غيرت سير الكتينة وثرموستات الكوعة من غير لازمة

[A.samy]

العربية الانوس اللى عندى كانت كل لما اجرى بيها العربية تبرد ومؤشر الحرارة ينخفض فعرفت من الاخوة هنا ان الميكانيكى ممكن يكون فتحلك ثرموثتات الكوعة وسبها مفتوحة على طول والكلام دة بيبقى فتوى من الميكانيكية قال اية عشان العربية متسخنش والكلام دة بيضر المتور المهم روحت للميكانيكى وانا ناوى على نية سودة لانة شال الثرموستات بدون مايقولى المهم بعد ما روحت قولتلة على المشكلة اللى عندى قالى انة مشلش حاجة انا طبعا مصدقتهوش وقلتلة فكو والمية تكدب الغطاس قالى خليها مع تغير سير الكتينة قلتلة لا نغيرة دلوقتى ونغير كمان سير الكتينة كفاية علية 20 الف المهم فك السير و الوش بتاع سير الكتينة وخرج كوعة المية والمفاجئة ان الثرموستات كانت راكبة وسليمة وطلع الميكانيكى صادق فى كلامة اشتريت ثرموستات جديدة اصلى ب 50 جنية وجوان ب 10 جنية وسير كتينة جيتس ب 50 جنية وشد باقى السيور وركب مسمار 13 للدينمو عشان كان ثابت بمسمار واحد ودفعت مصنعية 50 جنية ورحت اجرب العربية العربية فيها نفس العيب كل لما اجرى العربية تبرد او لما اشغل التكيف العربية تبرد ومؤشر الحرارة ينزل روحت للميكانيكى تانى قالى العربية مفهاش مشكلة فىالميكانيكة روح للكهربائى يمكن العداد عنك بايظ روحت للكهربائى حكتلو المشكلة قالى دور العربية استنى لما المراوح اشتغلت والحرارة رفعت على عند النصف وبعدين فصل كتاوت المراوح وساب العربية دايرة شوية والمراوح مفصولة وبيراقب عداد الحرارة الغريبة ان عداد الحرارة مرفعش خالص عن النصف الكهربائى قالى هنغير صباع الحرارة بتاع العداد ولو المشكلة فضلت زى ماهى يبقى تروح لحد بتاع عدادات يبص على العداد المهم الموضوع كدة تقريبا اتحل لما غيرنا صباع الحرارة بس الغريبة ان العربية الؤشر بقى قبل النص بملى غير قبل كدة كان قبل النص بشوية حلوين وبعدين حاسس ان العربية سخنة عن الاول شوية
افيدونى افادكم الله انا كدة خربتها ولا اية

[MMamdouh]

و اضح ان المشكلة كانت فى صباع الحرارة و اللى انت كنت بتشوفة مجرد تهييس من الصبع القديم

MMamdouh

[safatefo]

انا كمان ياجماعة عندى نفس المشكلة دية ملاحظتهاش الا فى راس السنة وانا راجع من الاسكندرية على الصحراوى تقريبا 90 % من الطريق عداد الحرارة قريب من حرف سى كولد ومبقتش عارف اعمل اية امشى بيها كدة و اقف على الطريق وملقتش غير انى اكمل
فياريت تقولو لى اغير اية ترموستات الكوعة ولا صباع الحرارة
اصلى الحوار اللى بيحكى فية الزميل زود حيرتى شويتين
نرجو الافادة وكلة عند الله

[tarek_2005]

صباع الحرارة ستجده مركب بالمانفو خلف علبة سير الكاتينة وامام مسطرة الرشاشات وراكب عليه فيشة بسلك واحد
ثرموستات الكوعة بيبقي راكب داخل الكوعة الالمونيوم الي خلف غطاء الكاتينة وخارج منها خرطوم خروج المياه من الموتور الي الردياتير

[A.samy]

و اضح ان المشكلة كانت فى صباع الحرارة و اللى انت كنت بتشوفة مجرد تهييس من الصبع القديم

mmamdouh

انا جبت صباع الحرارة القديم وكنت فاكر انة ثرموكابل ولكن اكتشفت انة مقاومة حرارية قيمتها بتتغير بدرجة الحرارة وقست طرفين المقاومة وطلع حوالى 1.8 كيلو اوم وخلعت صباع الحرارة الجديد وقست مقاومتة وطلعت حوالى 1كيلو اوم طبعا المقاومة دى فى درجة حرارة الجو والصباع مفكوك عشان كويل العداد ميدخلش فى القياس
دلوقتى الحيرة زادت وكنت عايز اعرف قيمة المقاومة الحرارية الاصلية عشان القراءة تبقى مضبوطة على العداد لانى كدة شكيت فى صباع الحرارة اللى انا جايبة جديد على الرغم ان المقاومة الاقل طبعا افضل ما تبقى المقاومة اكبر من الاصلى لان كدة العربية كانت هتسخن من غير ما احس انها سخنة .
الحقيقةانا ملقتش صباح حرارة اصلى كلة كورى طبعا هو شغال كويس بس طبعا قراءة العداد اسرع ومرحل سنة لفوق عن الاصلى .

[mada3030]

بصو يا شباب طبعا انا اول مره اشاركم فى قسم الدايو لانى قريب هشترى عربيه دايو
بص يا سيدى بما انى عندى سكودا فليشيا
اول حاجه بنعملها مع موضوع الحراره دا بنشيل ثرموثتات الكوع
ليه بقا
لان العبقرى اللى عمل العربيه دى عملها للاجواء البارده علشان كده عمل الموتور من ماده الانتمونيا اللى هيا بتسخن بسرعه وبتبرد بسرعه برضه
انا معرفش موتور الدايو ايه ظروفه
بس كل اللى اعرفه ان انت قياسك كله على المروحه
شوف الثرموثتات بتشغل على كام وفى نفس اللحظه شوف العداد بيقرا ايه لما تشتغل
او انك تجيب ترمومتر وتقس درجه حراره المياه وتشوف هيا ماشيه مع العداد ولا
وبالنسبه انك كنت راجع على طريق اسكندريه والعداد مقرب من الكولد دا عادى لو باليل وشتا وانت ماشى على سرعه لان الهوا بيبرد جدااااااااااااااا
واى استفسار انا فى الخدمه

[tarek_2005]

بصو يا شباب طبعا انا اول مره اشاركم فى قسم الدايو لانى قريب هشترى عربيه دايو
بص يا سيدى بما انى عندى سكودا فليشيا
اول حاجه بنعملها مع موضوع الحراره دا بنشيل ثرموثتات الكوع
ليه بقا
لان العبقرى اللى عمل العربيه دى عملها للاجواء البارده علشان كده عمل الموتور من ماده الانتمونيا اللى هيا بتسخن بسرعه وبتبرد بسرعه برضه
انا معرفش موتور الدايو ايه ظروفه
بس كل اللى اعرفه ان انت قياسك كله على المروحه
شوف الثرموثتات بتشغل على كام وفى نفس اللحظه شوف العداد بيقرا ايه لما تشتغل
او انك تجيب ترمومتر وتقس درجه حراره المياه وتشوف هيا ماشيه مع العداد ولا
وبالنسبه انك كنت راجع على طريق اسكندريه والعداد مقرب من الكولد دا عادى لو باليل وشتا وانت ماشى على سرعه لان الهوا بيبرد جدااااااااااااااا
واى استفسار انا فى الخدمه

لما ربنا يكرمك وتشتري الدايوا اوعي تشيل ثرموستات الكوعة وسيتغير مفهومك عنه خالص

[ahmed31031]

هنغير صباع الحرارة بتاع العداد ولو المشكلة فضلت زى ماهى يبقى تروح لحد بتاع عدادات يبص على العداد المهم الموضوع كدة تقريبا اتحل لما غيرنا صباع الحرارة بس الغريبة ان العربية الؤشر بقى قبل النص بملى غير قبل كدة كان قبل النص بشوية حلوين وبعدين حاسس ان العربية سخنة عن الاول شوية
افيدونى افادكم الله انا كدة خربتها ولا اية

تقريبا عندي نفس المشكلة مؤشر العداد بيشتغل بمزاجه ساعات يكون في مكانه الطبيعي قبل النص وساعات تانية يكون في سابع نومة وميتحركش غير لما اخبط علي العداد
هل بقي كدة المفروض اغير صباع الحرارة بتاع العداد وهل الموضوع سهل ولا لازم كهربائي؟
وشكرا واسف علي الاطالة

[A.samy]

صباع الحرارة سهل تغيرة الموضوع كلة لقمة 13 وتشيل السلك وتفكة الصباع بس حاول تربط للاخر وترجع السلك تانى مكانة

[beshomilan]

كلنا كده مش انت بس..ومكانش ليه لازمه كل ده
عادى جدا انك فى شتا ودرجه حراره الحو 14 وعلى الطريق ممكن توصل ل 11 و والمؤشر يبقى تحت عند الربع وانت راجع من اسكندريه على طريق مفتوح بسرعة 90
كل ده بيؤدى لان المؤشر فعلا يكون فى الربع مش النص

[A.samy]

كلنا كده مش انت بس..ومكانش ليه لازمه كل ده
عادى جدا انك فى شتا ودرجه حراره الحو 14 وعلى الطريق ممكن توصل ل 11 و والمؤشر يبقى تحت عند الربع وانت راجع من اسكندريه على طريق مفتوح بسرعة 90
كل ده بيؤدى لان المؤشر فعلا يكون فى الربع مش النص

المفروض درجة حرارة الماتور ثابتة على طول ولو مش ثابتة يبقى فى مشكلة انت بتقول عند درجة حرارة 11 بس دى بتبقى -11 فى اوربا كدة العربية المفروض تمشى وهى باردة عادى يبقى كدة الميكانيكية اللى عندنا لما يشلو ثرموستات الكوعة ويقول ان العربية تمشى باردة عادى

[beshomilan]

المفروض درجة حرارة الماتور ثابتة على طول ولو مش ثابتة يبقى فى مشكلة انت بتقول عند درجة حرارة 11 بس دى بتبقى -11 فى اوربا كدة العربية المفروض تمشى وهى باردة عادى يبقى كدة الميكانيكية اللى عندنا لما يشلو ثرموستات الكوعة ويقول ان العربية تمشى باردة عادى

بصراحه مش عارف ارد عليك اقولك ايه لانى مش عارف
بس انا حاليا بتبقى حرارتى فى الربع فى الجرى وقبل النص بشويه وانا ماشى
وفى الصيف فى النص علطول فى الزحمه وفى السفر بتزل للتلت حتى فى عز الحر والنار وبتنزل للربع مع تشغيل التكييف

[A.samy]

بصراحه مش عارف ارد عليك اقولك ايه لانى مش عارف
بس انا حاليا بتبقى حرارتى فى الربع فى الجرى وقبل النص بشويه وانا ماشى
وفى الصيف فى النص علطول فى الزحمه وفى السفر بتزل للتلت حتى فى عز الحر والنار وبتنزل للربع مع تشغيل التكييف

لازم تكشف عليها اكيد ثرموستات الكوعة مش سليمة او صباع الحرارة بيخرف

[ahmed_mido1889]

اللي عايز يتاكد ان صباع الحراره شغال يلمس سلك في جسم الموتور والطرف التاني في الصباع ويبقي حد بيشوف العداد

لو رفع للاخر يبقي كل حاجه سليمه

[SHNORY]

لازم تكشف عليها اكيد ثرموستات الكوعة مش سليمة او صباع الحرارة بيخرف

مفيش عربيه بتسخن في سفر الا لو فيها عيب في الموتور او لو ماشي علي ار بي ام عالي فتره طويله ومديتش العربيه غيار اعلي
سواء في الصيف او الشتا