صوت خبط جامد زي التسقيف بيحصل في الغيار الأول

[alhasanmohamed]

:arghh: أنا عندي مشكلة غريبة مش عارف ايه سببها :arghh:

وهي إني كل لما باخد الغيار الأول وأبدأ أتحرك وخصوصا لو أنا في مطلع العربية بتطلع صوت خبط جامد زي التسقيف بس جااامد جدااااا طالع من ناحية المتور ، ومش باقدر أضغط على البنزين نهائي ولو سنة صغيرة عشان لو ضغطت على دواسة البنزين ولو سنة صغيرة في الغيار الأول وأنا لسه دايس الدبرياج العربية هتخبط وتسقف جامد ، والمشكلة دي مش بتحصل في ااي غيار غير الأول بس ومفيش اي تسقيف بيحصل وأنا ماشي وسحب العربية ممتاز

ومفيش أي مشكلة تانية واستهلاك البنزين طبيعي فياريت اللي يعرف المشكلة دي سببها ايه يقولي وشكرا

العربية لانوس 2002
البنزين 92
وبالمناسبة دي أول مشاركة ليه في المنتدى ده:):):)

[alhasanmohamed]

:smile:هههههههههههههههههههههه:smile:

:D

36 مشاهدة للموضوع ومحدش عبرني بكلمة ! هو موضوع غريب ولا إيه على العموم المشكلة اتحلت والحمد لله

[romeeoo]

اكشف على قواعد الماتور

[ahmedsrs]

طيب عملت ايه عشان تتحل

[alhasanmohamed]

1- كشفت على قواعد المتور طلعت كلها سليمة.
2- غيرت طقم دبرياج عشان اريح نفسي ( دسك وبلية واسطوانة وطبعا غيرت زيت الفتيس ) بعد ما فكيته على الرغم انه كان سليم ومكنش فيه غير سوستة مكسورة من السوست الموجودة في اسطوانة الدبرياج.
:laugh2: واتحلت المشكلة والحمد لله :laugh2:

:laugh::cute: وقل استهلاك البنزين يعني كان بداخل المدينة طبعا مع الوقوف المتكرر يعني السرعة من ( 0 - 30) كانت بتمشي (90 - 120 ) كيلو في 20 لتر تقريبا قابلة للزيادة والنقصان وعلى الطريق السريع كانت بتمشي ( 200- 220 ) كيلو تقريبا ممكن تزيد إلى 270 كيلو في ال 20 لتر لو سفر طويل 400 كيلو مثلاً ، لكن دلوقتي قل استهلاك البنزين بدرجة ملوحوظة عن السابق يعني ممكن تزيد وتصل الى 150 -180 ) في المدينة لكن على الطريق لم أجرب بعد .
:party:



3- في مشكلة كبيرة ظهرت وإن في زيت بينقط من العربية من تحت باين بينقط من العربية من الفتيس بس مش متأكد ورجعت تاني للميكانيكي قاللي ده زيت زيادة عشان العربية أخده 3.5 لتر زيت وهيبطل قلتله خلاص مش مشكلة طالما زيادة ومش هيعمل مشاكل
مشيت بعد كده مسافة كبيرة وبرده الزيت بينقط في اي مكان اركن فيه العربية ياترى المشكلة ايه :arghh::confused2:

[Qamar]

حصلت معايا في 128 و فعلا التنقيط قعد فترة طويلة و وقف لوحده.
لكن لااااازم تكون عينك على مقاس الزيت قبل كل مشوار.
بصراحة أنا ماعرفش السبب لغاية دلوقت و العربية اتباعت أصلا

[Shiref_mohamed]

1- كشفت على قواعد المتور طلعت كلها سليمة.
2- غيرت طقم دبرياج عشان اريح نفسي ( دسك وبلية واسطوانة وطبعا غيرت زيت الفتيس ) بعد ما فكيته على الرغم انه كان سليم ومكنش فيه غير سوستة مكسورة من السوست الموجودة في اسطوانة الدبرياج.
:laugh2: واتحلت المشكلة والحمد لله :laugh2:

:laugh::cute: وقل استهلاك البنزين يعني كان بداخل المدينة طبعا مع الوقوف المتكرر يعني السرعة من ( 0 - 30) كانت بتمشي (90 - 120 ) كيلو في 20 لتر تقريبا قابلة للزيادة والنقصان وعلى الطريق السريع كانت بتمشي ( 200- 220 ) كيلو تقريبا ممكن تزيد إلى 270 كيلو في ال 20 لتر لو سفر طويل 400 كيلو مثلاً ، لكن دلوقتي قل استهلاك البنزين بدرجة ملوحوظة عن السابق يعني ممكن تزيد وتصل الى 150 -180 ) في المدينة لكن على الطريق لم أجرب بعد .
:party:



3- في مشكلة كبيرة ظهرت وإن في زيت بينقط من العربية من تحت باين بينقط من العربية من الفتيس بس مش متأكد ورجعت تاني للميكانيكي قاللي ده زيت زيادة عشان العربية أخده 3.5 لتر زيت وهيبطل قلتله خلاص مش مشكلة طالما زيادة ومش هيعمل مشاكل
مشيت بعد كده مسافة كبيرة وبرده الزيت بينقط في اي مكان اركن فيه العربية ياترى المشكلة ايه :arghh::confused2:

مبروك على موضوع الرجه وإن شاء الله موضوع الزيت يتظبط معاك
بس ممكن تقولنا تمن الدسك والأسطوانه والبليه كام انواعهم الى موجوده في السوق ايه واسعار الأنواع ايه
وعلى فكره مش عارف ليه حاسس ان عربيتك استهلاكها عالى في البنزين

[ahmedsrs]

شكرا على ردك بس 3.5 كتير قوى الدايو بتاخد 1.8 لتر زيت فتيس ممكن ده يضرب اويل سيل فى العربية

[alhasanmohamed]

1- تمن الدسك والإسطوانة والبلية 350 جنيه

2- رحت أصلح مشكلة تنقيط الزيت لقيت المشكلة في في قطعة صغيرة بتركب بين الكوبلن والفتيس وغيرتها وطبعا غيرت الزيت عشان اتسرب لما جزء من الفتيس اتفك وجبت زيت جديد .
3 - بالنسبة للزيت الزائد العربية فضت الزيت الزايد من حاجة باين اسمها فايص زيت زي ما بيقولو واخدت 2.25 لتر اعتقد دول بس اللي جواها
4- بالنسبة لاستهلاك البنزين هو أنا كنت وحاسس انه زايد فعلا عشان أنا كنت بأملى 40 لتر بنزين كل 5 أيام عكس السابق تمامااااااااااااااا لكن للأسف كل ماخلي حد يشوفها يقولي العربية ممتاااااااااازة 100% وحالتها ممتازة وما تجيش عندها ، بس المشكلة دي اتظبطت لما غيرت طقم الدبرياج .

4 - العربية باااااااااااااااااااااااظت تماااااااااااما بعد التصليح ده وبقت تنط في وش اي حد بمعني ان السرعة بتاعتها بقت مش منتظمة يعني الRPM أو عدد لفات المتور بيزيد فجأة يعني ممكن يصل الى 5500 وبيقل لدرجة ان العربية تطفي -----> طبعا أدى الى ان العربية طارت على عربية ربع نقل وكسرتلها الفوانيس الأمامية وكان صوت الإرتطام مريعا ، ومش عارف يا ترى المشكلة الجديدة دي سببها ايه ورحت لكل الكهربائية والميكانيكية اللي أعرفهم ومحدش عرف يحل المشكلة لحد ما تعبت ده غير ان صاحبنا اللي كان بيصلح لعب في العفشة بقت كلها تشخلل والجلب أو حاجات جلد اداهاني قاللي تبقى تخلي حداد يركبهم فكهم وكل ده عشان غفلت عنه عشر دقايق رحت اشتري فيها طلبات ليه

اللي يعرف يفيدني ياريت يقول الحل في ايه مع العلم بانني قمت باختبار جميع الحساسات وواحد قاللي هات طقم تنظيم انجكشن وجبته على الرغم ان الانجكشن حالته جيدة وشكرا

والحمد لله رب العالمين وإنا لله وإنا إليه راجعون

[ahmedsrs]

لمبة الشك منورة وهل عملت سكان للعربية

[alhasanmohamed]

ايوه لمبة التشك كانت بتنور لحظة وبتطفي على طول وساعات ما كانتش بتنورأصلا

وكنت عايز اعمل سكان بس مفيش فحص بالكمبيوتر قريب مني قلت خلاص امشي بيها وخلاص على كده عشان محدش عارف يصلحها بعد ما لفيت على كل الأماكن اللي ممكن اصلحها فيها ، واللي يقف قداميسواء عربية أو شخص يبقى ناوي على نفسه :):):)

بس الحمد لله اتحلت مشكلة زيادة سرعة المتور ولفاته ، كانت المشكلة في حساس على الرغم انه كان شغال كويس لكن باين ان كان فيه عطل داخلي ، وجاري حل باقي مشاكل