عندى عيب فى عربيتى الانوس 2 موديل 2002

[hessenp]

السلام عليكم ورحمة الله ...

عندى عيب فى عربيتى الانوس 2 موديل 2002 وهى مش بتسحب خالص على الغيار الاول . يعنى اول لما

بتاخد الاول وتيجى تطلع بيها بتطلع ومفهاش مشاكل بس لو دوست بنزين زيادة تلاقيها ماشية بنفس

السرعة هى هى مش بتزيد بسرعة والمشكلة دى خطر جدا على الطريق فى حالة الخروج على طريق به

عربيات ماشية بسرعة مش بتاخد سرعة الطريق بسرعة وممكن يحصل لا قدر الله .....

ملحوظة . انا لسة مغير (طلمبة بنزين كاملة . فلتر بنزين . بوجيهات . سلك بوجيهات . وطقم سيور كامل )

والحمد لله الميكانيكى خيطنى فى المصنعية ..

ارجو المساعدة ومعلش طولت عليكم

[mailo]

هو الكلام ده فالغيار الأول بس ولا في كله؟
إنت آخر سرعة جبتها بالاول كام؟

[magdyabulela]

أظن يا باشا ان ده عيب في الاسطوانة .. بس فيه علامات كتير للاسطوانة وانا باكرر السؤال اللي تفضل الزميل صاحب التعليق اللي قبلي وسأله هل العيب ده في الغيار الاول بس ولا في كله .. وهل العربية عموما مش بتسحب بشكل مرضي وهل بتسمع صوت كركرة للموتور في المطالع مثلا !!

[هيثم]

المصنعيه كام ؟

[tarek_2005]

جرب اسطوانتك كويس

[hessenp]

هو الكلام ده فالغيار الأول بس ولا في كله؟
إنت آخر سرعة جبتها بالاول كام؟

ايوة فى الغيار الاول بس ... وقبل ماغير الحاجات الى سبق قلتها كانت فى كل الغيارات ..
اخر سرعة جبتها بعد التغير الحاجات الى سبق ذكرتها 160 ك/س

[hessenp]

أظن يا باشا ان ده عيب في الاسطوانة .. بس فيه علامات كتير للاسطوانة وانا باكرر السؤال اللي تفضل الزميل صاحب التعليق اللي قبلي وسأله هل العيب ده في الغيار الاول بس ولا في كله .. وهل العربية عموما مش بتسحب بشكل مرضي وهل بتسمع صوت كركرة للموتور في المطالع مثلا !!

انا معنديش مشاكل فى الاسطوانة لانى لو حبيت افرك بالعربية هفرك بيها ومافيش مشكلة
العيب دة فى الغيار الاول بس انا حاسس ان الغيار الاول دة كسلان مثلا هههههههه مش عارف والله ماله
والسحب يعنى بس بيقولولى ان سحب الدايو كدة وعلى العموم انا جربت عربية 2007 كان فرق السحب بسيط
وبالنسبة للصوت لا يوجد صوت او كركرة فى المطالع ....

[hessenp]

المصنعيه كام ؟

150 جنية

[hessenp]

جرب اسطوانتك كويس

حضرتك الاسطوانة مافيهاش مشاكل خالص !!!!!!!!!!!

[tarek_2005]

حضرتك الاسطوانة مافيهاش مشاكل خالص !!!!!!!!!!!

حكمت عليها ازاي

[mailo]

هي ممكن الإسطوانة تبوظ في غيار واحد بس يا طارق؟

[hessenp]

حكمت عليها ازاي

عشان وقت ماحب ادوس بنزين بلاقى العربية بتجرى ومافيش صوت ماتور على الفاضى ولوحبيت اطلع طلعة سريعة بتطلع عادى وممكن تفرك كمان الاسطوانة سليمة والتعشيق كويس وبدال الديبرياج مش عالى ...


مشكووووووور على المتابعة !!!!!!!!!

[هيثم]

السلام عليكم ورحمة الله ...



ملحوظة . انا لسة مغير (طلمبة بنزين كاملة . فلتر بنزين . بوجيهات . سلك بوجيهات . وطقم سيور كامل )

والحمد لله الميكانيكى خيطنى فى المصنعية ..

150 جنية

مفتكرش ان المصنعيه مبالغ فيها
و لو فى زياده هتبقى فى حدود 20 جنيه بحد اقصى

[hessenp]

مفتكرش ان المصنعيه مبالغ فيها
و لو فى زياده هتبقى فى حدود 20 جنيه بحد اقصى

زى الفل الحمد لله ........... انا كنت خايف ليكون لسعنى فى السعر

استفسار سريع كدة هو سعر الاسكترا بتاعة اللانوس البور تعمل كام استيراد طبعا

شكرا على الاهتمام

[hessenp]

متااااااااااااااااااابع !!!!!!!!!!