ما لا يحمد عقباه
راح للميكانيكى وكشف قاله لا مفيش حاجة فى الماكينة اطلع على بتاع شكمانات دى علبة البيئة قفلت
راح الوالد وقام بعمل ماسورة داخل العلبة كما هو متعارف عليه وعمله ناس كثير

المهم
العربية اتعدلت شوية لكن صوتها عالى برضو وال rpm اخره 4.5 ~ 5 بالكثير اوى
بتاع الشكمانات قالك ده جوان فرن ضرب لما العلبة اتكتمت
جينا فكينا عشان نستبدل الجوان وكانت المفاجأة :-
الجوان سليم بس فى مسمار مكسور ونصه جوه البلوك بتاع الموتور طبعا من ضغط الهواء الشديد

الحاج عنده خلفية فى الخراطة شوية فاقترح انه يجيب شنيور ويخرم المسمار وبحاجة كده اسمها فدية بتركب على الشنيور تقوم تحل المسمار - بس معرفش لان الشنيور هيلتى وكبير جدا والمساحة ديقة ولازم يفك سربنتينه التكييف فنفض للموضوع لانه هيفتح وتم عمل الاتى :-

- تركيب الجوان الجديد على القديم وتركيب الفرن مكانه والتقريط على المسامير وكفى الله المؤمنين القتال
- ملاحظة الصوت هدى شوية بس برضو ضغط المكنة بيهرب وال rpm اخره 6 بالعافية

ما الحل؟

[yoko]

لازم يروح لخراط يفورهاله

[ahmed_mido1889]

بتاعالشكمانات لو بيفهم بيحاول يلحم اي حاجه في جزء المسمار ده ويطلعه عادي من غير خرم والا حاجه بيبقي كأنه عمله راس

[MMamdouh]

ألموضوع بسيط خالص

هتروح لخراط بيفهم و هو هيطلع باقى الجويط المكسور داخل الوش و يركب مكانة و احد جديد

و نصيحة... غير الجويط اللى قصادة على الطرف التانى احتياطى (اللى اتكسر عندك الجويط اللى فى الطرف الشمال ناحية السيور... صح؟)

MMamdouh

[tarek_2005]

بتاعالشكمانات لو بيفهم بيحاول يلحم اي حاجه في جزء المسمار ده ويطلعه عادي من غير خرم والا حاجه بيبقي كأنه عمله راس

خطر جداً التصرف ده علشان لمبة اللحام ووش السلندر
يجب ان يكون صنيعي محترف ولو خراط افضل بيفوره بشنيور صغير

[MMamdouh]

بتاعالشكمانات لو بيفهم بيحاول يلحم اي حاجه في جزء المسمار ده ويطلعه عادي من غير خرم والا حاجه بيبقي كأنه عمله راس

بلاش افتاء يا عم انت الله يكرمك... انت عايز وش السلندر يطير؟؟

MMamdouh

[ahmed_mido1889]

بلاش افتاء يا عم انت الله يكرمك... انت عايز وش السلندر يطير؟؟

mmamdouh

انا شوفت واحد عملها قبل كده كان في مسمار فرن الشكمان

بس مش بفتي والله
انا بتكلم علي اللي شوفته

[محمد فريد]

اولا انا بشكر كل من الاستاذ يوكو والاستاذ احمد ميدو والاستاذ محمد ممدوح والاستاذ طارق

بس انا عايزكم تلحقونى - النهارده ابويا سافر بالعربية وانا نصحته مايسافرش وهى كده
امبارح غيرنا بوجيهات دنسو يابانى والعربية كانت كويسه والنهارده سافر بيها كانت كويسه وهو راجع العربية حلفت ما تمشى وجاى طول الطريق 30 - 40 كم
(المسمار اللى طار يا استاذ محمد ممدوح اللى على الجنب فعلا بس اللى ناحية الاسبراتير من تحت)
ولما وصل العربية مكانتش قادره تدخل حتى من باب الجراج ودورت انا وبدوس على اكسراتير البنزين الاقى حاجة بتطرقع وتقوم العربية تتخنق اكن البنزين مش واصلها اوى
بجد حاجة تحزن

[yoko]

كده الشكمان بيسرب والعزم بخ لازم تعمل المسمار ده وتركب الشكمان صح بعد كده نشوف فيه حاجة تانيه ولا لأ

[ahmed_mido1889]

وممكن زي ما حصل مع واحد الفحم الي في علبه البيئه كان اتكسر ووقع في باقي العلب قبل ما دي تتسد

وكان كاتم العربيه في السحب

ومعاه فيات برافا

[محمد فريد]

يعنى لو وديت العربية ورشة خراطة ممكن يعملوها وانا واقف (اكيد هتاخد مثلا ساعتين ولا حاجة) ولا لازم اسقط المكنة بره وتروح المخرطة؟

وشكرا مرة ثانية :)

[محمد فريد]

انا شاكك فى البوينة تكون السبب

اجيب الصينى ولا ايه انا سالت عليها ب 150 ج
حد جربها؟
العربية بتتكتم خالص ولما بسايسها كده واعلى الار بى ام بتضرب مدافع من الشكمان

[yyy]

السلام عليكم ورحمة الله وبركاته
بكلمكم وانا نفسيتى سيئة جدا
انا كنت عامل موضوع هنا بخصوص كتمة العربية وعدم السحب
هى العربية بتاعه والدى فاللى حصل انه مشى عليها وقرص جامد عشان تسحب وحدث ما لا يحمد عقباه
راح للميكانيكى وكشف قاله لا مفيش حاجة فى الماكينة اطلع على بتاع شكمانات دى علبة البيئة قفلت
راح الوالد وقام بعمل ماسورة داخل العلبة كما هو متعارف عليه وعمله ناس كثير

المهم
العربية اتعدلت شوية لكن صوتها عالى برضو وال rpm اخره 4.5 ~ 5 بالكثير اوى
بتاع الشكمانات قالك ده جوان فرن ضرب لما العلبة اتكتمت
جينا فكينا عشان نستبدل الجوان وكانت المفاجأة :-
الجوان سليم بس فى مسمار مكسور ونصه جوه البلوك بتاع الموتور طبعا من ضغط الهواء الشديد

الحاج عنده خلفية فى الخراطة شوية فاقترح انه يجيب شنيور ويخرم المسمار وبحاجة كده اسمها فدية بتركب على الشنيور تقوم تحل المسمار - بس معرفش لان الشنيور هيلتى وكبير جدا والمساحة ديقة ولازم يفك سربنتينه التكييف فنفض للموضوع لانه هيفتح وتم عمل الاتى :-

- تركيب الجوان الجديد على القديم وتركيب الفرن مكانه والتقريط على المسامير وكفى الله المؤمنين القتال
- ملاحظة الصوت هدى شوية بس برضو ضغط المكنة بيهرب وال rpm اخره 6 بالعافية

ما الحل؟

المسمار المكسور ما يعملش القلق دة كلة العربية عندى الفرن نفسة كان فى شرخ وفضلت ماشى بية فترة على ما الميكانيكى يشترى والعربية ما شية عادى ولا فيها حاجة(الصوت كان اعلى شوية)
والمسامير الى بتربط مشترك الشكمان بالفرن كانت سايبة وماخدش بالى اصلا الميكانيكى اللى شافهم وهو شغال فى العربية
الكتمة دى حاجة فى دورة البنزين ..جرب العربية وهى واقفة ودوس لاخر الموتور شوف هاتكتم ولا لا

[MMamdouh]

انا شاكك فى البوينة تكون السبب

اجيب الصينى ولا ايه انا سالت عليها ب 150 ج
حد جربها؟
العربية بتتكتم خالص ولما بسايسها كده واعلى الار بى ام بتضرب مدافع من الشكمان

انسى الصينى خالص

MMamdouh

[محمد فريد]

شكرا ياجماعه وشكرا لزعيم الدايوهية استاذ محمد ممدوح :)))
النهارده الصبح اشترينا الصينى نوعها Goldeacs وركبناها ونفس المشكلة المهم ان العيب مكانش منها
من 3 ايام كده فكينا طرمبة البنزين وغيرنا الخراطيم اللى فيها بخرطوم جلد النوع العادى اللى فى السوق (العربيات القديمة) وفوجئنا النهارده لما فكيناها ان الخراطيم سايحة جوه
شيلناها وركبنا القديمة تانى وافزناها والحمد لله العربية مشيت - بس مفيش فرق بين الموبينة الجديدة عن القديمة على ما اعتقد بس يمكن عمرها الافتراضى اقل - على العموم القديمة موجودة وفى علبتها

شكرا لكل الناس وربنا ما يوقعكم فى مشكلة ابدا