170كم × 20لتر × نوبيرا 2

[mhopa2440]

اهلا اخواني الاعزاء
سافرت مشاور بعربيتي نوبيرا2 2001 وصفرت عداد الرحلة

انا مونت تقريبا 62لتر بنزين ومشيت 520كم والله كتير

بس الصراحة ان مشيت تقريبا 200 او 250كم على سرعة 120تقريبا

ارجو الافادة الاستهلاك دا كويس ولا كتير وكمان المشكلة فيين لو في مشكلة لقدر الله لاني بسافر كتير وبالمعدل دا كبير يعني حتى تمشي 200كم في 20لتر زي الناس ولا ايه رايكم

[Eng.Geo]

مانيوال ولا أوتو ؟

[mhopa2440]

معلش نسيت شئ قد يكون مهم ان حرارة العربية دائما على ال c واول مبدا ادخل مكان زحمة شوية الاقي المؤشر بدا يرفع ولو مشيت بس خمس ستة كيلو ينزل تاني لتحت
هل انا عندي مشكلة ف حرارة العربية وازاي احلها وكمان ممكن يكون دا سبب ف الاستهلاك العالي للبنزين لان اللي اعرفه ان العربية لو باردة بيكون معدل استهلاك البنزين عالي

ارجو الافادة من خبراء المنتدى وخاصة الاستاذ ممدوح وله الف شكر على تعاونه معنا

[mhopa2440]

العربية مانيوال

[Eng.Geo]

هو كدة الأستهلاك عالي
انت المفروض في السفر بتبقي علي سرعة 90 حوالي 250 كم في الصفيحة أو أكتر
ولو علي 120 مش هتنزل عن 200 في الصفيحة
شوف عندك لو ثرموستات الكوعة متشالة عشان الحرارة

[morr41]

الاستهلاك ده عالي طبعا وده كان عندي مع تأخير في الدواره غيرت الرشاشات والعربيه رجعت للوضع الطبيعي والاستهلاك العادي اما بالنسبه للحراره المنخفضه دي سببها ثرموستات الكوعه .الكوعه الفبر بالترموستات استيراد سعرها 70 جنيه

[mhopa2440]

طيب يا جماعة ف حد يعرف ازاي ممكن اغير الكوعة دي او الترموستات ومكانها في الموتور

ولو استهلاك فضل كما هو هغير الرشاشات بس اشوف موضوع الكوعة

لو حد عنده صور يا ريت اصلي بصراحة متعود على الشغل ف العربية بإيدي من عربية القديمة خصوصا ف الحاجات اللي زي كدا

ومشكورين على تعاونكم

[MMamdouh]

الاستهلاك عالى

و هو عالى لان الترموستات مفتوح على طول و الموتور دايما بارد و الكونترول دايما بيبقى فى حالة warm up mode

MMamdouh

[mhopa2440]

طيب انا لي موضوع تاني عشان اعرف اغيره ازاي


ارجو الإفادة من أهل الخبرة ف المنتدى

[minicooper20]

62 لتر
ليه هو تنك النوبيره قد ايه

[unroi]

انا عندى التانك 45 لتر ازاى 62 عندك

[ashrafandarwa]

تنك النوبيرا 62 لتر .... على حد علمى ..... انا معاى نوبيرا 2 تنك البنزين فيها سعه 62 لتر .....اعتقد ان 45 لتر ده تنك اللانوس مش النوبيرا ...... والراى الاخير للخبراء

[haimaN]

تانك النوبيرا 60 لتر ولو اتملى لغاية الزور ممكن ياخد 62

[bobobobo]

النوبيرا الخليجى 45لتر