غيرت الرشاشات وبردو مفيش فايدة!!!!!!!!!

[ahmed31031]

السلام عليكم ورحمة الله وبركاته
باختصار ياجماعة الموضوع ان العربية كانت بتنتش معايا علي الغيار التاني وكان في دخنة من الشكمان وريحة بنزين نيء المهم روحت للميكانيكي قالي رشاشات ,نزلت الحرفيين وجبت رشاشات ال bmw m40 وغيرتهم وحطيت منظف الرشاشات وبردو مفيش فايدة التنتيشة موجودة ويمكن زادت ومعدل استهلاك البنزين مع الرشاشات الجديدة حوالي 9 كم في 1 ليتر داخل البلد,مش عارف هل الرشاشات دي مش كويسة ولا في عيب تاني,انا خليت الميكانيكي بصلي علي البوجيهات وسلوك البوجيهات وقالي مفيهاش حاجة بس انا شاكك في سلوك البوجيهات بصراحة انا مش بقيت عارف اعمل وارفان اروح للميكانيكي لانه مش مقتنع بفكرة الرشاشات ال bmw وكان عايزني اجيب بتوع اوبل بس بصراحة انا كنت مقتنع بكلام استاذنا محمد ممدوح في موضوع الرشاشات.
وشكرا

[MMamdouh]

راجع على البوبينة

MMamdouh

[ahmed31031]

بالنسبة للموبينة يا استاذ محمد انا كنت لسة مغيرها من حوالي سنة ونصف تقريبا وكنت جايبها الاصلي,طيب ايه راي حضرتك اني اجرب اغير سلوك بوجيهات الاول ,(علما اخر صيانة دورية من حوالي 10000 كيلو كنت مغير السيور والبوجيهات)

[MMamdouh]

دى المفروض من اول الحاجات اللى تجربها... غير السلك و شوف ايه النظام

MMamdouh

[mwsh2008]

نصيحة روح المركز الهندسى الناس هناك محترمة كدا و مفيش حد بيفتىو عندهم أجهزة حديثة جداً و اسعارهم معقوله على فكرة انا واحد من عملاءه( عنوانه ش متحف المطريه -خلف موقف الاتوبيس

[dokdok_fox]

يا ريت تقلنا المشكله اتحلت والا لسه

[ahmed31031]

اشتريت سلوك البوجيهات ومستني اغيرها بس للاسف مفيش وقت اول ما هغيرها هقولكم علي النتيجة

[owga]

عندى نفس المشكلة مع رائحة حرق بنزين داخل السيارة ومش عارف ايه الحل ياريت حد يساعدنى

[zomzom11]

متابع

[waleedraafat]

انا معيا نوبيرا ، وعملت الللي وجربت كافة انواع الرشاشات والبوجيهات التلاتة والاتنين وخلافه..... المشي جوة البلد بيبرجل العربية بس مش جامد برجلة خفيفة ... امبارح فقط بعدما استسلمت بأن حالة عربيتي كده جالي مشوار عادي بالليل والدنيا رايقة طريق كورنيش المعادي ... ولاول مرة منذ عدة اشهر امشي بالعربية واثبت سرعتها لقرابة الثلاثون ثانية مرات متتالية قبل ما افرمل او اهدي ولقيت العربية تجاوبها زاد معايا والبرجلة خفت والعربية بتعد صح وكله تمام..... ربما المشي جوة البلد يكون عامل معاك المشكلة دي!! جرب تمشي بيها مشوار حلو

[mhopa2440]

أخي العزيز

برجاء كتابة سعر الرشاشات bmw عشان لو حد عايز يغيرها يكون عارف السعر

[ahmed31031]

أخي العزيز

برجاء كتابة سعر الرشاشات bmw عشان لو حد عايز يغيرها يكون عارف السعر

ب200 ج وياريت تخليه يخلعهوملك من علي مسطرة

[tarek_2005]

جربت تحط العربية دي علي اسكانر
وراجعت علي اسلاك الارضي بتاعة الرشاشات

[asd21012101]

هى العربية موديل كام ؟ ممكن تتاكد من حساس الشكمان وعلبة البيئة ممكن تشوف كدة والحل الاكيد هيعرفة الاسكانر وان شاء اللة هتلاقى الحل ومنتظرين اة الى تم