برجلة الأر بي إم مع مروحة الرادياتير في الاسبيرو

[osamabahr]

السلام عليكم يا شباب،
سيارتي دايو اسبيرو موديل ٩٤ العربية مظبوطة في كل الحالات لكن مع بداية تشغيل مروحة الرادياتير مؤشر الأر بي إم بيبدأ يلخبط ينزل تحت ال ٨٠٠ لفة وكأن العربية هتبطل، وكانت فعلا بتبطل وبعدين يرجع يعدي الألف وهكذا لثواني وبعدين بتثبت (وكان الحل المؤقت اللي بيخليها متبطلش إني أأخر الكهربا وده طبعًا بيخليها متسحبش لكن هو ده اللي ظبط شوية الموضوع)، كشفت عليها بالكمبيوتر ثلاث مرات، والميكانيكي عاد على الكاتينة مرتين وحتى الآن مفيش أي تحسن ولا حد عارف العيب منين، وبالمناسبة مع التكييف والأنوار بتفضل ثابته بالرغم إن ده كمان مفروض بيشغل المروحة ؟؟؟

[mahmoudbadr]

السلام عليكم يا شباب،
سيارتي دايو اسبيرو موديل ٩٤ العربية مظبوطة في كل الحالات لكن مع بداية تشغيل مروحة الرادياتير مؤشر الأر بي إم بيبدأ يلخبط ينزل تحت ال ٨٠٠ لفة وكأن العربية هتبطل، وكانت فعلا بتبطل وبعدين يرجع يعدي الألف وهكذا لثواني وبعدين بتثبت (وكان الحل المؤقت اللي بيخليها متبطلش إني أأخر الكهربا وده طبعًا بيخليها متسحبش لكن هو ده اللي ظبط شوية الموضوع)، كشفت عليها بالكمبيوتر ثلاث مرات، والميكانيكي عاد على الكاتينة مرتين وحتى الآن مفيش أي تحسن ولا حد عارف العيب منين، وبالمناسبة مع التكييف والأنوار بتفضل ثابته بالرغم إن ده كمان مفروض بيشغل المروحة ؟؟؟

فى الغالب ثرموستات الكوعة عايز يتغير

( نفس المشكلة كانت عند واحد صاحبى و اتحلت بتغيير ثرموستات الكوعة)

و تقريبا تمنه 50 جنيه

[roofa]

اعتقد انها البطارية

جرب كدة و انت عند الكهربائي ببطارية الامبير بتاعها اعلي و استني لما المروحة تلف انشاء الله هتلاقي العيب مش موجود

[osamabahr]

فى الغالب ثرموستات الكوعة عايز يتغير

( نفس المشكلة كانت عند واحد صاحبى و اتحلت بتغيير ثرموستات الكوعة)

و تقريبا تمنه 50 جنيه

جزاك الله خيرًا على ردك، هل تقصد ثرموستات الكوعة، ثرموستات الحرارة؟ عمومًا أنا فعلا غيرته لأنه كان باظ لكن المشكلة لا تزال قائمة مع الأسف

[osamabahr]

جرب كدة و انت عند الكهربائي ببطارية الامبير بتاعها اعلي و استني لما المروحة تلف إن شاء الله هتلاقي العيب مش موجود

جزيل الشكر، أنا فعلا كنت شاكك فيها بالرغم إني شحنتها على التونجر، لكن فعلا هاجرب النهارده بمشيئة الله.

يا ريت لو حد يعرف كهربائي أو ميكانيكي بيشتغل فيهم يكون كتر خيره أنا قريت عن عبده اللي في فيصل بس لسه مش عارف هو بيشتغل في الاسبيرو ولا لأ

[mahmoudbadr]

طيب شوف حضرتك

كابلالت البطارية و خصوصا الارضى


و قيس شحن الدينامو لأن المفروض العربية و هى دايرة

بتاخد كل كهربتها من الدينامو مش البطارية

و ممكن يكون كابل من كابلات المروحة ملمس أرضى

علشان كدة أول ما تدور كهربة العربية بتتسحب فى الارضى

[drmomoking]

ما اظنش الموضوع ليه علاقة بالاحمال الكهربية لان حضرتك بتقول ام مع التكييف و الانوار مش بيحصل حاجة و بالنسبة لعبده مش بيشتغل فى الاسبيرو هوا فى فهد فى كوبرى القبة بس ميكانيكا والمشكلة اظن ليها علاقة بالكهراء او مشكلة فى الترموستات اللى اتغيرت تكون سيئة

[osamabahr]

ما اظنش الموضوع ليه علاقة بالاحمال الكهربية لان حضرتك بتقول ام مع التكييف و الانوار مش بيحصل حاجة و بالنسبة لعبده مش بيشتغل فى الاسبيرو هوا فى فهد فى كوبرى القبة بس ميكانيكا والمشكلة اظن ليها علاقة بالكهراء او مشكلة فى الترموستات اللى اتغيرت تكون سيئة

أعتقد الترموستات دي مجرد فصل أو تشغيل، فلو كانت وحشة إما توصل على طول أو تفصل على طول، المشكلة شكلها فعلا في الكهرباء، مفروض هاجرب بكرة إن شاء الله مع بطارية عند الكهربائي بس هو مش بيشتغل في النوع ده، وأنا الحقيقة كنت راجعت على الفيوزات كلها وبعدين حاولت أعمل أيدل ليرن بالرغم إني وجدت أكتر من طريقة ومش عارف أيهم ينفع مع العربية دي، بس جربتهم كلهم تقريبًا، والغريب إن مفيش ولا ميكانيكي ولا كهربائي يعرف أي حاجة عن الأيدل ليرن من أصله، فهل يكون هذا سبب؟ ويا ريت لو حد يعرف كهربائي كويس يقوللي. وأشكر الجميع على الاهتمام

[osamabahr]

طيب شوف حضرتك

كابلالت البطارية و خصوصا الارضى


و قيس شحن الدينامو لأن المفروض العربية و هى دايرة

بتاخد كل كهربتها من الدينامو مش البطارية

و ممكن يكون كابل من كابلات المروحة ملمس أرضى

علشان كدة أول ما تدور كهربة العربية بتتسحب فى الارضى

قست الدينامو تمام، وكل الكابلات تقريبًا راجعنا عليها مفيهاش حاجة، حكاية تجنن مش كده؟

[osamabahr]

النهارده من أول النهار لآخره في القصة دي مع الكهربائي، راجعنا كل حاجة تقريبًا، جربت بطارية جديدة ٧٠ أمبير، مفيش أي جديد.

فين عباقرة المشاكل الصعبة؟

[osamabahr]

ما اظنش الموضوع ليه علاقة بالاحمال الكهربية لان حضرتك بتقول ام مع التكييف و الانوار مش بيحصل حاجة و بالنسبة لعبده مش بيشتغل فى الاسبيرو هوا فى فهد فى كوبرى القبة بس ميكانيكا والمشكلة اظن ليها علاقة بالكهراء او مشكلة فى الترموستات اللى اتغيرت تكون سيئة

كان نفسي أسأل حضرتك على سؤال بالنسبة للمروحة عندك سرعتين ولا سرعة واحدة؟ وهل عملت أيدل ليرن ليها قبل كده، وعملته بأي طريقة لأني لقيت كذا طريقة.

وشكرًا

[drmomoking]

الحقيقة مش عارف سرعة ولا اتنين مش بركز اوى بس الايدل ليرن موجود فى اهم موضوعات القسم واللى عامل التوبيك كبير الدايو محمد بك ممدوح و هى دى الطريقة الصح بس حتى لو انتى مش عملت العربية مع الوقت بتظبط نفسها عادى خالص

[osamabahr]

مهو اللي مجنني إني مش عارف أصل العربية إيه بالظبط، أنا شريها من ٣ سنوات، لكن السنة دي عكت الدنيا معايا خالص، كنت باشتكي من السخونة وحاسس بضعف في الكهربا (معرفش عملوا إيه الكهربائية لكن لقيت المروحة شديدة لدرجة ملحوظة لما سألته قالي إن احنا ظبطنالك الكهربا وده شد الكهربا كلها)، حتى لما بادوس فرامل بحيث إن نور التابلوه بيقل شويه صغيره، ولما التكييف يشتغل باحسه بيسحب كهربه العربية كلها، واللي حصل مؤخرًا مع تشغيل المروحة لقيت البرجلة في الأر بي إم، غيرنا الأيدل ورحت لأحمد السماني اللي في فيصل خمس مرات لحد دلوقتي وكل مرة يخترع لي تغيير حاجة، أول مرة كانت مكنة السرعة، التانية كانت الرشاشات، التالتة كانت الأيدل، الرابعة حساس الشكمان، الخامسة زود السلانسيه وأخر الكهربا وشكرًا على كده.

ومحمد ممدوح مش عارف أخباره إيه حتى بعتله على الخاص مردش، لأني حاسس إنه عنده أفكار ممكن تكون مفيدة في المشاكل الصعبة دي.

الله المستعان