فايدة علبة البيئة وسحب العربية وتجربتي الشخصية

[battikh]

الأشتاذ محمد فوزي حسان- اتمنى أكون قريت الاسم صح- حضرتك بتقول إن الشغلانة - من وجهة نظرك - بتساوي 100 مش أكتر بالمصنعية والإكرامية ، شغلانة أيه دي اللي ب 100 جنيه، تغير عليه شكمان ، واعتبرها من أبو اليزيد اللي سعادتك بتقول إن العربية يتنزل بيه، مش مشكلة، هل علبة الشكمان بتاعة الحاج أبو اليزيد بتركيبها ب 100 جنيه، والله يا بلاش، ثانياً بتقول علبة أبو اليزيد مش عليها علامة الدايو ، وأنا بقولك إن العلبة اللي شلتها من عربيتي مكتوب عليها دايو صنع في كوريا، والعلبة اللي ركبتها مكتوب عليها دايو وعليها شعار الدايو بارز في حديد الشكمان لكن مش مكتوب عليها صنع في كوريا.
وعلى فكرة : الراجل الغلبان اللي أنا غيرت عنده واللي حضرتك بتقول إنه مش أمين، رغم عدم معرفتك بيه، راجل أمين جداً جداً، على الأقل الراجل عرفني فايدة الفحم وعرفني إنه حياخده يبيعه، وإنه غالي، على ما أعتقد مفيش صنايعي عندك في القاهرة ممكن يقولك كده إلا لو كان أخوك وأشك.
أما مكسبه مني 250 جنيه فوق مكسبه الطبيعي فلو كان كلامك صح أنا مسامحه وحعتبرهم صدقة- أتمنى تكون سمعت عنها- ولو كان عندي فلوس أكتر كنت اديته.
على فكرة لما كتبت الموضوع ده ، كان قصدي إن أخوانا في المنتدى الكريم اللي أنا تعلمت منه حاجات كتير يستفيدوا من تجربتي، ويجاوبوا على سؤالي عن علبة البيئة، مش كتبته عشان واحد يقولي " يا عمنا اضحك عليك" .
وعلى ما أعتقد إن أي واحد بيعرف يسوق ليه سنة بس يقدر يفرق بين صوت الشكمان المخروم وصوت الشكمان الجديد، وصوت الموتور لما يرتاح، أنا بسوق ليه 27 سنة.
شكرا يا أستاذ محمد فوزي حسان

[battikh]

الأخ Ads
بالنسبة للماسورة اللي راجل عملها أنا حاولت ارسمها لك أتمنى يكون الرسم يوضحي قصدي، وكان هدف الراجل من العملية دي إن صوت الشكمان ما يعلاش بعد ما نشيل الفحم، ولو قريت بعض موضوعات الأخوة في المتدى حتعرف إن معظم اللي شالوا الفحم وركبوا ماسورة صوت الشكمان عندهم بقى عالي، لكن تخريم الماسورة بمسدس الأكسجين فتحات صغيرة جداً وسد الماسورة في المنتصف ، ده خلى صوت العربية متأسرش وكأن الفحم لسة موجود، رغم التحسن في السحب.

[Mohamed.Fawzy]

سيدى الفاضل

استاذى العزيز
لم يكن ردى عليك به اى نوع من الأستخفاف او شيء من هذا القبيل لا سمح الله و لكن كان قصدى انه للأسف الشديد يوجد العديد من اصحاب الورش يقومون بخداع الناس لذا يجب التنويه و كل هذا تحت بند الإحترام التام ولكن لى بعض التعليقات اتمنى ان تقبلها منى كأخ صغير لك
1-
حضرتك بتقول
[quote=battikh;291685]الأشتاذ محمد فوزي حسان- اتمنى أكون قريت الاسم صح- حضرتك بتقول إن الشغلانة - من وجهة نظرك - بتساوي 100 مش أكتر بالمصنعية والإكرامية ، شغلانة أيه دي اللي ب 100 جنيه، تغير عليه شكمان
و ردى على كلام حضرتك
الكلام ده صحيح فى حاله العلب المضربه لآنه فعلا تركبها بالمصنعيه لا يزيد عن 100 جنيه
2-
، واعتبرها من أبو اليزيد اللي سعادتك بتقول إن العربية يتنزل بيه، مش مشكلة، هل علبة الشكمان بتاعة الحاج أبو اليزيد بتركيبها ب 100 جنيه

و ردى على حضرتك
ان الحاج ابو اليزيد كما ذكرته حضرتك اكبر مصنع للشكمانات فى مصر و كما ذكرت يورد شكمانات البى ام دابليو و المرسيدس

3-

، والله يا بلاش، ثانياً بتقول علبة أبو اليزيد مش عليها علامة الدايو ، وأنا بقولك إن العلبة اللي شلتها من عربيتي مكتوب عليها دايو صنع في كوريا،

لآن عربيت حضرتك كورى و ليست تجميع مصرى
4-
والعلبة اللي ركبتها مكتوب عليها دايو وعليها شعار الدايو بارز في حديد الشكمان لكن مش مكتوب عليها صنع في كوريا.

لو فعلا كده تبقى صناعه ابو اليزيد و ان لم تكن صناعه ابو اليزيد تبقى مضروبه
5-

وعلى فكرة : الراجل الغلبان اللي أنا غيرت عنده واللي حضرتك بتقول إنه مش أمين، رغم عدم معرفتك بيه، راجل أمين جداً جداً، على الأقل الراجل عرفني فايدة الفحم وعرفني إنه حياخده يبيعه، وإنه غالي، على ما أعتقد مفيش صنايعي عندك في القاهرة ممكن يقولك كده إلا لو كان أخوك وأشك.

لا تعليق

6-
أما مكسبه مني 250 جنيه فوق مكسبه الطبيعي فلو كان كلامك صح أنا مسامحه وحعتبرهم صدقة- أتمنى تكون سمعت عنها

هنا نأتى للقضيه التى زعلتنى فعلا فأسلوب حضرتك غير مقبول فحينما تتمنى ان اكون سمعت عن الصدقه قبل كده :boxing_smiley: فبدايه هذا خارج عن الموضوع الذى نتحدث عنه وثانيا سمعت او ماسمعتش فهذا ليس من شأن حضرتك مع كامل احترامى لشخص سعدتك
7-
- ولو كان عندي فلوس أكتر كنت اديته.

انت حر
8-
على فكرة لما كتبت الموضوع ده ، كان قصدي إن أخوانا في المنتدى الكريم اللي أنا تعلمت منه حاجات كتير يستفيدوا من تجربتي، ويجاوبوا على سؤالي عن علبة البيئة، مش كتبته عشان واحد يقولي " يا عمنا اضحك عليك" .

انا لم اقل هذا ووضحت غرضى من كتابه الموضوع وحضرتك برضه ماجوبتش على سؤالى الأول ليه طلب من حضرتك يفك علبه البيئه و ينضفها مع ان الشكوى ليست منها

و فى النهايه كل الشكر لحضرتك

[battikh]

أخي الحبيب محمد ، أنا مقولتش إنك - لا سمح الله - بتستخف بي، لكن هي فورة غضب من طريقة العرض التي ربما أكون قد قرأتها خطأ، بالنسبة لسؤالك: هو الراجل قالي ننضف علبة البيئة ونشيل الفحم اللي جواها لتحسين أداء الموتور، وهو أخد رأيي بداية ، وأنا وافقت، لإني كنت قريت قبل كده في المنتدى إن ناس كتير شالك العلبة وده أدى لتحسن أداء الموتور والسحب، فقلت فرصة بالمرة نغير العلبة الخلفية ونشيل الفحم اللي في علبة البيئة.
الخلاصة الراجل قالي رأيه وأنا قولتله شيل.
بالنسبة لموضوع الصدقة بتقول ميخصنيش لا يخصني إنك تسمع عنها يا (محمد) ههههههههه
يا ريت ميكونش فيه زعل
د.ياسر بطيخ

[Mohamed.Fawzy]

ياباشا ربنا ما يجيب زعل

يا باشا ربنا ما يجيب زعل و انت اخ اكبر لى مهما حصل و لو عايز اى حاجه من فودافون انا تحت امرك و تحت امر اخوانى الكرام فى المنتدى و ياريت انت اللى ما تزعلش منى

[MMamdouh]

انا سعيد ان المناقشة لم تتجة الى خلافات شخصية... فعلا انتو ناس محترمة

MMamdouh

[battikh]

محمد بيه ممدوح أشكرك على مرورك الكريم، والحمد لله رب العالمين منتدانا الحبيب موجود دايماً فيه ناس في قمة الأدب والاحترام وانت قدوتنا في كده.
محمد بيه حسان، ربنا يديم المعروف ، ولكن للأسف أنا تركت فودافون بعد عشرة عمر، كنت معاها من أيام ما كانت كليك، واشتريت خطها ب 1200 جنيه قبل ما يبقى ب 20 جنيه، دنيا هههههههه. ربنا يخليك لينا يا باشا . وأنا في خدمة أي حد منكم ينزل الصعيد ويشرفنا أو محتاج حاجة من سوهاج.

[eng_mkhalaf]

شكرا على المعلومات والحورات الهادفة
بس من الأخر أشيل ولا أخليها - دية فى التوكيل ب 1200 بندق

[battikh]

شيل يا عم وريح موتورك ، بس بيع

[ads]

شيل يا عم وريح موتورك ، بس بيع

دكتور ياسر الرسمه مش موجوده

[battikh]

حقربلك الصورة لإني مش عارف أرفق صورة، إحنا قولنا إنها ماسورة جامدة زي اللي في السورة عند محمد بيه ممدوح، هو خرم الماسورة دي بطريقة عشوائية فتحات صغيرة جداً بمسدس الأكسجين، تمام ، بص بقى الحتة اللي جاية دي، عاوزك تتخيل معايا إن الماسورة دي عبارة عن عجينة على شكل ماسورة، وجيت إنت مسكتها من نصها وضميت عليها بإيدك إيه اللي حيحصل، هو ده شكل الماسورة اللي عملها الراجل

[nobody]

أستاذ nobody مين اللي قال إن معندكش علبة البيئة؟؟؟؟الانسر فيها العلبة ده وكنت عملت موضوع عن العلبة ده هنا:
http://www.nilemotors.net/Nile/showt...E1%C8%ED%C6%C9

لا على فكرة اللانسر الأردني ما فيهاش علبة بيئة انا نزلت تحت العربية بنفسي و اتاكدت

[د/ خالد]

السلام عليكم ............. يا جماعه احنا هنا بنتناقش عشان نفيد بعض
انا سمعت عن الموضوع ده وارجو من اللي عنده خبره يساعدني او يبسطلي الموضوع شويه ...................
المشكله عندي انه كل يوم الصبح لما بدور العربيه بيبقى فيها هزززززه بسيطه وصوووت بخبخه بيرووح وبيجي وصوت البخبخه ده بيبقى من تحت تقريبا على الجنب اليمين وانا عربيتي نوبيرا ....................... الهززززه بتروووح لما العربيه تسخن ........ لكن البخبخه ديه احيانا ترووح لوحدها واحيانا نفضل موجوده ............... المهم وانا بغير زيت كنت جنب الميكانيكي بتاعي سالته عن الموضوع ده قالي دور العربيه وسمع صوووت البخبخه ده قالي هيا بتروح وتيجي لوحدها قلتله اه ........... قالي تبقى علبة البيئه اللي عندك في الشكمان اللي فيها الفحم عايزه تتسبت او الفحم اللي فيها متكسر وبيقعد يخبط جوا العلبه ............. قالي روح لبتاع الشكمان خليه يسبتلك علبة البيئه او يفصلهالك ..... انا طبعا كالعاده كسلت لانه ما حست الموضوع مهم قووووووي ............. وفي يوم علبة الشكمان اللي ورا اتخرمت ورحت الحمها لانه الخرم كان صغير واديت الراجل 10 جنيه وبعدين سالته عن موضوع علبة البيئه ده قالي اه يا بيه ديه بتعمل صوووت بخبخه معاك بتروح وتيجي ونزل عندها قعد يخبط فيها قالي يابيه ده الفحم اللي فيها اتكسر والعلبه عايزه تتربط ..... قالي احسن حاجه الغيلك العلبه ديه واركبلك ماسوره معدن بدلها ..... صوت العربيه هايهداااااا ...... وسحب العربيه ها يزيد .... و هاتوفر في البنزين ............................
انا بصراحه نفضتله ...... لاني ما كنتش فاهم حاجه عن موضوع علبة البيئه ديه وخفت لاينصب عليا وغير كده لو العلبه ديه فيها العيوب ديه كلها يبقى المصنع عمل العلبه ديه ليه ؟؟
يا ريت لو حد عنده راي في الموضوع ده يقلي على الحلول

[MMamdouh]

شيل العلبة بس متسيبهاش... انا بعت علبتى ب 200 جنية

العلبة معمولة عشان قوانين البيئة الللى فى كل دول العالم الا مصر و فى اى بلد مش قانونى ان اى عربية تمشى من غير علبة البيئة و لو باظت بتشترى واحدة جديدة و تركبها اما فى مصر فا قانونى انك تمشى بعربية مفوتة اصلا و بالتالى محدش حيقولك علبة بيئة و لا كلام من دة

MMamdouh

[د/ خالد]

فكره حلوة الله اني اشيل العلبه وابيعها ب 200 جنيه اهو يفيدوني في الايام ديه خصوصا انه دخلي محدوووووووود ههههههههههههههههههه