دخان طالع من التابلوه

[zomzom11]

صباح الخير الصبح وانا جاى عالشغل بعد 10 دقائق تسخين ومشى حسيت فى دخان خارج من هوايات التكييف الى فى التابلوه بطلت ونزلت فتحت الكبوت اشوف ملقيتش حاجه وبصيت تحت التابلوه ملقيتش حاجه الدخان سكت مشيت شويه لقيته رجع تانى نزلت ملقتش حاجه هو بيجى من الهوايات اثناء دوران العربيه فقط مش عارف ركنتها فى حته والنهارده الاحد ربنا يستر والاقى كهربائى لو حد عنده فكره يساعدنى اكون شاكر لكم جميعا

[ahmedezzat78]

ممكن سربنتينة التكيف السخن تكون اتخرمت

راجع مستوى المياه لو ناقصة ابقى فكر فى السكة دى لو مش ناقصه يبقى حاجة تانية

[Dr.lancer]

متقلقش راجع الموضوع ده

http://www.nilemotors.net/Nile/260954-a.html

[tarek_2005]

اتاكد من بوابة الريسيكل مغلقة ام لا

[zomzom11]

اتاكد من بوابة الريسيكل مغلقة ام لا

فين دى وقفلها ازاى؟

[tarek_2005]

المفتاح الموجود بمنتصف لوحة مفاتيح التكيف من اسفل خليه ناحية شباك السيارة الايمن

[zomzom11]

هو اصلا على طول كده يمين بس يا جماعه انا مش مشغل التكييف كل ما اشرح لحد يقولى سير التكيف او يقولى ماتشغلش التكييف انا مش شمشغله بس الهواء بيخرج من فتحات التكيف الى فى التابلوه والبخار بيغطى الزجاج لو انا قاف الزجاج الى جانبى

[zomzom11]

امس انصرفت من الشغل وروحت لعربيه فى الماكن الى ركنتها فيه والحمد لله لقيتها دوخت ولفيت فى اكتر من مكان ملقتش اى كهربائى فاتح امس الاحد قمت روحت والدخان كان بسيط وانا مروح وقفت تاكسى لانوس ابيض طبعا فى تغير الدايو عن الشيفورليه بس قالى حصلت معه قبل كده بس الميكانيكى لغاله خرطوم السخن بتاع التكيف حاولت اشوفه معرفناش انا وهو المهم روحت بس لاحظت ان الميه بتنقص فى القربه جامد وشاكك ان الموضوع ده له علاقه بقربة الميه او الرادياتير
النهارده الصبح بردو عملت كده بس بردو مشيت وجيت بيها الشغل وقبل ما اركن فتحت الكبوت ولقيت اقربه ناقصه ميه فعلا يجى نصف لتر
حد يقدر يفيدنى بقى ايه علاقة تبخر المياه من القربه وسبب دخولها ليا من فتحة التكييف؟

[tarek_2005]

سربنتينة السخن عندك مخرومة ودا الي بينقص المياه من القرية وبيطللعلك الدخان من فتحات التكيف اما تلغي السخن او تغير السربنتينة ودي شغلانة كبيرة

[BassamHafez]

سربنتينة السخن عندك مخرومة ودا الي بينقص المياه من القرية وبيطللعلك الدخان من فتحات التكيف اما تلغي السخن او تغير السربنتينة ودي شغلانة كبيرة

الكلام ده سليم 100 في ال 100

الموضوع ده بالظبط في عربيه والدتي الدايو لانوس

ولاغينا السخن بتاع التكييف وكله تمام

تغيير السربنتينه عايزة فك تابلوه وشغلانه وكده كده ما حدش بيستخدم التكييف السخن

الغيها احسن

الموضوع مش بياخد اكتر من نص ساعه عند ميكانيكي فاهم

انا عملتها في موبيل اللي قدام نادي الزهور في مدينه نصر والراجل خد 30 جنيه

[zomzom11]

شكرا يا طارق باشا طب ومين يلغيها وممكن اعملها بنفسى ولا اروح لبتاع رادياتير ولا لمين كهربائى ولا تكييفات؟

[MMamdouh]

دى عايزة ميكانيكى

MMamdouh

[tarek_2005]

ممكن تلغيها بنفسك عن طريق مسمارين 17 مم وتلف عليهم تيفلون من عند بتاع ادوات السباكة وكوليه بلاستيك والخرطومين بتوع سربنتينة السخن في منتصف اسفل سدر السيارة من عند الحوض بتفك الخرطومين وتضع المسمارين بهما وتقفل عليهم بكوليهات الخراطيم وتثبت الخرطومين مع بعض في المواسير بالكوليه البلاستيك علشان متسمعش احلي اصوات وانتا ماشي

[ahmedezzat78]

انا راى انه بلاش يطبب الخرطومين و لكن الأفضل انه يعمل bybass او كوبرى بانه يوصل الخرطومين ببعض عن طريق ماصوره الومونيوم او نحاس مثلا (ممكن تدور عند الميكانيكى فى الكراكيب) و يتربط طرفى الخرطومين على الماصوره بقفزان برضو و بكده نضمن سريان المياه فى الدائره بالكامل كما لو ان السربنتينه مش ملغيه

السبب
1-هو عدم وجود dead end او نهايه ميته فى شبكة المياه ما يبقاش فيها تقليب مياه نتيجة ركودها فى هذا الجزء
2-ممكن خرطوم التغذيه ينتفخ ثم يتلف نتيجه الضغط
3- طبه الراجع لو مش محكمة الدايره تاخد هواء

[ahmedezzat78]

و على فكره انا عملت كده زمان فى العربيه 128 و عشت بيها 13 سنه بهذا الوضع بس كان الكوبرى بخرطوم كاوتش متيل محترم