سؤال فى حساس الايدل

[amr_adel00]

دلوقتى يا جماعه انا عندى حساس الايدل باز,, جيبت حساس مستعمل كده من عند الميكانيكى اللى بتعامل معه و ركبته مكان بتاعى القديم و لاقيت العربيه اختلفت بنسبه كبييره عن الاول بس لسه فيها شوية خنقه بسيطه,, هى الاول كانت مخنوقه كده فى بداية طلوعها من الثبات و فى بداية كل نقله فى الاول و الثانى اكتر من باقى النقلات,, لكن دلوقتى انا حاسس بفرق ملحوظ بس زى ما قولتكم لسه فى شوية خنقه بسيطه..
سوأل بقى: اجيب حساس الايدل جديد ولا استيراد ؟ و لو جديد اجيبه نوعه ايه ؟ او صناعه ايه ؟
و هل حساس الايدل له علاقه بتأخير الدواره ؟؟
و هل الخنقه البسيطه دى لها علاقه بحاجه تانيه ولا بردوه بحساس الايدل ؟؟

[amr_adel00]

و ما هو الايدل ليرن ؟؟

[محمد الشامي]

دلوقتى يا جماعه انا عندى حساس الايدل باز,, جيبت حساس مستعمل كده من عند الميكانيكى اللى بتعامل معه و ركبته مكان بتاعى القديم و لاقيت العربيه اختلفت بنسبه كبييره عن الاول بس لسه فيها شوية خنقه بسيطه,, هى الاول كانت مخنوقه كده فى بداية طلوعها من الثبات و فى بداية كل نقله فى الاول و الثانى اكتر من باقى النقلات,, لكن دلوقتى انا حاسس بفرق ملحوظ بس زى ما قولتكم لسه فى شوية خنقه بسيطه..
و هل الخنقه البسيطه دى لها علاقه بحاجه تانيه ولا بردوه بحساس الايدل ؟؟

الايدل كنترولر مفيش اي علاقه بينه وبين الخنقه في السحب
اعمل الصيانه الروتينيه من تغيير فلاتر - بوجيهات - اسلاك بوجيهات
و اظبط فيشه الاوكتين على نوع البنزين المستخدم عندك (لو بتحط 92) اظبط الفيشه على 95 وشوف الفرق

اجيب حساس الايدل جديد ولا استيراد ؟ و لو جديد اجيبه نوعه ايه ؟ او صناعه ايه ؟

الايدل كنترولر مش حساس :) ويفضل انك تجيبه جديد , واعتقد ان مفيش منه انواع بس هات الكوري

و هل حساس الايدل له علاقه بتأخير الدواره ؟؟

واخيراً :
الايدل كنترولر ببساطه وظيفته هو ضبط وتنظيم عدد لفات الموتور على السلانسيه بدون أحمال (تكييف اضاءه و و ) ومع الأحمال
وعند تغيير الايدل كنترولر او فصل البطاريه يجب عمل ايدل ليرن كما هو موضح بأكتر من موضوع للساده الزملاء

يارب اكون افدتك

[amr_adel00]

الايدل كنترولر مفيش اي علاقه بينه وبين الخنقه في السحب
اعمل الصيانه الروتينيه من تغيير فلاتر - بوجيهات - اسلاك بوجيهات
و اظبط فيشه الاوكتين على نوع البنزين المستخدم عندك (لو بتحط 92) اظبط الفيشه على 95 وشوف الفرق

طب ممكن تقولى اظبط فيشة الاوكتين ازاى ؟؟
و هى مكان الفيشه دى فين بالظبط ؟؟



الايدل كنترولر مش حساس :) ويفضل انك تجيبه جديد , واعتقد ان مفيش منه انواع بس هات الكوري




واخيراً :
الايدل كنترولر ببساطه وظيفته هو ضبط وتنظيم عدد لفات الموتور على السلانسيه بدون أحمال (تكييف اضاءه و و ) ومع الأحمال
وعند تغيير الايدل كنترولر او فصل البطاريه يجب عمل ايدل ليرن كما هو موضح بأكتر من موضوع للساده الزملاء

يارب اكون افدتك

ياريت تقولى اعمل ايدل ليرن ازااااااى ؟؟ :)

[towfeq]

السلام عليكم
االطريقة السليمة لعمل الايدل ليرن مكا وردت في كتاب الصيانة 1f engine control


العربية تكون باردة (الصبح يعني و بالليل)
فك الطرف السالب للبطارية
انتظر 10 دقائق واشرب فيهم شاى او اي حاجة تدفي
ركب الطرف السالب تاني
افتح الكونتاكت بدون ادارة ( كل اللمض فى التابلوه تنور ) لمدة 5 ث
اقفل الكونتاكت لمدة 5 ث
افتح الكونتاكت تانى لمدة 5 ث
دور العربية
متعملش اى حاجة سيبها دايرة لغاية لما مروحة الرادياتير تشتغل ( ممكن تقعد تلت ساعة عشان المروحة تشتغل اول مرة ) وطبعا محتاج حاجة تسلليك في القعدة دى..اديها مكان دور حمص الشام
شغل التكيف لمدة 10 ث
اقفل التكيف لمدة 10 ث
شغله تانى 10 ث
اقفله 10 ث
بطل العربية على طول
وسيبها بتاع 10 دقائق كده و بعد كده لو عايز تمشي بيها ماشي

و شكرا للباشمهندس احمد علي اللي علمني الطريقة دي
جزاه الله خير
وطمني قولي ايه الاخبار معاك

[amr_adel00]

انا مش عارف اشكرك ازاى على افادتك ليا
انا هجرب الطريقه دى و ان شاء الله تجيب نتيجه كويسه :)
بس ليا سؤال ؟؟
هو انا لو معملتش الايدل ليرن ايه اللى ممكن يحصل يعنى ؟؟

[محمد الشامي]

http://www.nilemotors.net/Nile/71086-a.html

[towfeq]

السلام عليكم
بالنسبة لموضوع الايدل ليرن هو اجراء مهم للعربية و الكمبيوتر بتاعها
اكنك بتعلم طفل صغير اساسيات مهمه ليه
طبعا هو مش الزام
لان العربية ممكن تتعلمه بعد فترة من ملاحظة انماط السواقة و كده
بس ليه يعني

دي حاجة
الحاجة التانية هي طريقة عمل الايدل ليرن نفسه
في طريقة الناس هنا قالت ليا عليها و هي انك تشيل سالب الطرية و بعدين تفتح الكونتاكت 3 مرات لمدة 5 ثواني و بعد كده دور العربية 3 دقائق ثم التكييف دقيقتين

بصراحة الطريقة دي لم تنجح معي بالمرة و العربية كانت مش ممكن و صباح الاشتغالات و العبط

لحد ما ربنا اكرمني و زميل و اخ فاضل ليا دللني على الطريقة اللي قولت ليك عليها و الحمد لله زي الفل
وبعدين اكتشفت ان هي دي فعلا الطريقة اللي مكتوبة في كتاب الصيانة بتاع دايو
1F Engine Control
صفحة 22

وده نص الطريقة منسوخة من الكتاب...

IDLE LEARN PROCEDURE
Whenever the battery cables, the powertrain control module
(PCM)/engine control module (ECM), or the fuse is disconnected
or replaced, the following idle learn procedure
must be performed:

1. Turn the ignition ON for 5 seconds.
2. Turn the ignition OFF for 10 seconds.
3. Turn the ignition ON for 5 seconds.
4. Start the engine in park/neutral.
5. Allow the engine to run until the engine coolant is
above 185³F (85³C).
6. Turn the A/C ON for 10 seconds, if equipped.
7. Turn the A/C OFF for 10 seconds, if equipped.
8. If the vehicle is equipped with an automatic transaxle,
apply the parking brake. While pressing the
brake pedal, place the transaxle in D (drive).
9. Turn the A/C ON for 10 seconds, if equipped.
10. Turn the A/C OFF for 10 seconds, if equipped.
11. Turn the ignition OFF. The idle learn procedure is
complete."


اتمنى من الله ان يوفقك و ابقى طمنى عملت ايه
و جزاك الله خير يا حج احمد يا علي