عايز اسقط موتور لعربيه جوليت اجيبلها موتور ايه ؟؟

[dimdark]

عايز اسقط موتور لعربيه جوليت 1999 بس مش عارف اجيب موتور ايه لان موتورها اداؤه بقي ضعيف اوي و بصراحه جاب اخره معايا و كل اسبوع مشكله شكل ارجو الافاده من اصحاب الخبره و ياريت معلومات عن الي هحتاج اغيره برده في حالة تغيير الموتور .... و شكرا يا رجاله

[osama.m]

عندك موتور النوبيرا 1.6 .. او لو بتدور على اداء يبقى تسقط ال 2000 بتاع النوبيرا بردو .. مش فاكر بالظبط بيحتاج تعديل اية بس تقريبا قاعدة موتور بتتخرط بطريقة معينة

[lanos_power]

من ناحيه الموتور فى اكتر من موتور الفكره انت عاوز موتور ايه
موتور جرى ولا موتور مشى؟

[dimdark]

استاذ اسامه طيب ممكن تفيدني تقريبا موتور النوبيرا 1.6 تمنه ممكن يوصل لكام و اجيبه منين و مين افضل حد اعمل عنده موضوع التسقيط ده بس يكون حنين

[shfra]

بص يا باشا موتور الجوليت ال 1500 حلو اوى وهادى وبتاع جرى والله بس انت لو عايز تسقط عشان الجرى بقا وكده
ممكن بتاع نوبيرا وممكن بتاع ليجانزا بس اكيد هتحس بأستهلاك البنزين الى حدا ما عشان دى مواتير اتنين كامه مش زى
بتاع الانوس بشكل عام

[osama.m]

استاذ اسامه طيب ممكن تفيدني تقريبا موتور النوبيرا 1.6 تمنه ممكن يوصل لكام و اجيبه منين و مين افضل حد اعمل عنده موضوع التسقيط ده بس يكون حنين

مش هقدر افيدك بصراحة عن عنوان ميكانيكي كويس عشان انا من اسكندرية بس تقدر تسأل بردو و تقريبا كان في حد عندك اسمة محمد عبدة ياريت تتأكد بردو
و الموتور هتجيبة من الحرفيين او الارخص بور سعيد .. هتاخد ميكانيكي ثقة معاك عشان يجيب موتور كويس و تعمل اتفاق مع صاحب المحل ان الموتور علية ضمان اسبوعين و ناس كتير بتعمل كدا .. بحيث لو الموتور فية حاجة بياكل زيت .. كبسة قليل يبقى يرجع و تاخد غيرة .. الاسعار من اول 1900 لحد 2200 و 2500 .. على حسب المكان اللي هتشتري منه

[lanos_power]

بص يا باشا انت المواتير دى تسقط فى الجوليت
عندك الموتور بتاع اللانوس 1.5 كامه واحده
موتور اللانوس 1.5 2 كامه
موتور النوبيرا 1.6 2 كامه
موتور اليجنزا 2.0
و فى مواتير الاوبل و منهم فى رايى الموتور c20let
دا 200 حصان على الاوبل
انا ساللتك انت محتاج موتور جرى ولا موتور تمشى بيه عشان نحدد

[more_try2]

انا لسه مسقط ماتور من شهر بس الاول انت حدد عايز ماتور ايه انا شخصيا بفضل ماتور العربيه علشان متعدلش فيها والجولييت بتجرى بردو
الشراء اشترى من الحرفيين التجار كتير والبضاعه كتير يعنى العرض اكتر من الطلب
ركب الماتور فى الحرفيين علشان لاقدر الله فى حاجة يبقى بتاع المحل ميقولكش الميكانيكى بتاعك هو ال بوظ وهو ال عمل
انا اشتريت الماتور لانوس وان ب3000 جم كامل بكل حاجاته من الحج احمد الاسيوطى وكان عندو حوالى 8 مكنات احلى من بعض
فى ميكانيكى فى الحرفيين اسمه شعبان اتعرفت عليه لما نزلت وكنت خايف جدا يبعنى للمحل ال عرفنى عليه وللامانة هو قالى الماتور ال الراجل بيقولك عليه وحش متشريهوش ولف معايا والله الحرفيين كلها لحد ما لقينا عند الحاج احمد الاسيوطى ال قلتلك عليه وعندو بردو مكنه نوبيرا بس هو قالى ابعد عن التعديل فى العربيه وانا مقتنع بكده تماما على الرغم ان عنيا طلعت على الماتور النوبيرا

[lanos_power]

حضرتك سقط انى موتور
ال1 كامه ولا الاتنين كامه لان الاتنين بيسقطوا على نفس القواعد

[more_try2]

واحد كامه 1500

[elgindy]

السلام عليكم ورحمة الله وبركاته
دى اول مشاركة ليا لو عايز الصح
اولا فى موتور الانوس الاصلى بتاعها 1500 وان كام وده عامل بعد لف وتدوير بجميع ادوات التغذية زى الدنمو والمارش والموبينا عامل 2800 ودة سعر منكة فى الكبوت مش من على الارض يعنى سيتك التفوكها على ايدك اما الى على الارض بتعمل من 2400 لى 2600 انت ووشطرتك ده فى حالت ان ادوات التغزية بتعتك بيظة لكن لو سليمةهتشترى شورت بلوك وهو مكنة بس بدون ادوات التغذية ودى سعرها من 1700 ل 1900 حسب شطرتك بردو

ثانيا فى موتور الديو ال 1600 توين كام وده لازم تشتريه بحاجته كلملة يعنى ادوات التغذية زائد الضفيرة والكمبيوتر والعفشة الامامية عشان بتكوون 14 مش 13 ولا زم من تكوون من كبوت عربية لاءن ما فيش ميكانيكى هيعرف يفرق بينة وبين موتور النوبيرا لو على الارض فممكن تشتريه من التاجر على انه مكنة دايو ويديك كمبيوتر نوبيرا ومكة نوبيرا وده بسمية عك وده سعر بكل حاجته ضفيرة وعفشة وكمبيوتر
3800
ثالثا موتور لانوس 1500 توين كام وده مش هتلقيه ولو لقيته لازم يكوون من كبوت بحاكته كاملة عفشة وكمبيوتر وضفير ومتسمعش كلام الك انا سقطت مكن نوبيرا وفول معايا اتحداك انة ما عندوش مشاكل
واتمنى ان كنت افدتك ودى اسعار 2012 من اسبووع فى الحرفيين

[ahmad333]

السلام عليكم ورحمة الله وبركاته
دى اول مشاركة ليا لو عايز الصح
اولا فى موتور الانوس الاصلى بتاعها 1500 وان كام وده عامل بعد لف وتدوير بجميع ادوات التغذية زى الدنمو والمارش والموبينا عامل 2800 ودة سعر منكة فى الكبوت مش من على الارض يعنى سيتك التفوكها على ايدك اما الى على الارض بتعمل من 2400 لى 2600 انت ووشطرتك ده فى حالت ان ادوات التغزية بتعتك بيظة لكن لو سليمةهتشترى شورت بلوك وهو مكنة بس بدون ادوات التغذية ودى سعرها من 1700 ل 1900 حسب شطرتك بردو

ثانيا فى موتور الديو ال 1600 توين كام وده لازم تشتريه بحاجته كلملة يعنى ادوات التغذية زائد الضفيرة والكمبيوتر والعفشة الامامية عشان بتكوون 14 مش 13 ولا زم من تكوون من كبوت عربية لاءن ما فيش ميكانيكى هيعرف يفرق بينة وبين موتور النوبيرا لو على الارض فممكن تشتريه من التاجر على انه مكنة دايو ويديك كمبيوتر نوبيرا ومكة نوبيرا وده بسمية عك وده سعر بكل حاجته ضفيرة وعفشة وكمبيوتر
3800
ثالثا موتور لانوس 1500 توين كام وده مش هتلقيه ولو لقيته لازم يكوون من كبوت بحاكته كاملة عفشة وكمبيوتر وضفير ومتسمعش كلام الك انا سقطت مكن نوبيرا وفول معايا اتحداك انة ما عندوش مشاكل
واتمنى ان كنت افدتك ودى اسعار 2012 من اسبووع فى الحرفيين

2800 دة تمنه مع الفتيس انا كنت سائل على ماتور نوبيرا كامل 3000 مع الفتيس

[MMamdouh]

لاءن ما فيش ميكانيكى هيعرف يفرق بينة وبين موتور النوبيرا لو على الارض

التفرقة بين موتور اللانوس و موتور النوبيرا ال1600 اسهل من السهولة و الميكانيكى اللى ميعرفش يفرق بينهم يبقى ميعرفش حاجة عن الدايو

ومتسمعش كلام الك انا سقطت مكن نوبيرا وفول معايا اتحداك انة ما عندوش مشاكل

http://www.nilemotors.net/Nile/45679-1600.html

MMamdouh

[ahmad333]

لسه مركبه مكنه 1500 اتنين كامه على نفس الضفيرة والفتيس والكنترول وطلعت اجرب والله 200 كيلو فى الساعه ولسه فيها بس انا هديت وبعدين كان فيه لخبطه فى السلانسيه وتقطيع غيرت البوجيهات ولفيت بلف egr اصلا مكنش عندى فى المكنه القديمه فلغيته وانا معنديش حساس شكمان فموصلتوش --المشاكل الى قابلتنى ان العربيه مش بتسخن خالص هوة الجو برد تقريبا مؤشر الحرارة بيطلع على الربع بالعافيه --ثانيا بحط اديا على فتحه الشكمان مش بلاقى هباب زى زمان --ثالثا الصبح ممكن اغسل وشى من الميه بتاعت الشكمان-رابعا التنك بقه فى الخير ولغيت تعاقدى مع البنزينه

[lanos_power]

طيب مادام كده احب اقولكوا ان ليا واحد صحبى مسقط الليجنزا على الجوليت و العربيه صباح الجنان معاه و معندوش مشكله