تعبت من ريحة العادم

[coledge]

السلام عليكم ورحمة الله وبركاته
بدون اى مقدمات انا بجد تعبت من ريحة العادم جوه الصالون
اولا رحت للميكانيكى قالى الزيت بينزل على الشكمان بيعمل ريحة
وغير الجوان بتاع السلندر وقالى الريحة هتختفى بعد يومين ومختفتش
رحت لميكانيكى تانى قالى هات اسبراى منظف انجكشن جبتة وبرضة الريحة موجوده
قولت اروح لبتاع الشكمانات غيرلى الجوان اللى ورا وقالى روح للميكانيكى اظبط الانجكشن
رحت لميكانيكى تانى غيرلى سلك البوجيهات وغير لى البوجيهات ورش منظف الانجكشن
ولسة الريحه موجوده بصراحه انا احترت ومش عارف اعمل ايه ياريت لوحد عنده حل يدلنى عليه

العربية لانوس مو 99
وأاسف للاطاله

[MohammedAladel]

ممكن يكون فيه تسريب من طرمبة البنزين أو تسريب فى الشكمان وشوف شنطة السيارة
متااااابع بإهتمام لأنى لاحظت المشكلة دى فى أكتر من عربية تحس بريحة بنزين مش محروق وانت سايق

[coledge]

اولا شكرا على ردك
الشكمان سليم والطرمبة كمان سليمة

[spidars]

وانا كمان عندي الحكاية دي اقول للمكنيكي الكلام ده يقولي ممكن علبة البيئة لاني لاغيها

[singer2005]

شوف الشنطه والجلد الاخلي لها ممكن يكون في قطع وده ممكن يكون السبب

[fosfos010]

عندى نفس المشكلة على السرعات ومعرفتش منين وغيرت حاجات كتير وطولت زيل الشكمان ومعنديش علبة بيئة ولسة موجودة بردة على السرعات

[spidars]

طب ممكن يكون فعلا من علبة البيئة بتاعة الشكمان وهل كل الي بيشم الريحة لاغي علبة البيئة

[fosfos010]

انا هاف اوبشن نازلة من غير علبة بيئة

[tarek_2005]

اغسل السيارة من اسفل بجاز في اي مغسلة وجرب ولاحظ في تسريب اي من الزيوت بعد يومين من الغسيل ولا لاء وراجع علي الشكمان هل به ثقب ام لا

[MohammedAladel]

كان فيه واحد معرفة نزل بعربيته دايو لانوس المياه فى الترعة وربنا ستر العربية محصلهاش حاجة ومتخبطتش بس بعد ما طلعها وصلحها كنت كل ما اركب معاه أشم ريحة البنزين الغير محترق جوا الصالون قبل كدا مكنش فيه الريحة دى وهو برضه معرفش السبب ايه للوقت دا هى بصراحة عايزة واحد مهندس عربيات أو الواحد يودى عربيته التوكيل عشان يعرف السبب ؟؟