اغسل موتور الانوس ازاي

[MITSUKERO]

السلام عليكم

دلوقتي بعد تغيير طبب المياة اللي تحت الفرن و تغيير المياة بمياة خضراء منظر الفرن و الموتور من قدام صعب جدا لان لونه بقي اصفر من مكان تسريب المياة القديم لما الطبب اتخرمت

ده غير ان فيه زيت علي خرطوم الهواء اللي داخل علي البوابة بسيط كده و الموتور شكلة متبهدل اوي و عايز انضفة

ايه اللي المفروض اغطية و اخلي بالي ؟

ياتري فيه كاوتش او اويل سيل بيبوظ من المياة او الجاز ؟

اغسل الموتور باية ؟

منتظر الردود

و شكرا مقدما

[tarek_2005]

اغسل الموتور بجاز ولكن بدون مسدس ضغط يعني اسكب عليه الجاز وبعدين اسكب عليه جركنين مياه ونشف بالهواء
ومتغطيش اي حاجة بس لابد يكون الموتور بارد جداً اوعي تغسله وهوا دافي وطبعاً مش هقولك افصل قطاش البطارية السالب وانتا بتعمل الكلام ده

[mostafa mahmod]

انا غسلته عادى فى كار كير قبل كده بالمايه عادى
هو بس غطا الموبينه و علبه الفيوزات

و مره تانيه غسلته عند الميكانيكى بالجاز و بعديها بالماء و الصابون عادى

[محمد الشامي]

اولا
غطي الدينامو , وابعد عن البوبينه وفيش الحساسات قدر الأمكان , وافصل كابل البطاريه

ثانيا
استخدم الجاز على الاماكن المتسخه بشده (اللي فيها شحم وتراب وزيوت و و)
وده عن طريق سكب الجاز , او انك تستخدم الجاز بالتدفق - يعني تحط جاز في زجاجه بلاستيك وتثقب الغطاء بتاعها وتضغط على الزجاجه وتوجهها ناحيه الاماكن المراد تنضيفها
وبعد رش الجاز ممكن تستخدم فرشه لتنضيف الاماكن اللي فيها شحم وتراب جامد , فرشه زي بتاعت الدهانات مثلا

ثالثا
اشطف الموتور والحوض بشكل عام بالماء مضافاً اليه شوية سائل تنضيف (بريل مثلا) , كرر العمليه مرتين او تلاته

رابعا واخيراً
حاول على اد ما تقدر انك تنشف الموتور والحوض بفوطه نضيفه , عشان الفوطه دي هاتشيل رواسب الجاز ورواسب الاتساخات القديمه , كمان عشان تضمن ان الحوض والموتور خلاص مفيش عليهم ميا
وسيب العربيه تصفي دقايق

وشيل الكيس اللي غطيت بيه الدينامو وركب كابل البطاريه , وسمي بالله ودور

[MITSUKERO]

شكرا يا رجالة
دائما بتحرجوني بذوقكم

[tarek_2005]

لاشكر علي واجب

[JAM]

أقراء الموضوع اللى فى التوقيع بتاعى

[modyegypt]

اغسل الموتور بجاز ولكن بدون مسدس ضغط يعني اسكب عليه الجاز وبعدين اسكب عليه جركنين مياه ونشف بالهواء
ومتغطيش اي حاجة بس لابد يكون الموتور بارد جداً اوعي تغسله وهوا دافي وطبعاً مش هقولك افصل قطاش البطارية السالب وانتا بتعمل الكلام ده

تمام كدة الله يفتح عليك

[Sehsss]

طيب ما في نوع غسيل جاف بالفوم أفضل وبيرجع الموتور جديد

[A7MED_PHARMA]

أجزاء الكهربا بس (الموبينة) علشان ساعات بتخرب من الميه
.
وتغسله زي اي موتور عربية تاني.. بجاز أبيض وتغسل الجاز بعد كده بــ ميه بــ بريل

[محمد الشامي]

طيب ما في نوع غسيل جاف بالفوم أفضل وبيرجع الموتور جديد

ده كلام سليم في حاله ان الموتور يكون نضيف بالاساس :) لكن لو الحوض متشحم ومتوسخ جامد اعتقد الغسيل الجاف هايكون غير فعال

[msnaga]

طيب ما في نوع غسيل جاف بالفوم أفضل وبيرجع الموتور جديد

هذا أفضل الطرق .. آمن على الموتور والأجزاء الجلد ، ويعطى نتائج نظافة ممتازه