حاجه مخوفانى من النوبيرا

[mokelanos]

كل ما أروح معرض الاقى المعروض كله نوبيرا حتى الأعلانات النوبيرا معروضه بكميه كبيره
انا كنت بفكر اجيب نوبيرا او لانوس بس النوبيرا ركوبه حلوة
بس قلقان مش عارف
هل فيه عيوب فى النوبيرا
هل استهلاكها فى البنزين عالى وقطع غيارها
وتفرق كام لو نفس موديل السنه فى الانوس
وتنصحونى بأيه؟
نوبيرا ولا لانوس

[MMamdouh]

كل الاجابات اللى انت عايزها فى مواضيع موجودة بالقسم... اعمل بحث و حتلاقى كل اللى انت عايزة

MMamdouh

[mokelanos]

شكرا لسرعه استجابتك ولكنى كنت أعرف تجارب البعض من أهل المنتدى
فعلا منتدى رائع

[SEATLOVER]

ذى ما قالك MMamdouh الموضوع عايز تعب منك شوية عشان يبقى عندك خلفية واضحة

وتفرق كام لو نفس موديل السنه فى الانوس

الفرق الطبيعيى لعربيتين بنفس الكماليات وبحالة ممتازة عشر الف ج و بينزل للحالات المتوسطة ل خمس الف ج و يكاد يتساوى بين نوبيرا اتوماتيك و بين لانوس مانيوال

وتنصحونى بأيه؟

لانوس ... الاقدر على البقاء

[jojocar]

تجربتى مع النوبيرا انهاعربية اكثر من رائعة

[dr_3eshoo]

تجربتى مع النوبيرا انهاعربية اكثر من رائعة

يا راااااااااااااااااااجل امال معملتش معايا كده ليه

[jojocar]

اللى تصونة يصونك < ثم هى عملت اية بالضبط> يا راااااااااااااااااااااجل

[shanodaa]

عيب النوبيرا الوحيد طول المسافه بين العجلات الخلفيه والاماميه بتعمل مشكله في المطبات العاليه يعني لو انت ماشي براحتك ها تاخد المطب في نصف العربيه غصب عنك لو المطب عالي شويه وسلم لي علي المطبات مطب مطب وعمار يا مصر

[dr_3eshoo]

[QUOTE=jojocar;304576]ا < ثم هى عملت اية بالضبط>

يا عم دي طلعت عيني مقصات و عفشه و بنزين كتير
هيا ركوبه حلوة زيها زي الالماني بس قطع غيار مش بتعيش صحيح رخيصه بس كل شويه عاوزة

[jojocar]

بص يا باشا المقصات والعفشة كدة كدة فى مصر اى عربية هتتعب فلازم شوية مرعية منك
اما البنزين فالاستهلاك معدلة معقول بالنسبة لنفس الفئة ولازم تتابع الرشاشات اما قطع الغيار فهيا كورى زى اى عربية كورى طبعا مش زى الالمانى ولا اليابانى ويستحسن تجبها استيراد و بردة تتابع العربية تريحك ولعلمك فى معلومات كتير موجودة على المنتدى

[mohamed ibiza]

هات نوبيرا احسن علي الاقل حجم و شكل احسن و ثبات اعلي انما مش بتاعة شغل و حرت و الكلام ده يعني لازم تصونها متبهدلهاش عشان لو بهدلت فيها مش هتقولك كمان زي الالماني لا هتقولك قطع غيار بالعبييييييييييييييييييييييييييييييييييييييييييييي ييييييط

[أشرف العدوي]

يعني أنا لو قدامي نوبيرا 2001 أوتوماتيك و سيفك 92 si أشتري ايه النوبيرا و لا الهوندا

[MMamdouh]

Honda... if it is an SI for real

MMamdouh

[Ahmed_ragab]

اية ياجدعان اية الكلام دة كلة على النوبيرا النوبيرا عربية محترمة انا بسوق عربية اخويا من نوبيرا 2003 والحمد للة مصرفش عليها كتتير
وانا لسة مستلم نوبيرا 2008 من شهرين وبسم الله مشاء الله زى الفل