دراع النور عندي اتحرق

[gassarian]

النهاردة و أنا سايق العربية بالنهار جيت أنور عالي للي جاي في وشي لقيت دراع النور تقيل شوية و ما أخدتش بالي طبعاً إن النور علّق و بعدها بشوية لقيت ريحة بلاستيك بيتحرق و بعدها دخان من ورا الدركسيون..... وقفت على جنب و كلمت الميكانيكي و قال لي أروح لكهربائي . ده دراع النور اتحرق و رحت شيلت فيوز العالي
دلوقتي دراع النور بقى شغال الواطي بس و مش بيتحرك قدام أو ورا و لا إشارات يمين و شمال...
هغيره بإذن الله و أركب كتاوت عشان ميحصلش تاني المشكلة دي و هعلي النور بالمرة....

معرفش الأسعار للدراع و الكتاوت و اللمبات اللي موجودة و المصنعية..... لو حد يعرف يدلني يبقى ربنا يجزيه خير

[mero100]

انا شوفت موضوع حريق دراع النور ده كتير جدا في اللانوس و معرفش السبب

ياريت الاستاذ طارق يقولنا السبب لو عنده فكره عن الموضوع ده

كان فيه عضو هنا عربيته اتحرقت بالليل لوحدها من جوه من عند دراع النور غاالبا علي ما اتذكر ....و انا شوفتت عربيه في التوكيل 2009 و دراع النور عنده بايظ و معلق .

نفسي اعرف السبب

[ahmedismael]

السلام عليكم
من اهم الاسباب فى تلف دراع النور الاحمال الزيادة علية فمن الممكن يكون يركب لمبات عالية بدون ما يركب كتاوت او تكون الكتاوت نوعها تعبان او عمر افتراضى .

[hosar]

كـــــتـــــــــــاوت الـــــــــنـــــــور
غير الدراع و ركب كتاوت للنور العالى و ريح دماغك

[morr41]

حرق دراع النور ده سببه الحمل الزائد نتيجه تركيب لمبات بواط عالي من غير تركيب كتاوت دا بالاضافه ان الانوس اصلا بتحتاج تقويه للارضي بتاعها

[mailo]

حرق دراع النور ده سببه الحمل الزائد نتيجه تركيب لمبات بواط عالي من غير تركيب كتاوت دا بالاضافه ان الانوس اصلا بتحتاج تقويه للارضي بتاعها

أول مرة أسمع عن موضوع تقوية الأرضي

حد تاني عندو معلومات عن الموضوع ده
وإيه السبب

[original]

دى مشكلة عادية موجودة فى كل العربيات
شفتها فى تويوتا وهوندا وحتى المرسيدس
المشكلة بتحصل أكتر بسبب الترعيش بالنور العالى مع تثبيت إيدك فترة أطول بالنور العالى وده بيسخن المفتاح لأن مكوناته كلها بلاستيك والريش بس هيا اللى معدن
وطبعا الحمل الزيادة على المفتاح

[mero100]

دى مشكلة عادية موجودة فى كل العربيات
شفتها فى تويوتا وهوندا وحتى المرسيدس
المشكلة بتحصل أكتر بسبب الترعيش بالنور العالى مع تثبيت إيدك فترة أطول بالنور العالى وده بيسخن المفتاح لأن مكوناته كلها بلاستيك والريش بس هيا اللى معدن
وطبعا الحمل الزيادة على المفتاح

افهم من كلام حضرتك ان لو الواحد سايق علي الصحراوي مثلا بالليل و فاتح النور العالي لمده ساعه مثلا يبقي الدراع يسيح ؟

[original]

افهم من كلام حضرتك ان لو الواحد سايق علي الصحراوي مثلا بالليل و فاتح النور العالي لمده ساعه مثلا يبقي الدراع يسيح ؟

حضرتك لو فاتح النور العالى زى مابتقول حاجة وإنك تفضل شادد الدراع عليك كأنك بترعش حاجة تانية خالص والدليل على كده إن أول حاجة ممكن تفصل فى المفتاح الرعاش يعنى لما تيجى ترعش مش هتلاقى العالى شغال مع إنه ممكن يشتغل مع الدراع عادى لو ثابت!!

[MMamdouh]

النور العالى راكب على كتاوت و دة نفس الكتاوت اللى بيشتغل لما تشغل الرعاش

و انتظروا رد طارق فى الموضوع دة....

MMamdouh

[original]

الكتاوت مالهاش علاقة بدواخل المفتاح.. المشكلة فى الريش الداخلية للمفتاح واللى ممكن تستحمل شغل مستمر زى النور العالى ولكنها لا تتحمل إستمرار شد الذراع ناحية الطارة لتشغيل النور العالى لفترات أطول من اللازم!!
على فكرة الموضوع عن تجربة وليس عن تكهنات وأكيد ممكن يتحرق لأسباب تانية كتير
أ/ طارق ممكن يفيدك أكتر منى

[mohelmahdy]

هاتجيت كاتاوت تركى كبير ب 20 جنيه وصل عليه النور كله واطى وعالى
ولو انت مغير الكلاس قريب ركبله برضه كتاوت ب 7 جنيه تقريبا يابانى
عشان تبقى فى السليم

انا عامل كدا الكلاس على كتاوت لواحده والنور كله على الكتاوت الكبير
والصنيعى كبيره 40 جنيه او 50 بالاسلاك والفيش وغيره

[Shiref_mohamed]

دراع النور بـ 110

[gassarian]

جبت دراع النور ب100 جنيه جي إم و تركيبه 10 جنيه
كتاوت تركي ELO 25 جنيه
لمبتين klaxcar فرنساوي 45 جنيه الجوز مكتوب عليها (سبحان الله) 500/1000 CP
لمبة فوج + سلك و كلبسات و تركيب الكتاوت كله على بعضه عمل 70 جنيه (50 تركيب) عند الزراني في جمال عبد الناصر في الإسكندرية

[tarek_2005]

اسباب احتراق مفتاح النور
1 حمل زائد يمر به
من اين ياتي الحمل الزائد
ليس تركيب لمبات اعلي كما يعتقد البعض لان التلف في هذه الحالة سيكون في اسلاك الضفيرة والكتاوت فقط الحمل الزائد عادتا في اللانوس بيكون ناتج عن كهربائي او ميكانيكي مش كويس بيربط قطمة الدركسيون لاي صيانة ولم يهتم بمرور الاسلاك في اماكنها الصحيحة فعن طريق الخطاء يتم عصر احد الاسلاك اما تحت مسمار او جريدة مثلاً مما يقلل من مساحة مقطع السلك في هذه المنطقة مما يستتبعه مرور تيار اكبر في السلك عند الحاجة له وهنا تكمن المشكلة لان سيارتنا مصممة بمعامل امان في الكهرباء صغير نسبياً يعني السلك محسوب قطره بالظبط للحمل المصمم له وبزيادة لا تتعدي 1%