الفتيس للنوبرا 2 الاوتو تعبني

[hamdyy010]

السلام عليكم
انا جبت نوبيرا2 اتو من بورسعيد (معاقين)مو 99
انا عندي مشكلة ان لمبة في التابلوة مكتوب عليها power
بتنور ولما تنور العربية ما تسحبش وبتتحرك ببطئ
لكن المشكلى دى بتظهر الصبح او لما تكون العربية مش سخنة كويس
بس بردو احيانا تعمل كدة ولما ابطل واستنى شوية وادور تانى تمشى زى الفل ولا فيها اي حاجة
ارجو الافادة ولكم جزيل الشكر

[scooter_dj]

عايزة فتيس يا معلم

[mailo]

هو مش ده ال power بتاع الفتيس برده

[hossampg]

عندك زرار فى عصا الفتيس مكتوب عليه power
اضغط عليه لحد ما اللمبة تطفى

[hamdyy010]

الف شكر يا جماعة على الرد
وهجرب موضوع الزرار بتاع الباور ده وابلغكم ان شاء الله

[semonmak]

يا باشا ده عيب فى النوبيرا المستورد
وده حلو ولا تغير فتيس ولا بدنجان
بتجيب حاجة اسمها سيلكتور الفتيس او ناس بتسميه سويتش الفتيس
هتنزل تجيبه من الحرفيين ب 300ج تقريبا وتركبه
وهتروح عند اى ميكانيكى يغيرهولك هو بيبقى مربوط بصموله ومسمارين فى الفتيس
وهتلاقى العربية ظبطت معاك
من الاخر كده كل العربيات النوبيرا الاتوماتيك الكورى المستورد بيجى فيها العيب ده
ولعلمك هيبوظ منك كل سنة او سنة ونص وهتضطر تغيروا تانى
الا لو وقع حظك فى واحد يطول معاك

[hamdyy010]

واضح ان حضرتك مريت بنفس التجربة
شكرا للاهتمام وان شاء الله هنزل اشوف السويتش دة وارد عليكم
جزاكم الله خيرا