رعشة فى الدركسيون والعربية بعد سرعة 100

[medasamir]

السلام عليكم ورحمة الله وبركاته
انا معايا نوبيرا 2001 كانت حصلت معايا حاجة غريبة وانا سايق النهاردة وانا على الدائرى بالليل الطريق فتح وسحبت بالعربية وعديت ال 100 لقيت فى هزة غريبة فى الدركسيون والعربية ولما دوست بنزين هديت شوية ورجعت الهزة شدت تانى بعد ما شيلت رجلى وحاولت اهدى بس لما العربية نزلت سرعتها عن ال 100 الهزة دى راحت وجربت الموضوع كذا مرة حصل نفس الكلام هزة ورعشة فى الدركسيون والعربية بعد ال 100 وتحت ال 100 مفيش .... يا ترى ايه الموضوع ده ومدى خطورته عشان انا طريقى كله سفر ؟؟؟؟

[mero100]

اعمل ترصيص للعجل ..... و اكشف علي الكاوتش بالمره طالما طرقك كلها سفر .....

[aliyosef]

اعمل ترصيص للعجل ..... و اكشف علي الكاوتش بالمره طالما طرقك كلها سفر .....

+1

[smousalim]

بص ياباشا الموضوع دة بالظبط حصل معايا بس كنت غيرت كبالن قبلها فحصلت هزة فى الطارة بعد المية ظبط الزوايا ورصصت العجل المشكلة انتهت

[kimo-nubira]

ديه مشكله طنابير اماميه كانت عندي

[memofree]

طلامة مكنش موجود ابل كده زى ما انتا بتئول اكيدجزء الرصاص اللى فى الجنط وقعت وانتا ماشى

[haysam2000]

اكشف على الكاوتش و الترصيص و ان شاء الله تنتهى المشكله

[tarek_2005]

بعد اراء الزملاء جميعا ترصيص + كاوتش + ((قواعد موتور ))

[محمد الشامي]

الاحتمال الاقرب هو الترصيص

خاصه لو الرعشه بتبدأ مع سرعه 100 مثلا وبعدها تختفي لغايه لما توصل ل، 120 او 130 , وكل لما السرعه تزيد الرعشه والاهتزاز يزيد

دي حلها انك ترصص الاربع عجلات مره واحده

انا لغايه من اسبوعين كان عندي الاهتزازات اللي وصفتها في بدايه المشاركه , ورصصت الاربع عجلات والحمد لله المشكله اختفت تماماً
ودلوقتي مفيش اي رعشه او اهتزاز على السرعات , انا جربت لغايه 170 ومكنش في اي حاجه الحمد لله

[mailo]

ديه مشكله طنابير اماميه كانت عندي

الطنابير بتبقى فالفرامل مش فالجري

بعد اراء الزملاء جميعا ترصيص + كاوتش + ((قواعد موتور ))

طب ترصيص وكاوتش وماشي
بس إزاي بقى قواعد موتور<>؟

[HanyManssy]

ما هو علاج سقوط الرصاص
أنا كذا مره أرصص الكاوتش العربيه تبقى رى الفل
لما اذهب لبتاع الكاوتش للكشف عليه الرصاصه تقع
هل توجد طريقه لتثبيت الرصاصه و شكرا

[محمد الشامي]

ما هو علاج سقوط الرصاص
أنا كذا مره أرصص الكاوتش العربيه تبقى رى الفل
لما اذهب لبتاع الكاوتش للكشف عليه الرصاصه تقع
هل توجد طريقه لتثبيت الرصاصه و شكرا

علاجها ان اللي بيرصص يخلي عنده ضمير ويركبلك الرصاصه المناسبه من حيث الحجم و الوزن
وكمان خلي بالك ان في بتوع كاوتش بيسرقوا الرصاص وهما بيعملوا صيانه الكاوتش (سواء اصلاح او كشف على ضغط الهواء)

[MOHGOMAA2002]

السلام عليكم المشكلة دى حصلت معايا وقعدت سنة تقريبا ماشي على الحال ده والمفاجأة ان لما قررت احل مهما كانت التكلفة اكتشفت ان فى جنة كان مشروخ وقمت مغيره و اختفتالمشكلة كانت بتظهر رعشة عند 115 لغاية 120 تقريبا بعد كده لغاية 150 مفيش أي حاجة لكن 160 تظهر تاني

[_hema]

السلام عليكم ورحمة الله وبركاته
انا معايا نوبيرا 2001 كانت حصلت معايا حاجة غريبة وانا سايق النهاردة وانا على الدائرى بالليل الطريق فتح وسحبت بالعربية وعديت ال 100 لقيت فى هزة غريبة فى الدركسيون والعربية ولما دوست بنزين هديت شوية ورجعت الهزة شدت تانى بعد ما شيلت رجلى وحاولت اهدى بس لما العربية نزلت سرعتها عن ال 100 الهزة دى راحت وجربت الموضوع كذا مرة حصل نفس الكلام هزة ورعشة فى الدركسيون والعربية بعد ال 100 وتحت ال 100 مفيش .... يا ترى ايه الموضوع ده ومدى خطورته عشان انا طريقى كله سفر ؟؟؟؟

حضرتك جرب تراجع الترصيص عن واحد تكون واثق من شغله

ودائمأ حضرتك حافظ على ميعاد ترصيص السياره وضبط الزوايا والهواء

وابقا طمنا


كل التحيه لحضرتك

[kimo-nubira]

الطنابير بتبقى فالفرامل مش فالجري

لا مش شرط كانت عندي في الجري كمان من غير فرامل