الفتيس مفيهوش زيت

[hamoelgn]

يا جماعة انا كنت عامل موضوع قبل كدا عن صوت بيظهر وده اللينك بتاعه

http://www.nilemotors.net/Nile/261850-a.html

روحت كشفت على زيت الفتيس العربية اخدت كيلو ونص والراجل قالى الفتيس كان ناشف وكويس انك مش بتقرص كانت جابت منك فتيس والصوت راح وقالى لازم كل 20000 كم اكشف على زيت الفتيس
يا ريت اللى بقالوا كتير مكشفش على الزيت يكشف عليه علشان واحد صاحبى معاه اوبل فيكتر غير جير بوكس بسبب موضوع الزيت ده

[mero100]

تحياتي ليك ... بس الاهم من انك تزود زيت الفتيس الناقص 1.5 كيلو ....هوة انك تدور علي السبب اللي خلاه ينقص 1.5 كيلو .

[hamoelgn]

تحياتي ليك ... بس الاهم من انك تزود زيت الفتيس الناقص 1.5 كيلو ....هوة انك تدور علي السبب اللي خلاه ينقص 1.5 كيلو .

سالته يا باشا قالى انت عملت صيانة فى الجير بوكس قولتله لا قالى طب انت زودته قبل كدا قولتله لا من ساعت ما اشتريتها زيرو من 5 سنين وماشية 103000 كم قالى حرام عليك عليك خمس سنين مفكرتش مرة تكشف عليه وده كان رده وقالى طبيعى انه ينقص بس انا شاكيت فى موضوع كيلو ونص ده بالبتاعة اللى بيملوا بيها دى انا اهم حاجة انو زودهولى مش مشكلة الفلوص وقالى تعالى اكشف عليه كل 20000 كم

[mero100]

بس لما نقص معاك الغيارات ما تقلتش ؟.....غريبه جدا ....لاني اعرف لما بينقص الغيارات بتبقي صعبه

المهم يا باشا تتابع زيت الفتيس دايما .... و ربنا معاك :-)

[zocor742]

انا بردو من فترة قريبة
زيت الفتيس نقص والغيارات كانت شغالة طبيعى بس اية بقى مكنش فية نص كيلو على بعض الحمد لله الحمد لله الفترة دى كنت غالبا بركب الاوبترا بتاعت الحاج الا كان الفتيس زمانة طااااار
ومن حمد ربنا بردولما جيت استخدم العربية لقيتها متبهدلة من الشتا وطلعت بنزينة اغسلها والعامل وهو رافع وبيغسل قالى خلى بالك الفتيس مرشح زيت كتير ياريت تطلع على ميكانييكى يكشف علية

[Car's Sniper]

طب ازاى بيتكشف عليه؟؟
ونحطله زيت ايه؟؟
عندى نفس الموضوع بالظبط وصوت غريب بدأ سظهر النهاردة ولما ادوس بنزين والعربية ماشية باسمع زى صوت تصقيف بس مش تصقيف الماتور ولما بادوس دبرياج باسمع صوت حك وعمرى مابصيت فى الفتيس من يوم ماشفت العربية من 5 سنين بردو
معرفش ازاى مافكرتش ان العيب ممكن يكون من الفتيس
ياريت تقلولى اشترى زيت ايه ضرورى ؟؟

[tarek_2005]

زيت فالفلين 90
وانا غيرت فتيس بالكامل بسبب عدم الكشف علي زيت الفتيس قبل السفر وبعد 130 كم علي سرعة 150 كم / ساعة اتحرقت غويشة الخامس وغيرت فتيس بالكامل

[zocor742]

طب ازاى بيتكشف عليه؟؟
ونحطله زيت ايه؟؟
عندى نفس الموضوع بالظبط وصوت غريب بدأ سظهر النهاردة ولما ادوس بنزين والعربية ماشية باسمع زى صوت تصقيف بس مش تصقيف الماتور ولما بادوس دبرياج باسمع صوت حك وعمرى مابصيت فى الفتيس من يوم ماشفت العربية من 5 سنين بردو
معرفش ازاى مافكرتش ان العيب ممكن يكون من الفتيس
ياريت تقلولى اشترى زيت ايه ضرورى ؟؟

زيت الفتيس مش بيتغير حسب كلام الكتالوج... الا ان التجربة العملية اثبتت تحسن عملية النقل بعد تغيير زيت الفتيس بعد 60 الف كيلو

الفتيس بياخد 1.8 لتر زيت W80 و بيتراجع على مستواه كل 10 الاف كيلو

لمراجعة مستوى الزيت فك الصامولة اللى فى الصورة... لازم الزيت يبقى زواصل لطرف الفتحة بتاعت الصامولة و الا يبقى ناقص

اضغط هنا لمشاهدة الصورة بالحجم الطبيعي.

MMamdouh

[Car's Sniper]

ولو مليت زيادة؟؟
امبارح لفيت بنزينة بنزينة مابين العاشر من رمضان وبلبيس كلهم اول مابيعرفوا ان العربية مانويل مابيرضوش يشتغلوا فيها
لغاية مالاقيت واحد شاكك فيه والله حط نص لتر زيت ومش حاسس بأى فرق خالص
وكان ممكن يحط اللتر كامل لولا انى سألته...انت متأكد انه عايز لتر كامل؟؟
رد عليا بحاجة شلتنى ...بيقولى: مش انت اللى قلتلى زود!!!
ساعتها كنت عايز اديله باللى فرجلى وبدأ صوتى يعلى ..انا قلتله عايز اقيس الزيت وهو المفروض انه قاسه ولاقاه ناقص...يبقى السؤال اللى سأله دا دليل انه ماقاسش وبيحط زيت على اساس كلامى بس
شدينا مع بعض شوية ورحت واخد لفة بالعربية ماحستش بأى فرق
نقلات الفتيس زى ماهى
معرفش ليه قلقان جدا منه وخايف لاحسن يكون زود عن الطبيعى