صوت تسقيف بعد مشكلة في دورة التبريد

[محمد الشامي]

السلام عليكم ورحمة الله وبركاته يا شباب

عندي ملاحظه صغيره لاحظتها مؤخراً على اداء الموتور عندي

الحكايه ببساطه اني من اسبوعين كنت راجع من مشوار طويل وقبل ما اوصل البيت حسيت ان العربيه فيها رعشه مش طبيعيه على السلانسيه , ولما اكبس بنزين احس كأن العربيه متلته
ابطل العربيه واجي ادورها احس كأنها شغاله على 2 بوجيه مثلا , والموتور مش مظبوط خالص وسامع زي صوت تخبيط على خفيف

نزلت وفتحت الكبوت لقيت المراوح شغاله على السرعه العاليه والهواء طالع منها بارد جدا كأنه هوا تكييف !!! ومؤشر الحراره في التوقيت ده كان طبيعي جدااااااااااا للاسف

المهم بفتح غطاء القربه لقيتها فاضيه تماماً (مع اني الصبح دايما ببص على الميا والزيت) فجريت على شنطة العربيه وجبت ميا وبدأت احط في القربه والميا بمجرد ما دخلت دورة التبريد المراوح طلعت هواء سخن جدااا , وطبعا ببص تحت العربيه لقيت الميا بتنزل من تحت

عشان مطولش عليكم هو كان عيب في دورة التبريد وخلاص صلحته , بس الملاحظه اللي عندي من بعد الحوار ده اني بقيت بسمع صوت تسقيف في المكنه , وده عمره ما حصل عندي !!!

انا بحط بنزين 92 وظابط فيشه الاوكتين على 95 , ومغيير فلاتر وسلك بوجيهات وبوجيهات قريب
سحب العربيه تمام جدا والحمد لله , ومفيش اي مشاكل في الميكانيكا بشكل عام

هل صوت التسقيف ده معناه ان في حاجه حصلت في الموتور بسبب السخونه الزايده اللي حصلت دي ؟
ولا التسقيف ده ممكن يكون ايه ؟؟

[mic2keen]

السلام عليكم ورحمة الله وبركاته يا شباب

عندي ملاحظه صغيره لاحظتها مؤخراً على اداء الموتور عندي

الحكايه ببساطه اني من اسبوعين كنت راجع من مشوار طويل وقبل ما اوصل البيت حسيت ان العربيه فيها رعشه مش طبيعيه على السلانسيه , ولما اكبس بنزين احس كأن العربيه متلته
ابطل العربيه واجي ادورها احس كأنها شغاله على 2 بوجيه مثلا , والموتور مش مظبوط خالص وسامع زي صوت تخبيط على خفيف

نزلت وفتحت الكبوت لقيت المراوح شغاله على السرعه العاليه والهواء طالع منها بارد جدا كأنه هوا تكييف !!! ومؤشر الحراره في التوقيت ده كان طبيعي جدااااااااااا للاسف

المهم بفتح غطاء القربه لقيتها فاضيه تماماً (مع اني الصبح دايما ببص على الميا والزيت) فجريت على شنطة العربيه وجبت ميا وبدأت احط في القربه والميا بمجرد ما دخلت دورة التبريد المراوح طلعت هواء سخن جدااا , وطبعا ببص تحت العربيه لقيت الميا بتنزل من تحت

عشان مطولش عليكم هو كان عيب في دورة التبريد وخلاص صلحته , بس الملاحظه اللي عندي من بعد الحوار ده اني بقيت بسمع صوت تسقيف في المكنه , وده عمره ما حصل عندي !!!

انا بحط بنزين 92 وظابط فيشه الاوكتين على 95 , ومغيير فلاتر وسلك بوجيهات وبوجيهات قريب
سحب العربيه تمام جدا والحمد لله , ومفيش اي مشاكل في الميكانيكا بشكل عام

هل صوت التسقيف ده معناه ان في حاجه حصلت في الموتور بسبب السخونه الزايده اللي حصلت دي ؟
ولا التسقيف ده ممكن يكون ايه ؟؟

الحمد لله على السلامة استاذ محمد زمان ما شفناك في المنتدى
ان شاء الله تكون المشكله بسيطة و الاخوه الافاضللا يفيدوك
تقبل مروري و عاش من شافك

[محمد الشامي]

الحمد لله على السلامة استاذ محمد زمان ما شفناك في المنتدى
ان شاء الله تكون المشكله بسيطة و الاخوه الافاضللا يفيدوك
تقبل مروري و عاش من شافك

الله يسلمك يا صديقي العزيز :)
ومعلش كنت مشغول شويه عن المنتدى لظروف الشغل والحياه , بس بحاول اتواجد قدر المستطاع :)

تحياتي لحضرتك واتمنالك دوام التوفيق بإذن الله

[mailo]

هو كلام من بره كده المفروض المشكلة دي متاثرش كده
بس جرب كده رجع الفيشة على بنزين 92 وشووف التسقيف ده هيفضل موجود ولا لأ
للتجربة بس وبعدين نشوف إيه اللي ممكن يتعمل بعدها

[tarek_2005]

تاكد انه تسقيف مش صوت كستبانات يفضل تغير الزيت لان ارتفاع الحرارة ممكن يكون اثر علي خواص الزيت بتاع المحرك غيير الزيت والفلتر وجرب لو اختفي الصوت يبقي كانت الكستبانات هيا الي عملاه لو لم افتح واكشف علي الكستبانات اول حاجة بتتاثر بالحرارة العالية للمحرك

[popahly]

والله ياخوانا مشكلة المية دى بقت حاجة تقرف، بعد إذن أستاذ محمد الشامى طبعاً، الواحد كان دايخ على الميه الأسبانى علشان المية نقصت تانى عندى ومش عاوز احط مياه عادية، دوخت المنير يقولى المستورد بطل يجيبها وابو الحسن معندوش إلا الحمراء تركيز 10%، وبعد كل دا الصبح النهاردة ببص الاقى كوعة المياة من ناحية وش الموتور ومن عند الخرطوم فيها اثار مياه خضراء... عليه العوض

[محمد الشامي]

هو كلام من بره كده المفروض المشكلة دي متاثرش كده
بس جرب كده رجع الفيشة على بنزين 92 وشووف التسقيف ده هيفضل موجود ولا لأ
للتجربة بس وبعدين نشوف إيه اللي ممكن يتعمل بعدها

والله ياريس انا مظبط فيشه الاوكتين من اكتر من سنه و الحمد لله مفيش اي مشاكل ظهرت خالص بسببها , عشان كده انا مستبعد الحكايه دي شويه

تاكد انه تسقيف مش صوت كستبانات يفضل تغير الزيت لان ارتفاع الحرارة ممكن يكون اثر علي خواص الزيت بتاع المحرك غيير الزيت والفلتر وجرب لو اختفي الصوت يبقي كانت الكستبانات هيا الي عملاه لو لم افتح واكشف علي الكستبانات اول حاجة بتتاثر بالحرارة العالية للمحرك

المشكله اني حاطط زيت موبيل 1 عشرة الاف كم , وهو حاليا لسا ماعملش 1000 كم :) يصعب عليا انزله دلوقتي ,, هههههههه

لكن بخصوص الكستبانات اعتقد لو الصوت منها كان يستمر طول ما العربيه دايره في اي وضع سواء واقفه او ماشيه , لكن صوت التسقيف اللي حصل عندي مع الكبس او النقل بدري , بس بيحصل لثواني وبيختفى

طيب بما اننا جبنا سيرة الكستبانات , مش دي اللي تخلي صوت الموتور عالى ويعمل تكتكه ؟؟

[mahmoudbadr]

ممكن يكون البنزين مش كويس

أو عليه مياة

فضى التانك للآخر و شوف بنزينة كويسة

و إن شاء الله تحل مشكلة التسقيف

[محمد الشامي]

والله ياخوانا مشكلة المية دى بقت حاجة تقرف، بعد إذن أستاذ محمد الشامى طبعاً، الواحد كان دايخ على الميه الأسبانى علشان المية نقصت تانى عندى ومش عاوز احط مياه عادية، دوخت المنير يقولى المستورد بطل يجيبها وابو الحسن معندوش إلا الحمراء تركيز 10%، وبعد كل دا الصبح النهاردة ببص الاقى كوعة المياة من ناحية وش الموتور ومن عند الخرطوم فيها اثار مياه خضراء... عليه العوض

عندك حق والله , بس على كلامك الحمد لله الحكايه عندك بسيطه , يعني بس هتلاقي الكوليه اللي بيربط الخرطوم مفكوك او مقطوم وعايز يتغيير بس

وبخصوص الميا الخضرا , يوم لما تغلب وخلاص مش عارف تجيب الاسبانى هات العلبه المعدن الامريكي وحط ربعها على دورة التبريد مع الميا العاديه , وحط مثلا ربع كمان على الميا اللي بتزود منها , وخلي الباقى على جنب مع نفسه , كده هاتعمل نفس التأثير بتاع الاسبانى

انا حاليا عامل كده :)

[محمد الشامي]

ممكن يكون البنزين مش كويس
أو عليه مياة
فضى التانك للآخر و شوف بنزينة كويسة
و إن شاء الله تحل مشكلة التسقيف

ياريت والله يطلع عيب بنزين , بس انا دايما بحط 92 من موبيل , مش بتعامل مع غيرها

[popahly]

عندك حق والله , بس على كلامك الحمد لله الحكايه عندك بسيطه , يعني بس هتلاقي الكوليه اللي بيربط الخرطوم مفكوك او مقطوم وعايز يتغيير بس

وبخصوص الميا الخضرا , يوم لما تغلب وخلاص مش عارف تجيب الاسبانى هات العلبه المعدن الامريكي وحط ربعها على دورة التبريد مع الميا العاديه , وحط مثلا ربع كمان على الميا اللي بتزود منها , وخلي الباقى على جنب مع نفسه , كده هاتعمل نفس التأثير بتاع الاسبانى

انا حاليا عامل كده :)

الحمد لله على كل حال، وربنا يسهل أمورك إن شاء الله ومشكلتك تتحل نهائيا، بالنسبة للكوليه انا فعلاً ربط عليه كويس جداً بس الواضح كمان ان التسريب مش من الناحية دى بس لأ دا كمان من الجزء التانى اللى ورا الكتينة برضوا من ناحية الكوعة وواضح جداً ترسيب لون أخضر حواليها وتحت منها... بالنسبة للمياه أنا كنت هزود فقط مياه خضراء خصوصاً إنى مش عاوز احط مياه تانى عادية بعد مغسلت الدورة كاملة ونزلت منها صداء السنين، بس الواضح ان بعد محكمت تمام على أماكن التسريب القديمة، إبتدت المياه تخرج من الأماكن الضعيفة، والحمد لله إنها أماكن ظاهرة نقدر نشوف حلول ليها بدل ملف تانى حوالين نفسى زى زمان كدا... وعموماً الله كريم ونحمده ونشكره على كل شئ..

وشكراً ليك جداً وزى مقولتلك فى الأول ربنا معاك فى محنتك

[محمد الشامي]

ربنا يبارك في يا استاذ ياسر :) كلك ذوق

[فادى محمد]

-الكوستبانات تعمل صوت تكتكه زي مواتير اللادا والموتور بارد والصوت بيقل جدا واحيانا يختفي لما الموتور يوصل لدرجه حراره التشغيل الطبيعيه..
-الميه نقصت عند حضرتك تاني ياا محمد ؟؟ ولا تمام؟

[محمد الشامي]

-الكوستبانات تعمل صوت تكتكه زي مواتير اللادا والموتور بارد والصوت بيقل جدا واحيانا يختفي لما الموتور يوصل لدرجه حراره التشغيل الطبيعيه..

يبقا انا فعلا عندي حاليا الكوستبانات دي خفيفه لانها بتعمل تكتكه عاليا وبتهدأ لكن مش بتختفى , والكلام ده للاسف حصل بسبب استخدامي لزيت فيسكو 2000 , ودي كانت اول واخر مره احط حاجه غير موبيل 1 :)

-الميه نقصت عند حضرتك تاني ياا محمد ؟؟ ولا تمام؟

لا الحمد لله الدنيا تمام والميا مش بتنقص ولا حاجه , لاني صلحت العيب
كانت وصله او زور معدن في ضهر المكنه متأكل و غيرته والمشكله انتهت والحمد لله

[فادى محمد]

طيب الحمد لله بسيطه ..
لازم تغير الزيت علشان تحافظ علي الكوستبانات وربنا يعوض عليك وان شاء الله الصوت هيختفي