عاصفة رملية زعلتنى انا و اللانوس

[wael_power]

كنت ماشي علي 140كم علي طريق وادي النطرون في عواصف رملية كالشبورة مغطية الطريق
فوجئت لما وصلت ان وش العربية اتصنفر .الاكصدام بقي مطفي خالص ,بعض البوية اتجرحت وطلعت من الرفرف الشمال اللي كان اتجاه الرمال والفانوس الشمال بقي مطفي وكأنه عمره 20سنة ,الشبكة الامامية الاسود بتاعها بقي ابيض في اسود
انا مكانتش متخيل ان الرمال ممكن تعمل كده ,انا قولت انقل تجربتى لتفاضي هذه المشاكل مع الاعضاء انا متهيئلي لو كنت ابطء شوية ماكنش حصل كل ده وازاي نتفادي المشكلة ديه لو قابلتنا في سفر!
وهل في حل بسيط وسريع لعلاج بعض الاصابات ديه

[tarek_2005]

غطي وجه العربية وده الي بيعملوه بتوع الخليج وبنفتكرها حلية انه مغطي وش العربية بجلد
وقوة الرمال رهيبة واحد قريبي كان بالسعودية وفي منطقة جبلية وقامت عاصفة رملية خلت العربية علي الصاج بلا مبالغة لونها اصبح فضي

[Hany A Fattah]

جرب تلمعها ببوليش ممكن ترجع شويه

[AHMED1718]

اسرع حل ف الضرورة
تجيب عد اتنين كيس بريل وتمسح بيه وش العربية وكل اللى معرض للرياح
وبمجرد وصولك حبة ميا هتنزل كله

البريل بتاع المواعين
بيعمل زى طبقة شحمية كده الرمل بيمسك فيها مش بيخليها توصل للصاج

الموضوع ده مرة حصلى على طريق مصر اسمعلية من سنة وعقبال موصلت العاشر ملقتش نمر عندى وده اكتشفته ف كمين للاسف وكان يوم ظريف بس طلع الظابط محترم لما عرف ظروف الطريق لان كان شكلها مش ابيض وكلام اسود دى بقت عاملة زى حتة الصاج المصدية

[wael_power]

فكرة البريل ديه جامدة انا فعلا ساعات بشوف عربيات سفر للبيا بتيقي عاملة كده وبشحم احيانا بس ماكنتش عارف ليه بيعملوه كده .
في مشكله تانية برده حصلت ان الزجاج الامامي كله نقر صغيرة من الرمل مش عارف ديه لها حل ولا يتغير !

[lanos2004]

عاصفه رمليه وتمشى 140 يا قلبك

[wael_power]

140 ده عادي في طريق العلمين والعاصفة الرملية ماكنتش مؤثرة في الاداء علي الطريق بس ماكنتش متوقع ان الرملة هتصنفر العربية !!

[gassarian]

و كنت شايف الطريق كويس و مسيطر على العربية؟؟؟؟؟

الرملة و بسرعة تبقى زي الصنفرة

[lanos2004]

دة لما بيكون فيه رياح شديده مش عاصفه مش بعدى 80 مع انى من هواه قفل العداد يا قلبك

[FAR!D]

باشا نصيحه عن تجربه شخصيه تجيب قطن و معجون اسنان خصوصا كرست او كولجيت عشان قوي و يادوب تبل القطنه و تحط المعجون و تدعك الفانوس و طبعا تمسحه بميه والله باذن الله يرجع كانك خارج من الاجانس