سؤال بخصوص الرشاشات فى الانوس

[amr_adel00]

1-هو لو الرشاشات بايزه و كنت عاوز اغير حساس الشكمان هل ممكن الحساس الجديد يبوز بسبب الرشاشات ولا ملوش علاقه ؟؟ و كذلك البوجيهات و فلتر البنزين ؟؟
2-هو انا لما اغير حساس الشكمان لازم اغير البوجيهات بتاعتى ؟؟ ولا ممكن افكها و انظفها ب wd40 مثلا?? مع العلم ان انا لسه مغيرها هى و كل الفلاتر..
3- ايه نوع الرشاشات اللى يركب فى الانوس و يكون كويس فى استهلاك البنزين و السحب و الدواره ؟؟
ارجوا الافاده و النصائح الجيده..
شكرا لكل من اهتم :)

[amr_adel00]

ايه ياخوانا محدش بيرد عليا ليه طيب ؟؟
ده انا سألت برده امبارح و الكل حلقلى هههههههه
فا ايه بقى ؟؟

[محمد الشامي]

1-هو لو الرشاشات بايزه و كنت عاوز اغير حساس الشكمان هل ممكن الحساس الجديد يبوز بسبب الرشاشات ولا ملوش علاقه ؟؟

انا مش متأكد , لكن في رأيي الحساس مش هايبوظ ولا حاجه (وانتظر تأكيد الزملاء للكلام)

و كذلك البوجيهات و فلتر البنزين ؟؟
2-هو انا لما اغير حساس الشكمان لازم اغير البوجيهات بتاعتى ؟؟ ولا ممكن افكها و انظفها ب wd40 مثلا?? مع العلم ان انا لسه مغيرها هى و كل الفلاتر..

البوجيهات ممكن تنضفها بالـ wd40 لو شكلها وحالتها كانوا كويسين , لكن لو طالعين مهببين جامد يبقا غيرهم احسن , وكده كده تكلفتهم 30 او 40 جنيه , يعني بسيطه :)
وفلتر البنزين مالهوش علاقه بتغيير حساس الشكمان , يعني مش مضطر تغييره خالص

3- ايه نوع الرشاشات اللى يركب فى الانوس و يكون كويس فى استهلاك البنزين و السحب و الدواره ؟؟

في ناس كتير بتحط رشاشات الاكسنت وبيقولوا انها موفره في البنزين والسحب بتاعها حلو
وبناءاً على تجربه الزملاء الكرام في المنتدى الرشاشات البوش بتاعت الـ BMW اللي فيها المكنه M40 ممتازه في السحب والأداء

وتمنهم استيراد 200 جنيه من الحرفيين

[lanos2004]

لما تحب تشتري رشاشات بي ام او لانوس قلي او هات عربيتك وانا هغيرهالك او ادلك علي مكان سعر كويس وحاجه نضيفه

[amr_adel00]

لما تحب تشتري رشاشات بي ام او لانوس قلي او هات عربيتك وانا هغيرهالك او ادلك علي مكان سعر كويس وحاجه نضيفه

ياريت يا باشا واللهى..
انت راجل كلك ذوق :)
يارييت تسيبلى رقمك ضروررررررررى

[tarek_2005]

1-هو لو الرشاشات بايزه و كنت عاوز اغير حساس الشكمان هل ممكن الحساس الجديد يبوز بسبب الرشاشات ولا ملوش علاقه ؟؟ و كذلك البوجيهات و فلتر البنزين ؟؟
2-هو انا لما اغير حساس الشكمان لازم اغير البوجيهات بتاعتى ؟؟ ولا ممكن افكها و انظفها ب wd40 مثلا?? مع العلم ان انا لسه مغيرها هى و كل الفلاتر..
3- ايه نوع الرشاشات اللى يركب فى الانوس و يكون كويس فى استهلاك البنزين و السحب و الدواره ؟؟
ارجوا الافاده و النصائح الجيده..
شكرا لكل من اهتم :)

الحساس مش هيحصله حاجة خالص لو الرشاشات تالفة ولكن قرائته علي الاسكانر هتكون اقل بكتير من الطبيعي
البوجيهات لن يفلح معها التنظيف باي شيئ ولابد من تغيرها لو شكيت فيها
الرشاشات الي عندك التخينه ولا الرفيعة
الافضل الاصلي بتاعة اللانوس دا لو رشاشات رفيعة ودي ب 1000 جم جديدة
لو التخينة خليك في بتوع البي ام الاستيراد

[amr_adel00]

الحساس مش هيحصله حاجة خالص لو الرشاشات تالفة ولكن قرائته علي الاسكانر هتكون اقل بكتير من الطبيعي
البوجيهات لن يفلح معها التنظيف باي شيئ ولابد من تغيرها لو شكيت فيها
الرشاشات الي عندك التخينه ولا الرفيعة
الافضل الاصلي بتاعة اللانوس دا لو رشاشات رفيعة ودي ب 1000 جم جديدة
لو التخينة خليك في بتوع البي ام الاستيراد

اولا متشكر جدا على اهتمامك..
تانى حاجه بقى,, اعرف ازاى ان الرشاشات بتاعتى تخينه ولا رفيعه ؟؟

[amr_adel00]

انا مش متأكد , لكن في رأيي الحساس مش هايبوظ ولا حاجه (وانتظر تأكيد الزملاء للكلام)



البوجيهات ممكن تنضفها بالـ wd40 لو شكلها وحالتها كانوا كويسين , لكن لو طالعين مهببين جامد يبقا غيرهم احسن , وكده كده تكلفتهم 30 او 40 جنيه , يعني بسيطه :)
وفلتر البنزين مالهوش علاقه بتغيير حساس الشكمان , يعني مش مضطر تغييره خالص




في ناس كتير بتحط رشاشات الاكسنت وبيقولوا انها موفره في البنزين والسحب بتاعها حلو
وبناءاً على تجربه الزملاء الكرام في المنتدى الرشاشات البوش بتاعت الـ bmw اللي فيها المكنه m40 ممتازه في السحب والأداء

وتمنهم استيراد 200 جنيه من الحرفيين

1000 شكر يا شامى على اهتمامك
بس كنت عاوز اعرف اعمل ايه علشان اعرف الرشاشات سليمه ولا بايزه ؟؟
و اعرف انها تخينه ولا رفيعه ازاى ؟؟

[lanos2004]

لو عاوز رفيعه او تخينه كله موجود

[amr_adel00]

لو عاوز رفيعه او تخينه كله موجود

يا باشا انت عمال تقولى موجود و كله موجود و قولتلى حساس الشكمان ب275 جمله و قولتلك ماشى انا عاوزه و ياريت انهارده و حضرتك ماردتش عليا ولا سبتلى رقمك فى حين انك رديت فى حته تانيه و برده موجود :)
ياريت الرد علشات لو عندك الحساس ياريت اخده منك الاحد علشان اركب الاثنين علطول..
السؤال اللى انا سألته بقى لحضرتك هو انى ازاااى اعرف ان الرشاشات اللى عندى دى رفيعه ولا تخينه ؟؟ ايه العلامه يعنى ؟؟ او شكلها ايه ؟؟

[محمد الشامي]

1000 شكر يا شامى على اهتمامك
بس كنت عاوز اعرف اعمل ايه علشان اعرف الرشاشات سليمه ولا بايزه ؟؟

ياباشا تأمرني
الرشاشات سليمه او بايظه دي ممكن تعرفها بطريقتين

1- ممكن تعرفها من العلامات اللي بتظهر لما الرشاشات بتكون بتسييل
تأخير في الدوارة
ضعف في السحب والأداء
برجله لمده ثواني عند الدوارة
احيانا دخنه خفيفه بتخرج من الشكمان مع رائحه بنزين غير محترق
زياده في استهلاك البنزين عن المعدل الطبيعي

2- ممكن تقطع الشك باليقين وتروح لحد فاهم ويكون عنده اسكانر وتخليه يشييك على حساسات العربيه كلها ومن ضمنها الرشاشات

و اعرف انها تخينه ولا رفيعه ازاى ؟؟

بيبان من شكل الرشاش وهو راكب (على ما اظن)
تصفح رابط (اهم موضوعات القسم) وهتلاقي فيه اكتر من موضوع عن الرشاشات , وغالباً هتلاقي فيها اشكال وانواع الرشاشات

[amr_adel00]

ياباشا تأمرني
الرشاشات سليمه او بايظه دي ممكن تعرفها بطريقتين

1- ممكن تعرفها من العلامات اللي بتظهر لما الرشاشات بتكون بتسييل
تأخير في الدوارة
ضعف في السحب والأداء
برجله لمده ثواني عند الدوارة
احيانا دخنه خفيفه بتخرج من الشكمان مع رائحه بنزين غير محترق
زياده في استهلاك البنزين عن المعدل الطبيعي

2- ممكن تقطع الشك باليقين وتروح لحد فاهم ويكون عنده اسكانر وتخليه يشييك على حساسات العربيه كلها ومن ضمنها الرشاشات




بيبان من شكل الرشاش وهو راكب (على ما اظن)
تصفح رابط (اهم موضوعات القسم) وهتلاقي فيه اكتر من موضوع عن الرشاشات , وغالباً هتلاقي فيها اشكال وانواع الرشاشات

اصلى يا شامى,, دايما كده بتفيدنى بخبرتك يا كبييير :)
طب انا كنت عاوز اقولك حاجه.. 95% عربيتى بتتأخر فى الدواره سواء كانت سخنه او بارده و 5% تحس ساعات ان العربيه زيرووووو
يعنى ممكن العربيه تبقى راكنه 24 ساعه و انزل ادور تلاقيها دارت فى لحظه و كأنها زيروووو
و ساعاعت حتى و هى سخنه تغييب اوى فى الدواره
بس الطبيعى انها بتتأخر علطووووووووووول سواء سخنه او بارده
فا ده ممكن يكون ايه يا شامى يا أستاذ الدايو

[محمد الشامي]

يا عمرو باشا انا تحت امرك :)

كل الاعراض اللي بتقول عليها دي بتأكد ان العيب من الرشاشات

انا بس عايز اوضحلك حاجه صغيره
احنا لما بنقول الرشاشات باظت او فيها مشكله او بتأخر الدواره ده بيكون مقصود بيه في الغالب ان في رشاش او اكتر بيسييل , بمعنى انه بيدي نسب بنزين اعلى من النسب الصحيحه وبعد ما الرشاش بيقفل بيسييل بنزين , يعني مش بيقفل بنسبه 100%

وعشان كده لما بتيجي تدور العربيه الصبح ممكن تلقط معاك في لحظه لان العربيه كانت بايته وحتى لو كان في بنزين سال بعد ما بطلت العربيه بيكون طار

لكن لما تدورها شويه او تعمل بيها مشاوريك العاديه وتبطل العربيه بيكون في بنزين زياده خرج من الرشاش وبيفضل زي ما هو كده , تيجي بعدها بشويه تدور تاني تلاقي تأخير في الدواره , لان في بنزين اكتر من المطلوب , حاجه كده زي اللي كنا بنسميها في العربيات القديمه (كأن العربيه شرقانه)
وعشان تتأكد اكتر ان العيب من الرشاشات : لما تيجي تدور وتلاقي العربيه غابت في الدواره ريح رجلك سنه على دواسة البنزين , هتلاقيها دارت في لحظه

ولو في رشاش واحد بيسييل فهو كفيل انه يأخر الدوارة وكمان يقلل من سحب العربيه
لان المفروض كل رشاش بيكون ليه زمن فتح وقفل ونسبة بنزين بتخرج منه , فـ لو في رشاش واحد بيدي نسب اعلى من الطبيعي الكنترول بيبدأ يتحكم في الرشاشات كلها لتقليل النسبه دي , وبينتج عنه ضعف في السحب

يمكن كلامي مش علمي اوي , لكن يارب يكون المعنى وصل :)

[tarek_2005]

لمعرفت رشاشاتك تخينه ولا رفيعة هقولك حاجة تقريبية
لو موديل عربيتك قبل عام 2003 الرشاشات بتبقي التخينة اما لو من موديل 2003 الي اخر موديل بيبقي الرشاشات الرفيعة ودي صعب انها تسيل وخلي بالك من كلمة صعب ولكن مش مستحيل

[محمد الشامي]

الرشاشات الرفيعه نادراً لما بتسييل

لكن التخينه اكثر عرضه لمشكله التسييل