مشكلة زجاج الكهرباء

[kimo75]

عندى مشكلة فى زجاج الكهرباء اللى بجوار السواق بحس انه تقيل وساعات مبيرداش يقفل خالص
رحت لبتاع ابواب قاللى الماكينه لازم تتغير وطلب 150ج
هل ده كتير........ارجو الافادة

[mrghost]

كدة مش كتير لانى مشترى اثنين لعربيتى استيراد ب350 جنيه بعد ما سألت عند كل الناس وشكرا

[moby]

عندى مشكلة فى زجاج الكهرباء اللى بجوار السواق بحس انه تقيل وساعات مبيرداش يقفل خالص
رحت لبتاع ابواب قاللى الماكينه لازم تتغير وطلب 150ج
هل ده كتير........ارجو الافادة

كلام الراجل صحيح
أنا أشتريت الموتور جديد أصلى مش صينى
سعره 200 جنيه مثل اللى راكب فيها تمام ..

[battikh]

كان عندي نفس المشكلة، رحت فكيت الباب ورشيت Wd40 على مجرى الزجاج وعلى السير والحمد لله رجعت كأنها جديدة، كانت الأول تقفل بالعافية وساعات كنت أساعد المحرك بتاع الزجاج بإيدي، دولقتي الحمد لله زي الفل، جرب ومش حتخسر حاجة قبل ما تشتري موتور

[Akram]

كيمو ,
ممكن تجرب إقتراح battikh و تقولنا إيه الأخبار ,

[ahmedsrs]

فعلا جرب قبل متتسرع

[Mohamed A S]

طب يا ريت مساعدة من الأخوة الأفاضل يقولو لنا الباب بيتفك ازاي، علشان أنا عندي نفس المشكلة وكنت ناوي أروح لواحد بتاع ابواب، لكن طالما أنه ممكن أنا اعمل الكلام دا بإيدي فإيه المانع. بس نرجو شرح كيفية فك الباب.

[MMamdouh]

1- اربع مسامير... تلاتة فى حرف الباب من تحت و واحد جوة اكرة الباب اللى بتشد منها الباب
2- اسحب كل الجزء الفبر من اكرة الباب... حتسمع صوت الكليبسات بتتفك... متقلقش... مفيش حاجة بتككسر
3- مد ايدك بين الفبر و الباب الحديد و فك فيشة زرار الزجاج الكهرباء
4- زق الفبر لفوق عشان تعدى الشفة اللى فوق من مجرى الزجاج

MMamdouh

[kimo75]

ايه هو ال Wd40

[Akram]

ده منظف بيستخدم لحاجات كتير و منها إزالة الصدأ و الإتساخ اللي على المعادن ....

[Mohamed A S]

1- اربع مسامير... تلاتة فى حرف الباب من تحت و واحد جوة اكرة الباب اللى بتشد منها الباب
2- اسحب كل الجزء الفبر من اكرة الباب... حتسمع صوت الكليبسات بتتفك... متقلقش... مفيش حاجة بتككسر
3- مد ايدك بين الفبر و الباب الحديد و فك فيشة زرار الزجاج الكهرباء
4- زق الفبر لفوق عشان تعدى الشفة اللى فوق من مجرى الزجاج

MMamdouh

شكرا أبو يوسف

امبارح بعد الشغل كنت فاضي قلت لما اشوف موضوع الزجاج الكهرباء فعلا فكيت الباب الفبر حسب التعليمات أعلاه، وطبعاً كان أول مرة أفك الباب ومعرفش فين وحدة الرفع بتاعة الزجاج والحاجات دي المهم قعدت اجرب ورشيت WD40 على جميع الأجزاء اللي بتتحرك والزجاج بينزل وبيترفع، والحمد لله النتيجة كانت أكثر من هايلة .. الزجاج رجع يطلع وينزل بدون عناء ولا محتاج زق ولا حاجة .. ووحدة الرفع شغالة برده الحمد لله زي الفل. وبعد ما خلصت الابواب الاربعة ولقيت النتيجة دي كنت مبسوط جداً علشان عرفت اعمل اول حاجة بإيدي في العربية.
لكن اتندت بليل لما روحت بالعربية مشوار دخلت اجيب حاجة من سوبر ماركت اتأخرت ثلث ساعة خرجت لقيت العربية مخبوطة من الرفرف اللي قدام يمين. لكن الحمد لله على كل شئ وحسبي الله ونعم الوكيل في اللي خبطها وجري.

[MMamdouh]

مبروك التضبيط و قدر الله و ما شاء فعل

MMamdouh

[Mohamed A S]

ربنا يبارك فيك
كله من خير بحر معلوماتك يا باشا
والحمد لله على كل شئ

[jojocar]

يا جماعة دة ممكن يكون الشربون عايز يتغير انا فعلا غيرتة ب70 جنية وممكن يتعرف لو انت خبت على الباب جامد عتلاقى الزجاج بيقفل