لو العربية سخنة وبطلت متشتغلش تاني

[mhopa2440]

السلام عليكم
انا عربيتي نوبيرا 2001 مشكلتها غريبة

لو العربية سخنة وبطلت مني لاي سبب واجي اشغلها تاني كان البطارية مفيش المارش يعتل قوي قوي لازم اتركها خمس دقائق او عشر دقائق واشغل تشتغل بس بردوا يبقى المرشل تقيل شوية

انما مهما كانت الجو بارد او ف اي وقت وحبيت اشغل العربية اول مرة اوكي تشتغل من اول مرة دوارة ومفيش اي تعتيل ف المرشل نهائي
المشكلة تظهر لو العربية سخنة بس لدرجة اني لما ادخل البنزينة لازم اسيبها شغاله لاني لو بطلتها هعطل الدنيا

ارجو الإفادة

[gassarian]

غريبة

[tarek_2005]

العربية مانيول ولا اوتو
عاملة كام كم
اخبار البوجيهات واسلاكها والبوبينة ايه
اخر صيانة اتعملت ليها ايه
البوابة كهرباء ولا عادة
بلف الايديل لو موجود اخر مرة نظفته امتي

[SRABIUM]

حطها علةى السكنر ممكن يكون حساس الكرنك لانه لما بيكون بايظ اول ما يسخن يفصل

[mido51eg]

العيب ده بنسبة كبيرة جدا عيب بوبينة. هتلاقيها بتسخن وهي اللي بتسبب العيب ده.

[Viper12345]

متابع باهتمام

[amrelsaqqa]

لو بتحس بالمشكلة في المارش ممكن يكون السلك مش موصل كويس او اوتوماتيك المارش مش مربوط كويس وبيفك لما العربية تسخن

الموبينة والبوجيهات والرشاشات والحاجات دى كلها لو العيب منها مش هتأثر على صوت المارش
وطبعا مش عيب بطارية لأنها بتدور كويس الصبح

[osamaab]

العيب ده فى الغالب بيكون من جلب المارش عايزه تتغير روح لكهربائى يشيك على المارش - وده لو كان عيب موبينه العربيه تبطل لوحدها وهى سخنه وتنتش قبل ما تبطل