المياة بتنقص+سؤال عن الفسيكو + فتحات الكتييف

[hamada_5034]

مياه العربية بتنقص جامد للدرجة انى كل يوم بزود العربية اكتر من نص القربة وببص تحت العربيه مش بلاقى مياة نازله على الارض دا ممكن يكون اية ؟

سؤال تانى انا غيرت زيت فسيكو 10000 ودى كانت اول مرة اجرب فيها الزيت دا وانا تقريبا دلوقتى ماشى علية 5000 كليو بس لون الزيت اسود جامد بس درجة ليزوجت الزيت كويسة بس صوت العربية بقا عالى شوية دى عادى ولا اية ؟

سؤال تالت انا عندى مشكلة فى فتحات التكييف لما بكون ماشى على طرق سريعة بلاقى هوا داخل منهم على الرغم انى ظابط المفتاح الا فى التبلو عندى . دا ممكن يكون اية

[tarek_2005]

نقص المياه = ضغط دورة التبريد تعرف السبب فوراً
الزيت ممدوح اقدر مني علي الرد لانه بيستعمله انا لم استعمله من قبل
واير البوابة بتاع التكيف مقطوع وبتغير الطقم الثلاثة ب 60 جم او تقفل البوابة بافيز بلاستيك اوفر

[more_try2]

واير البوابة بتاع التكيف مقطوع وبتغير الطقم الثلاثة ب 60 جم او تقفل البوابة بافيز بلاستيك اوفر[/quote]
دا مكانه فين واغيره ازاى انا تقريبا عندى نفس المشكله لانوس موديل 2000

[mailo]

دا مكانه فين واغيره ازاى انا تقريبا عندى نفس المشكله لانوس موديل 2000

ده واصل من تحت التابلوه
عشان تغيره هتجيب الجديد وتفوك درج التابلوه وتفوك وش التكيف بعد ماتفك الكاسيت

تشوف فين اللي واصل فالمفتاح بتاع البوابة وتفقه وتركب الجديد

سؤال تانى انا غيرت زيت فسيكو 10000

ده اللي هو اسمه 3000 ولا اللي اسمه 5000

لون الزيت اسود جامد بس درجة ليزوجت الزيت كويسة

الحكم هو اللوزجه مش اللون

سؤال تالت انا عندى مشكلة فى فتحات التكييف لما بكون ماشى على طرق سريعة بلاقى هوا داخل

أنا عندي الوايرات كلها سليمة والتكيف مقفول بس لو بتجري جامد وقربت إيدك من الهوايات هتلاقي فيه سنة هوا بسيطه قوي
أنا مش عارف سببها إيه بس متهيألي مش حاجة بايظة

[tarek_2005]

السفنج العازل حول البوابة عندك ياميلوا متقطع وبيدخل هوا