اللى ناوى يعمل عمره لموتور الانوس

[osamaab]

للاخوه المقدمين على عمره موتور الانوس انا لسه مشترى قطع الغيار الازمه وهذا بيان بها واسعارها وذلك للاستفاده بتاريخ 5/1/2012
طقم بستم 175 جنيه
طقم شنبر 120
طقو سبيكه 100
طقم صبابات 125
طقم جوانات 90
طقم دبرياج (اسطوانه-دسك-بليه ) 350
طقم سيور 110
بلى كاتينه 65
طقم بوجيهات 35
3 قواعد موتور 110
2 كوتشه مياه علوى وسفلى 35
كوعه مياه 25
فلتر زيت 15
بالاضافه انى غيرت بعض القطع على سبيل الاحتياط نظرا لحالتها مثل
ردياتير 250
طرمبه زيت 230
طرمبه مياه 70
+ بعض النثريات مثل جركن زيت + زيت فتيس+انبوبه سليكون
+حساب الخراط حوالى 400 جنيه

[ahmedezzat78]

أسعار قواعد الموتور و بلية الكاتينه و طلمبة المياه و الردياتير رخاص قوى و ده معناه انهم مش اصلى

طلمبه المياه الأصلى 180
بليه الكاتينه الأصلى 165
قاعده الموتور من 120 الى 140
الردياتير 500

لو لسه ما ركبتش حاول تجيب الحاجات دى أصلى و خصوصا بلية الكاتينه و الردياتير

[MMamdouh]

شداد الكاتينة مش اصلى... دى لازم تبقى اصلى

الباقى شغال مش مشكلة اوى

MMamdouh

[osamaab]

شكرا جزيلا للنصيحه
اولا : هو فعلا طرمبه المياه نوعين بـ 70 و بـ125 الاصلى مش 180
ثانيا : انا غيرت الردياتير وجبت نوع اسمه hcc كورى
ثالثا : بلى الكاتينه التى اجمعت عليه الاراء انه لازم يكون اصلى سالت الميكانيكى لتغيره ( الاصلى بـ 150 ) قبل التركيب افدنى انه شغال ولكن يلزم تغيره مع السير عند عمل السرفيس كل 30.000 كم بينما الاصلى ممكن تغير السير اول مره مع عدم تغير البلى ولكن دائما الميكانيكيه بيغيرو الاثنين مع بعض . وعموما لاخاب من استشار وانا فى انتظار المشوره قبل ما اركب . وشكرا للاهتمام.
ملحوظه الاسعار دى من عند قطع غيار المنير اول فيصل

[ahmedezzat78]

ماعرفش حاجة عن نوع الردياتير اللى اشتريته و ممكن حد من الزملاء يفيدك لو جربه

طلمبه المياه مش مشكله لأن لو صوتها على او سربت هتحس بيها و عمرى ما سمعت عن طلمبه قفشت و قطعت كاتينه ... عامة ابقى غيرها على 80 الف (الأصلى بتعيش اكتر بس ينصح بتغيرها على 80 الف برضو لأنك مش هتضمن تكمل 120 الف)

بليه الكاتينه ياريت تكون أصلى لأنها قفشت مع ناس كتير أعرفهم و ماتضمنش انها تكمل 40 الف لغايه ما تغيسر سير كاتينه تانى