لمبات H3 Osram night breker

[ahmedezzat78]

عندى لمبه شبوره اتحرقت من شهر و كان معايا لمبتين 100وات لونهم ازرق كنت شاريهم من كام سنه مش فاكر ب 20 او 30 جنيه حاجه كده و كانو فى شنطة العربيه مكسل اركبهم

جربت اللمبه على البطاريه لاقيتها بتطلع سخونه مش طبيعيه و كمان اللون الأزرق اللى عليه بيتحرق و بيطلع دخان فخفت اركبهم و خصوصا ان قدرتهم ضعف الأصلى (الأصلى 50وات) و بالتالى ممكن كتاوت النور ما يستحملش أو الضفيره تسيح

قولت خلاص ابقى اجيب لمبه محترمه Philips rally او Osram night breaker لما ابقى الاقيهم بالصدفه عند حد و خصوصا ان تركيبهم مقرف شويه فمش عايز افك كل شويه

من كام يوم كنت عند ارابكوم بسأل على جنط خامس (استبن) ولاقيت عندهم Osram night breaker ولاقيت عليها انها بتدى 90% اضاءه اقوى و 10% اضاءه ابيض و كمان 55 وات فجبتهم بسعر 130 جنيه و التركيب مجانا عندهم فى 3 دقايق (2 فنين كل واحد اشتغل فى فانوس)

بصراحة نورهم ممتاز احسن من الفيليبس الأصلى اللى كان فى العربيه

وده شكلهم

[engaass]

مبروك على اللمض بس معلش هو ارابكوم ده فين

[tarek_2005]

هل بتستفاد بفوانيس الشبورة ولا بتستعملهم زي زينة انا مركب ال 100وات وبكتاوت بس بستعمل الفوانيس للزينة بالرغم من اني عاملهم رجلاش صح

[swimmer25]

هل بتستفاد بفوانيس الشبورة ولا بتستعملهم زي زينة انا مركب ال 100وات وبكتاوت بس بستعمل الفوانيس للزينة بالرغم من اني عاملهم رجلاش صح

فوانيس الشبورة للشبورة...أنا جربتهم في جو شبورة علي المحور وعشان إضائتهم مشتتة هتحس ان الطريق بقي أوضح بسيط (الشبورة الأصلية)
لكن في الطريق عادي مالهمش لازمة وبلاش تستخدمهم وفيه حد قدامك عشن بيعموا...(مبقتش استخدمهم لاني عيني بتوجعني لما حد بيكون منورهم قدامي ... قلت انا كمان بلاش أذي الناس)

[ahmedezzat78]

هل بتستفاد بفوانيس الشبورة ولا بتستعملهم زي زينة انا مركب ال 100وات وبكتاوت بس بستعمل الفوانيس للزينة بالرغم من اني عاملهم رجلاش صح

باستعملهم فى حالتين:
1- فى حاله الشبوره (ودى حصلت معايا على المحور ماكنتش شايف قدامى خالص) الفوانيس بتخليك تشوف حاجه بتاع 5 متر قدام و لو حاولت تشغل النور الكبير تنعدم الرؤيه تماما. وكمان فى حالة الشبوره بأستخدم الانتظار عشان اللى ورايا ما يخبطنيش

2- فى الشوارع الداخليه المظلمة جدا بتخلينى اشوف تضاريس الشارع و اللى جاى فى المقابل مش بيتضايق منهم زى النور العالى. يعنى انا مشغل الواطى و الشبوره علطول بالليل و لما ادخل شارع جانبى ضلمة و الاقى سياره فى المقابل باطفى الواطى و اسيب الشبوره و بالتالى هوه كمان بيعمل كده

[ahmedezzat78]

مبروك على اللمض بس معلش هو ارابكوم ده فين

الله يبارك فيك

تبقى ماشى فى الأوتوستوراد و على شمالك النادى الأهلى بعد حوالى 600 متر هتلاقى على يمينك حديقه مسوره و بعدها عمارات شبه بعض اسمها عمارات رامو. هتدخل يمين بعد الحديقه هتبقى عمارات رامو على شمالك و هتلاقى اربكوم ثانى او ثالث عماره على شمالك

[magdyusf]

مبروك على اللمض بس معلش هو ارابكوم ده فين

index

[M.Elgergawy]

الف مبروك
بس سعرهم غالي جدا كدا ليه زيهم زي ال h4

[swimmer25]

باستعملهم فى حالتين:
1- فى حاله الشبوره (ودى حصلت معايا على المحور ماكنتش شايف قدامى خالص) الفوانيس بتخليك تشوف حاجه بتاع 5 متر قدام و لو حاولت تشغل النور الكبير تنعدم الرؤيه تماما. وكمان فى حالة الشبوره بأستخدم الانتظار عشان اللى ورايا ما يخبطنيش

2- فى الشوارع الداخليه المظلمة جدا بتخلينى اشوف تضاريس الشارع و اللى جاى فى المقابل مش بيتضايق منهم زى النور العالى. يعنى انا مشغل الواطى و الشبوره علطول بالليل و لما ادخل شارع جانبى ضلمة و الاقى سياره فى المقابل باطفى الواطى و اسيب الشبوره و بالتالى هوه كمان بيعمل كده

أنا بقي عندي العكس...نورلي النور العالي ومتنورش الشبورة...النور العالي (الوسط اللي بعد نور الصالون السهاري) بيبقي فارش علي الارض وبالتالي مش بيوصل للعين لكن نور الشبورة غبي بيروح في كل الاتجاهات وهنا فايدته عشان يديك إضائة لمساحة أكبر قدامك مش علي الارض
شوف كده:
Driving Tip of the Moment: Fog Lights are for FOG!!

But what I failed to recognize at the time was my fog lights didn't have the desired effect. Particularly on a clear day, they could be blinding to oncoming traffic, as well as the people driving in front of me, having the opposite effect and making it harder for me to be seen... or worse, causing other drivers to dim their mirrors of look away because of my fog lights.

[swimmer25]

بص كمان ده بيتمنع بالقانون:

this highway code applies to england, scotland and wales. The highway code is essential reading for everyone.

226

you must use headlights when visibility is seriously reduced, generally when you cannot see for more than 100 metres (328 feet). You may also use front or rear fog lights but you must switch them off when visibility improves (see rule 236).

236

you must not use front or rear fog lights unless visibility is seriously reduced (see rule 226) as they dazzle other road users and can obscure your brake lights. You must switch them off when visibility improves.

[swimmer25]

وكمان فى حالة الشبوره بأستخدم الانتظار عشان اللى ورايا ما يخبطنيش

كنت بعمل زيك في الحتة دي بس مش هعمل كده تاني
بص الخبر ده:
gulfnews : UAE: Foggy about usage of hazard lights
عندهم حق...الانتظار معناه إنك واقف أو عطلان او الطريق واقف لما اكون جاي وراك ممكن اكبس فرامل علي اساس انك واقف وبالتالي حوادث بالهبل

[swimmer25]

انا مقلتلكش مبروك عليك اللمبات الجديدة

دي أخر مقالة لأن فيها معلومات مهمة جدااااااااا عشان الكل يستفيد
Daniel Stern Lighting Consultancy and Supply

[ahmedezzat78]

كنت بعمل زيك في الحتة دي بس مش هعمل كده تاني
بص الخبر ده:
gulfnews : Uae: Foggy about usage of hazard lights
عندهم حق...الانتظار معناه إنك واقف أو عطلان او الطريق واقف لما اكون جاي وراك ممكن اكبس فرامل علي اساس انك واقف وبالتالي حوادث بالهبل

اصل احنا ما عندناش نور شبوره خلفى فى الانوس

انا مقلتلكش مبروك عليك اللمبات الجديدة

دي أخر مقالة لأن فيها معلومات مهمة جدااااااااا عشان الكل يستفيد
daniel stern lighting consultancy and supply

الله يبارك فيك