الفتيس و مشاكل تانية

[mat7oon]

السلام عليكم
العربية لانوس 99
انا عندى الفتيس بيضايق قوى فى النقل لما اكون لسا بتحرك بالعربية بدرى الصبح بيعاكس جدا خصوصا فى التانى بس بعد ما بمشى فترة بيخف و يبقا كويس انا لسا مغير الزيت و الزيت موبيل 90 و كمان المشكلة بتحصل لما بنقل و انا ماشى بس اما لو نقلت و العربية واقفة و دايرة ما فيش مشكلة
و كملن عندى العربية بتقطع و انا ماشى بترجرج و انا ماشى على التانى مثلا ازود تروح تترج و بعدين تتظبط و ساعات و انا واقف صوت الموتور يضعف الايدل مش مظبوط يعنى الاعراض دى بتروح و تيجى يعنى كل كام دقيقة مرة مش ثابتة فهل كدا دى بوجيهات او سلوك (لسا مغيرهم قريب) ولا مشكلة رشاشات (عمر مغيرتهم و استهلاك البنزين عالى) او طلمبة بنزين و العربية سحبها بقى فى الضياع يعنى على السريع بحس انها بتجاهد عشان تجيب ال 100
شكرا مقدما على تعبكم معايا

[lanos2004]

روح غير زيت الفتيس وهات زيت 85-90 -اوعه تجيب موبيل90-145 هيتقل الغيارات جدا

[mat7oon]

روح غير زيت الفتيس وهات زيت 85-90 -اوعه تجيب موبيل90-145 هيتقل الغيارات جدا

ما هو ده الزيت اللى فيها حاليا

[lanos2004]

ما هو ده الزيت اللى فيها حاليا

ايوة الزيت 90 --145 متعدد
ولا 85 -90

[mat7oon]

لا 85 90

[lanos2004]

شوف انا كنت غيرت زيت الفتيس وحطيت موبيل تمام ومن بعدها الفتيس الصبح قبل اما العربيه تسخن تبقه العصايه مش عاوزة تنقل الا لما العربيه تسحن يبقه كله تمام وبعدين ربنا هدانى واشتريت زيت اسمه فيسكو للفتيس وغيرت الزيت بقت الغيارات كلها حلاوة دة الى كان حصل معايا -بس الاول حضرتك كنت بتشتكى من تقل الغيارات قبل تغير الزيت ولا الموضوع زاد بعدها--ثانيا ممكن تكون العصايه محتاجه رجلاش او عقربه الفتيش باظت --لو الفتيس هوة المشكله الفتيس كله استيراد 600 جنيه

[NOMAD]

السلام عليكم
اود الاستفسار من الاخ الكريم lanos2004 عن موضوع رجلاش عصاية الفتيس لان احيانا التاني بيكون غلس شوية...
موضوع الرجلاش بتاع العصايا ده بيتعمل ازاي وسهل ولا حوار..
تاني حاجة بالنسبة لزيت الفتيس اللي حضرتك جبتة الفيسكو
لزوجته كام..ومنين اجيبه بالظبط ..يعني لو في بنازين معينة ليه ولا ايه...وبكام
وجزاك الله خير

[mat7oon]

السلام عليكم
اود الاستفسار من الاخ الكريم lanos2004 عن موضوع رجلاش عصاية الفتيس لان احيانا التاني بيكون غلس شوية...
موضوع الرجلاش بتاع العصايا ده بيتعمل ازاي وسهل ولا حوار..
تاني حاجة بالنسبة لزيت الفتيس اللي حضرتك جبتة الفيسكو
لزوجته كام..ومنين اجيبه بالظبط ..يعني لو في بنازين معينة ليه ولا ايه...وبكام
وجزاك الله خير

يا ريت تقولنا عشان انا كده عندى نفس المشكلة بقى

[lanos2004]

الى بيرجلش عصايه الفتيس دة الميكانيكى وكمان بيفك كفر العصايه الجلد وينضف تحته ويشحم بشحم نضيف-وبيكشف على العقربه لو فيها بوش بتتغير بس تمنها غالى شويه حوالى 220 جنيه وفيه نوع ارخص بس انا جبت الغالى وهيه عند الوكيل تمنها 375 جنيه فطبعا اشتريت الكورى 220 جنيه جى ام برضه- وخلى بالك لو قاعدة الفتيس بايظه ممكن تتقل الغيارت

[NOMAD]

السلام عليكم
شكرا لسرعة الرد اخي الكريم
الحمد لله الغيارات عندي كلها كويسة ياستثناء التاني
احيانا مش دايما بيكون غلس
كده كده انا ان شاء الله هغير زيت الفتيس
وبالمرة هخللي الميكانيكي يشوف رجلاش العصايا و يشحمها و يشطفها مكان
انا بس بسال حضرتك على زيت الفيسكو
لزوجته كام و من اى بنزينة اقدر اجيبه و بكام
و تقييمك ليه ايه بالمقارنة مع موبيل و شيل
وشكرا

[heshamtaher]

فى انتظار الرد