أبيع اللانوس

[memoo305]

ياجماعة أن بقالي فترة الشيطان قاعد عمال يزن عليا أن أبيع اللانوس(2002) وأجيب حاجة زيرو (ممكن بيرسونا أو أي حاجة تانية في نفس الرينج)
أيه رأيكو يعني لو الشيطان تمكن مني (وكأخوة لي في اللانوس ) أجيب أيه ؟

[tarek_2005]

لو مرتاح لعربيتك (( استعذ بالله من الشيطان الرجيم )) وابعد عن الجديد دلوقتي الي ان تستقر الاوضاع

[elhelwany188]

السلام عليكم ورحمة الله وبركاتهاخى الكريم لو عربيتك مريحاك اوعى الشيطان يغلبكعلى الاقل انت عارف عربيتك كويس وايه اللى فيها بالظبطوربنا يعطيك خيرها ويكفيك شرها

[mailo]

الشيطان مش عارف يضحك عليك قوي عشان البرسونا حلوة

[Abdm]

أولا :أكيد عاملة كيلوهات كتير وبعدان موديلها قديم يعنى ممكن تفتح بقها فى أى وقت دة أذا ما كانتش فتحت أصلا .

ثانيا : هل أنت معاك أمكانيات تزود على ثمنها وتشترى حاجة كويسة ذى نيسان أو أى حاجة عالية أتوماتيك أفضل

ثالثا :أنصحك بيع وهى حالتها حلوة علشان تجيبلك فلوس وتزود وتجيب زيرو ... ما حدش بيبيع عربيتة وهى تعبانة لآنة هيخسر ..ألا لو حضرتك ما عندكش مشكلة فى التعامل مع جميع أنواع الصنايعية
والله الموفق والمستعان

[mailo]

أنا كلامي على عربية زيرو

[blazer]

استنى لحد ما الاوضاع تستقر فى البلد
محدش عارف بكره فيه ايه

[mostafa mahmod]

فعلا زى ما الناس قالت محدش عارف ايه اللى هيحصل فى البلد اليومين دول

[egyptiandiver]

السلام عليكم، لو عند حضرتك إمكانية التغيير غير وتوكل على الله، أنا سامع إن بروتون قطع غيارها غالية و البنزين إستهلاكو زيادة عن بقيت العربيات في نفس الفئة - ممكن حضرتك ترجع لقسم بروتون - أنا أظن حاجة ذي نيسان صني هتكون إختيار موفق. لو وضع حضرتك المالي مستقر جيب جديد علطول و ريح راسك، لو نص نص ممكن تستنى لحد مظروف البلد تستقر الاول. ربنا يعمل لحضرتك الصالح - أخوك أحمد سامي

[memoo305]

ما هو ياجماعة الغريب في الموضوع أن ماشاء الله من ساعة ما بدأت أفكر والعربية مش بتصرف حاجة غير البنزين والزيت.
قيل كدة بشوية فرامل & ونة في الفتيس & مساعدين & ريداتير ....

[zomzom11]

اصبر شويه واديك عارف اى حاجه فى عربيتك عارف ديتها ايه وماتبيعش الا لما تنوى وتاخد قرار بعد دراسه وتأنى وماتخافش اللانوس تتباع وانت فى بيتكم عالكنبه ماتقلقش اصبر وخد نصيحه لو عربيتك فاتحه بقها ماشى غير كده خليك فى الى انت فيه

[more_try2]

انا كل لما اروح مركز صيانه واصلع عيب فى عربيتى واشوف تكلفته كام مقارنه باقل عربيه جنبى اقول الحمدلله انى معايا لانووووووووووس لان ما بعد البيع اهم مائه مره