رعشة فى العربية لانوس

[tarektop]

السلام عليكم ورحمة الله وبركاتة

كيفكم ان شاء الله بخير

فى الفترة الاخيرة فى عربيتى

لاحظت ارتفاع صوت الماتور وان فى رعشة فى العربية

دة ممكن يكون من اية يا جماعة ؟

فى انتظاركم :)

تحياتى

اللون الاحمر مخصص للادارة

مشرف عام 2

[MMamdouh]

http://www.nilemotors.net/Nile/260464-a.html

MMamdouh

[tarektop]

العربية موديل 2000

الكيلومترات 109 الف

السيور هغيرها بكرة ان شاء الله

[magdyabulela]

باشا اسمحلي بس أعلق ان وصفك للعطل غير كافي خالص .. أصل رعشة وصوت عالي دي تحتمل حاجات كتير يعني مثلا هل رعشة على السلانسيه ولا رعشة عند الطلعة بتاعة الغيار الاول ولا رعشة عند الدوارة وبعدين بتروح ولا الار بي ام عالي ولا مش اي حاجة من دول!!

[tarektop]

لا ولا حاجة من دول

دى بتبقى صوت العربية عالى عن الطبيعى

ولو قافل الزجاج بتاع العربية

وتمسك الدركسيون بتلاقية بيتهز فى ايدك والعربية كلها كدا

كانها شغالة فيبريشن

وصوت الماتور يعتبر عالى بس الار بى ام طبيعى

هل دى ظبطة كهرباء ؟ ولا بوجيهات ولا محتاجة تغير فلاتر ولا اية بلظبط ؟

[biomedo]

انا صوت علي عندى ووديتها للميكانيكي و ظبطهالي و اما جيت امشي لقيت الصوت عالي و كان السبب مش ان الكوتشه اللي بتصد الكابوت كانت واطيه و مع رجت الموتور الطبيعيه مدياني احساس ان الصوت عالي و اما ضبطتها اختفى الصوت دا

[tarektop]

شكرا للنصيحة هبقى ابص على الكاوشتة

تحياتى

[mostafa mahmod]

لو الرجه بتروح لما تزود بنزين
يبقى قواعد ماتور

[fahdof]

استفسار من الاخ العضو صاحب الموضوع لمحاولة المساعده
هل الرعشة موجودة بوضوح في دواسة الدبرياج مع لمسها اثناء دوران السيارة ؟
ايضا : هل هناك هزة في السيارة مع بداية التحرك بالسيارة من وضع الثبات؟

في انتظار الرد...

[lanos2004]

تعددت اسباب الرعشه والرعشه واحده
ممكن فلتر هوا او فلتر بنزين يعمل رعشه
ممكن قواعد ماتور تعمل رعشه
ممكن سلوك بوجيهات وبوجيهات او موبينه تعمل رعشه
ممكن ايدل مش نضيف يعمل رعشه
ممكن اسطوانه تعمل رعشه

[hessenp]

هل الرعشة موجودة بوضوح في دواسة الدبرياج مع لمسها اثناء دوران السيارة ؟
ايضا : هل هناك هزة في السيارة مع بداية التحرك بالسيارة من وضع الثبات؟

في انتظار الرد...

انا عندى الموضوع دة لما المس دواسة الديبرياج مجرد لمسها احس بلفات الماتور تحت فى رجلى ...
وعندى برضة هزة فى الطلعة الاولى من الثبات ...
اية ممكن يكون سبب العيب دة ..
انا عربيتى لانوس 2002 مغيرة طقم ديبرياج من حوالى 3 او 4 شهور

[fahdof]

نأسف لتأخر الرد
هذه المشكلة نادرة الحدوث ....و بالفعل حدثت معي
المشكله عبارة عن بوش بسيط في هلالات الكرنك بتنقل رعشة الماتور للدواسات خاصة وللسيارة بشكل اقل(العربية كأنها فيبرشن)...ميعرفش المشكله غير ميكانيكي شاطر.

ارجو لك التوفيق و تصليح السيارة......منتظر ردك