لخبراء تصليح اللانوس فقط

[Dr.lancer]

مشكلتى بقالها 3 شهور مجاننه الميكانيكية. الموضوع بدأ بعد تشغييل التكييف السخن فى ليلة باردة و تانى يوم رجعت المؤشر للازرق تانى ومن بعدها فضلت العربية تعمل بخرة على الزجاج الأمامى زى ما يكون المؤشر اللى فى التابلوة علق على السخن. كل ده و عادى رحت لبتاع التكييف مرتيين مرة قالى العيب ده مش حيروح الا لما أشحن فريون (العربية كانت مش مشحونة فريون من الصيف اللى فات) و فعلا شحنت بس فضلت المشكلة هى هى فروحت له مرة تانية و هنا لغالى السخن خالص (ماعرفش ليه) قلت مش مشكلة المهم أخلص من المشكلة دى. بس للأسف فضلت مشكلة التشبيرة على الزجاج الامامى مستمرة و ريحه بخار ميه داخل صالون العربية محسوسة . جاءت بعد كده المشكلة الاساسية وهى بدأت الميه اللى فى القربه تنقص بمعدل متزايد و مافيش أى تسريب ظاهر من تحت العربية. رحت لمركز توب جير و تم رفع العربية و كانت 4 طابات الميه اللى فى الموتور بيسربوا و كانت الميه بتتبخر من سخونية الموتور قبل ما تنزل على الارض علشان كده مافيش تسريب متشاف. . قلت الحمد لله عرفت السبب. تم تغيرهم و بعد ما مشيت من المركز لقيت الزجاج الأمامى برضه مشبر كل ما ادوس بنزين التشبيرة تزيد ؟أشغل الهوا تروح التشبيرة و ترجع تانى. و رجعت الميه تنقص جامد تانى (جركن كامل كل يومين). الأستاذ محمد فضالى فى مركز توب جير قال لى حيحل التابلوة الأمامى و يشوف البخرة دى من ايه. حد عنده فكرة ايه هى المشكلة؟ وهل ممكن بتاع التكييف يكون عمل حاجة؟

[kimo-nubira]

اعتقد والله اعلم مش متأكد بس ممكن تكون فيه ماسوره من مواسير التكيف مسربه هواء ممكن يكون فيها خرم صغير ولا حاجه

[Dr.lancer]

اعتقد والله اعلم مش متأكد بس ممكن تكون فيه ماسوره من مواسير التكيف مسربه هواء ممكن يكون فيها خرم صغير ولا حاجه

والله يا أخ kimo ده برضه ميفسرش نقص الميه من قربه العربية.

[maka]

انت لغيت سربنتينة السخن لانها ؟؟؟ و التشبير جى من جوه و لا من بره

[Dr.lancer]

من جوه العربية علشان كده رضه بشم ريحة بخار ميه من جوه وبتزيد مع البنزين و تروح لما أشغل التكييف.
وكل مرة بزود ميه القربه بلاقى التشبير ده بيزيد أول ما أحط الميه. زى ما يكون حاجة ساحت جوه التابلوه و بتسرب ميه العربية! ازاى ماعرفش.

[Dr.lancer]

دى صورة توضيحية للتشبيرة أخدتها فى يومين الحر و عز الزحمة الضهر . التشبيرة عاملة زى ما تكون الدنيا ساقعة برة

[maka]

الحاجة الوحيدة اللى تدخل مياه التبريد جوه الصالون سربنتينة السخن فتاكد من الغاءها

[Dr.lancer]

الحاجة الوحيدة اللى تدخل مياه التبريد جوه الصالون سربنتينة السخن فتاكد من الغاءها

لسه راجع من عند بتاع التكييف و فعلا لغى سربنتينة السخن خالص. و بالمرة شحنت فريون. هو أكد لى أن ممكن يكون خرم فى سربنتينة السخن و الميه كانت بتتبخر عليها وكده مافيش تسريب . حشوف اليومين الجايين دول.

[tarek_2005]

ستنتهي المشكلة لو فعلاً تم الغاء السربنتينة صح

[mailo]

ستنتهي المشكلة لو فعلاً تم الغاء السربنتينة صح

1- إزاي بـتتلغي صح ؟
2- إيه بقى أصلا سبب المشكلة؟ أكيد فيه حل تاني غير ده

[محمد الشامي]

الحاجة الوحيدة اللى تدخل مياه التبريد جوه الصالون سربنتينة السخن فتاكد من الغاءها

ستنتهي المشكلة لو فعلاً تم الغاء السربنتينة صح

+1