قواعد الفتيس نوبيرا أوتوماتيك

[ahmed.zahra]

السلام عليكم يا خبراء الدايو
انا بيحصل عندي ساعات بس قليل يعني الفتيس يعمل صوت رزعه كده لما اجي انقل هو أوتوماتيك و العربية نوبيرا، كشفت يوم الخميس على القواعد الميكانيكي قاللي القواعد كويسة، رحت امبارح لميكانيكي تاني قاللي القاعدة الألومنيوم عايزة تتغير و القاعد التانية اللي تحت الموتور من ورا اللي هي عاملة زي البكرة و القاعدة التالتة اللي هي تحت الموتور من قدام اللي عاملة زي الشداد عايزين برضوا يتغيروا. و بيقولي دول سبب الصوت ده و فعلا قعد في العربية و بقى يدي غيار فعلا كان الموتور بيتحرك جامد و القواعد بتروح و تيجي مش ثابتة. ايه رأيكم اشتريهم منين و نوع ايه و الأسعار في حدود كام. أنا في مدينة نصر و شكرا و آسف على الإطاله

[elnakshabandy]

كان تقريبا الاخ blazerعامل موضوع عن تغيير قاعدة الفتيس
اعمل بحث فىالاسعار

[semonmak]

لو عربيتك خليجى او اروبى وفتيسها كهربا وكلمة بور فى الطابلوه بتنور وتطفى لما تعمل كده
اشترى سيلكتور الفتيس من الحرفيين وركبوا والمشكلة هتتحل

[ahmed.zahra]

اشكركم على الاهتمام،انا غيرت القواعد و المشكلة اتحلت الحمد لله و انا عربيتي مصري

[mfm_tantawi]

لو عربيتك خليجى او اروبى وفتيسها كهربا وكلمة بور فى الطابلوه بتنور وتطفى لما تعمل كده
اشترى سيلكتور الفتيس من الحرفيين وركبوا والمشكلة هتتحل

أستاذ semonmak أنا لاحظت تعليقك على النوبيرا الاوتوماتيك الخليجى : بالمناسبة أنا معايا واحدة نوبيرا 1 موديل 1998 أتوماتيك فتيس كهرباء وعندى مشكلة فى النقلات بتتأخر عن RPM 4.2 &5 للتانى والثالث وبرده فيه مشكلة فى خبطة عند تعشيق الاو ل، يا ترى تعرف حد كويس يصلحها.
العربية حلوة بصراحة وأنا مستخسر أبيعها خصوصا إنها أتوماتيك وأنا سايبها للمدام.
وشكرا مقدما ..

[semonmak]

أستاذ semonmak أنا لاحظت تعليقك على النوبيرا الاوتوماتيك الخليجى : بالمناسبة أنا معايا واحدة نوبيرا 1 موديل 1998 أتوماتيك فتيس كهرباء وعندى مشكلة فى النقلات بتتأخر عن rpm 4.2 &5 للتانى والثالث وبرده فيه مشكلة فى خبطة عند تعشيق الاو ل، يا ترى تعرف حد كويس يصلحها.
العربية حلوة بصراحة وأنا مستخسر أبيعها خصوصا إنها أتوماتيك وأنا سايبها للمدام.
وشكرا مقدما ..

انا رديت على حضرتك ع الخاص