جوان و ش التاكيهات واوسيل الاسبراتير

[acoount]

السلام عليكم انا يا جماعه مش فاهم اوى بس لقيت ترشيح زيت من وش التاكيهات وكنت غيرته قبل كده عند ميكانيكا ورجع جاب تانى محتاج اغيره بنفسى وفى نفس الوقت يوجد ترشيح زيت من الجزء اللى خارج منه سلوك البوجيهات الى البوجياهات لو ينفع اغيره بنفسى ابقى مشكور لو احد الزملاء وضحلى هذا ولو بالصور السياره دايو لانوس مو2004

[mailo]

أنا فاكر إن كان فيه موضوع في أهم الموضوعات بيشرح بالتفصيل

[tarek_2005]

راجع اهم موضوعات القسم موضوع تغيير اويل سيل البوبينة

[popahly]

جوان غطاء التاكيهات غيرته بإيدى بعد نصيحة وإستشارة أخونا طارق وطبعاً مقرطتش فى الرباط على الوش قوى علشان الفبر ميطقش، وحطيت قبل الجوان لحسة سيليكون حرارى، وركبت الجوان تمام التمام.. وشكراً لأستاذنا طارق على النصائح والمساعدة..

[engaass]

مبروك على نجاح عملية التركيب

[popahly]

مبروك على نجاح عملية التركيب

الله يبارك فيك... تقبل تحياتى

[tarek_2005]

جوان غطاء التاكيهات غيرته بإيدى بعد نصيحة وإستشارة أخونا طارق وطبعاً مقرطتش فى الرباط على الوش قوى علشان الفبر ميطقش، وحطيت قبل الجوان لحسة سيليكون حرارى، وركبت الجوان تمام التمام.. وشكراً لأستاذنا طارق على النصائح والمساعدة..

لاشكر علي واجب والف مبروك وقولي اخبار رشح الزيت من الوش ايه بعد يومين من التجربة

[popahly]

لاشكر علي واجب والف مبروك وقولي اخبار رشح الزيت من الوش ايه بعد يومين من التجربة

الله يبارك فيك يا هندسة، هبص إن شاء الله النهاردة بعد أما أرجع من الشغل، أخوك أصل كان واخد دور برد مضحضحه قعدت يومين فى البيت منزلتش..

[tarek_2005]

الف سلامك ليك وللعربية
ههههههههههههههههههه
انتا اتعديت منها ولا ايه
ههههههههههههههههههه

[popahly]

الله يسلمك يا كبير... والله انا حاسس إنها حضانة امراض الحمد لله بقى هعمل ايه. كل واحد بياخد نصيبه.. انا للاسف لقيتها جايببة زيت فى نفس المكان والسبب حاسس انه من حلقة كدا حديد بتكون بين المسمار والفبرة ومصورها وهرفعها بس اتفرج على الشوط التانى يا كبير....

[popahly]

[justify]

بص يا باشا كدا فى الصورة دى... السهم الأول اللى عند المسمار دا اللى جاب زيت تانى أنا لاحظت وانا فاكك الوش ان فيه حلقة كدا او رينج حديد بيكون بين المسمار والوش دا موجود فى كل المسامير معادا المكان دا قولت يمكن مع السيليكون تتحكم.. بس للأسف غالباً الحلقة اللى ناقصة دى هى السبب فى تسريب الزيت من الأساس.. ومش عارف دى هلاقيها بتتباع ولا تتخرط ولا ايه بالظبط.. ياريت تقولى رأيك...

أما السهم التانى دا اللى فى اخر الكوعة المكان اللى قولتلك بيجيب مياه خضراء بص شكله بقى عامل ازاى اكنه بقى مترب، مع انى اول مرة لاحظت وجود لون أخضر دليل المياه الخضراء.. رأيك إيه برضو؟ وشاكر ليك معلوماتك القيمة
[/justify]

[tarek_2005]

المسمار محتاج وردة من عند اي واحد بتاع حدايد وبويات بتقوله مقاس المسمار اي المفتاح الي بتفمك وتربط بيه المسمار وعلي مااتذكر وردة 10 مم وبتركبها وشوية سيلكون حراري وكان الله بالسر عليم
السهم الثاني لازم تفك الكوعة للاسف ومحتاجة تفك الكاتينه (( اوبس )) وتشوف الثرموستات الميكانيكي اخباره ايه وجوانه الكاوتش اخباره ايه وهيا بتتقفل ممكن شوية سيلكون حراري للامان ولكن الاصل انها بتركب من غير حاجة معتمدة علي جوان الثرموستات الميكانيكي الكاوتشوك

[popahly]

ألف شكر ليك يا باشا ربنا يباركلك ويجازيك خير على اللى بتعمله معانا، إن شاء الله الأجازة دى هشوف موضوع الوردة دا، أما بقى موضوع الترموستات دا بصراحة مكدبش عليك انا مش فايقله دلوقتى، بس هيتحط فى الإعتبار وفى جدول الصيانة الشهرية،، مهو خلاص كل شهر لازم يكون فيه حاجة مفيش شهر يعدى كدا.. ((الحمد لله))

[maka]

شكرا استاذ طارق و استاذ ياسر على المناقشة الرائعة

انا كمان عاوز اغير جوان وش التاكيهات بس مش عارف هل فيه اصلى او ماركة معينة بتتجاب و لا كله عادى ؟؟؟

[tarek_2005]

الاصلي موجود ورخيص