مطلوب استشاره في النوبيرا

[moudy88]

السلام عليكم ورحمة الله وبركاته

عندي كمية حاجات عايزه تتغير في العربيه ....اولها واخطرها ..الطبه بتاعت كارتيرة الزيت بقيت ناعمه وبقيت بحط شعر عليها علشان تقفلها
هل كده اجيب كارتيره جديده ؟؟ وهل بتتباع جديده ولا استيراد وبكام ؟

وعايز مرايه يمين لون اسود ...اجيبها استيراد ولا جديده ..وهل فيه الوان في الجديد ؟؟

وعايز اغير الكاوتش كله بتاع العربيه ايه احسن نوع ؟؟ واجيبه منين ؟؟ ...بس عندي 2 عاملين 20 الف وحالتهم كويسه بس مش نفس المقاس هما 195 65 14 ...اغير الاربعه واخلص ؟؟؟

وعايز الغطا الفيبر بتاع القايم من جوه عند الكنبه الخلفيه ...ومش لاقيه عند حد ..والمشكله انه بيدخل عرس

وعايز اجيب زرار المرايا الكهربا علشان اتكسر

للاسف الواحد مبيصلحش حاجه ..وكل يوم الحاجات بتبوظ اكتر
محتاج رأيكم

[osama.m]

انت ممكن تجيب الحاجات دي استعمال ماعدا الكاوتش
الفردتين اللي عاملين 20.000 دول خسارة ترميهم دور وهتلاقي نفس المقاس

[MMamdouh]

عندي كمية حاجات عايزه تتغير في العربيه ....اولها واخطرها ..الطبه بتاعت كارتيرة الزيت بقيت ناعمه وبقيت بحط شعر عليها علشان تقفلها
هل كده اجيب كارتيره جديده ؟؟ وهل بتتباع جديده ولا استيراد وبكام ؟

بيتركبلها كرسى عند الخراط... مش محتاج تغير الكارتيرة

وعايز اغير الكاوتش كله بتاع العربيه ايه احسن نوع ؟؟ واجيبه منين ؟؟ ...بس عندي 2 عاملين 20 الف وحالتهم كويسه بس مش نفس المقاس هما 195 65 14 ...اغير الاربعه واخلص ؟؟؟

غير الاربعة و هات مقاس 185/65/14

احسن حاجة الكومهو ecsta SPT

شوف سمير بيومى فى الدقى او اشرفكو فى الحى السابع

MMamdouh

[mnelmasry]

السلام عليكم ورحمة الله وبركاته

عندي كمية حاجات عايزه تتغير في العربيه ....اولها واخطرها ..الطبه بتاعت كارتيرة الزيت بقيت ناعمه وبقيت بحط شعر عليها علشان تقفلها
هل كده اجيب كارتيره جديده ؟؟ وهل بتتباع جديده ولا استيراد وبكام ؟

وعايز مرايه يمين لون اسود ...اجيبها استيراد ولا جديده ..وهل فيه الوان في الجديد ؟؟

وعايز اغير الكاوتش كله بتاع العربيه ايه احسن نوع ؟؟ واجيبه منين ؟؟ ...بس عندي 2 عاملين 20 الف وحالتهم كويسه بس مش نفس المقاس هما 195 65 14 ...اغير الاربعه واخلص ؟؟؟

وعايز الغطا الفيبر بتاع القايم من جوه عند الكنبه الخلفيه ...ومش لاقيه عند حد ..والمشكله انه بيدخل عرس

وعايز اجيب زرار المرايا الكهربا علشان اتكسر

للاسف الواحد مبيصلحش حاجه ..وكل يوم الحاجات بتبوظ اكتر
محتاج رأيكم

الاستاذ ممدوح قاللك المفيد والخلاصة في موضوع الكاوتش والطبة-اما بخصوص المرايا فشوفها استيراد انا كنت جايبها من سنة تقريبا ب 330 جديدة اصلي-ومفيش الوان في الجديد-اعتقد الاستراد هتكون ارخص بكتير بس جربها الاول وشوف حركة المرايا في كل الاتجاهات-وزرار المرايا اعتقد انة مش بيتباع لوحدة شوف وحدة الزراير بكام استراد وجربها برضة-اما الغطا الفايبر دة فهو صعب شوية حتي في الاستراد بس اسال علية برضة.

[moudy88]

اسف على التأخر في الرد .... وشكرا للاخوه الافاضل

انا عملت الكارتيره وحطيت زيت جديد شل ..وبعدها بيومين العربيه خرت الزيت كله ولمبة الزيت نورت
وديتها لاقرب محل زيت وحطلي زيت عاده علشان اوصل للميكانيكي ويادوب و صلت للميكانيكي بالعافيه
والعربيه بتسرب زيت بطريقه رهيبه ...والميكانيكي فتح وقعد يوم كامل فيها لحد ماصلحها ..وطلع العيب من اويل سيل الكامه هيا السبب
وسبحان الله يحصل الموضوع صدفه بعد الشغل في الكارتيره بيومين
ولحد دلوقتي شغال بزيت عاده لحد ماتاكد ان المشكله اتحلت
ودلوقتي عايز اغير الكاوتش ...ومش عارف ايه افضل المحلات الموجوده
هل اشرفكو ..كل الفروع زي بعض ؟؟؟؟ ولا بتاع الحي السابع غير ؟؟
لان جمبي في الحدائق في واحد اشرفكو
وايه رايكم في عماد سليمان بتاع شارع وادي النيل في المهندسين