السلام عليكم ... عندى سؤالين لخبراء اللانوس

[E_medo77]

اولا بشكر كل من قام بالدخول على الموضوع وسؤالى الاول هو معايا لانوس 1 موديل 2000 وواطيه جدا من ورا وعاوز اعليها .. المفروض اعمل ايه ؟
سؤالى الثانى لما باكون ماشى على سرعه مثلا 60 وشوفت مطب على بعد بفصل غيار واهدى لغايه ما اجى اخد المطب صح؟ طيب لما باهدى وقبل ما اخد المطب بجيب الغيار الاول تمهيدا انى لما اخد المطب بعد كده اطلع عليه لكن بسمع صوت زرجنه تروس الفتيس ومش بعرف اجيب الاول الا لما اهدى العربيه جدا تقريبا تقول واقفه تقريبا ... ف باضطر اجيب الغيار التانى لما اهدى واخد اى مطب ممكن اعرف السبب ايه مع انها ما كانتش بتعمل كده خالص قبل كده

[amr_adel00]

اكشف على عقربة الفتيس

[محمد الشامي]

سؤالى الاول هو معايا لانوس 1 موديل 2000 وواطيه جدا من ورا وعاوز اعليها .. المفروض اعمل ايه ؟

في ناس بتركب علايات , ودي بترفع العربيه من ورا كويس ولكن بتقلل من الثبات , ومش بتكون امان على الطريق خاصه لو حضرتك من النوع اللي بيحب الجري على الطرق و و و

وفي حل تاني بس مكلف طبعا , وهو انك تغيير سوست ومساعدين ورا , واكيييييد العربيه هاتعلى معاك
بس طبعا ماتركبش المساعدين الأصلي لانهم زي قلتهم , ركب kyb او مونرو

[E_medo77]

اشكركم جميعا للافاده وان شاء الله مش هادخل فى تغيير مساعدين وسوست او علايات ..... انا هاسيبها كده وخلاص لحد ما ابيعها

[محمد الشامي]

عين العقل :)

[E_medo77]

اشكرك أ محمد بس لو عندك اجابه عن سؤالى الثانى لما باكون ماشى على سرعه مثلا 60 وشوفت مطب على بعد بفصل غيار واهدى لغايه ما اجى اخد المطب صح؟ طيب لما باهدى وقبل ما اخد المطب بجيب الغيار الاول تمهيدا انى لما اخد المطب بعد كده اطلع عليه لكن بسمع صوت زرجنه تروس الفتيس ومش بعرف اجيب الاول الا لما اهدى العربيه جدا تقريبا تقول واقفه تقريبا ... ف باضطر اجيب الغيار التانى لما اهدى واخد اى مطب ممكن اعرف السبب ايه مع انها ما كانتش بتعمل كده خالص قبل كده

[محمد الشامي]

والله يا استاذي الفاضل انا معنديش خلفيه كويسه عن مشاكل الفتيس وعشان كده ماحبتش افتى :) وتركت المجال للزملاء الاكثر مني خبره للرد عليك

سامحني :)

[E_medo77]

اشكرك لاهتمامك وفى انتظار رد زملائنا الافاضل

[mustafa_fawzy]

عربيتى بتعمل نفس الحالة بالضبط وفى أغلب الأوقات بجيب التانى وانا قريب أو على المطب
والغيار الأول لا يأتى معى إلا من حالة الثبات فقط
فهل ياترى هذا عام أم عندنا مشكلة

[alaafever]

انا عندى نفس الموضوع وده طبيعى فى اى عربيه فلكل غيار سرعته القصوى و سرعته البطيئه فلو انت على الغيار الرابع وعداد السرعه جايب 100 ك فلو اديت الغيار الثالث العربيه تتباطا سرعتها فجاه (تكلبش فى بعضها )وده بيدمر تروس الفتيس مع الوقت ولكن بنعمل كده لما مش تلاقى الفرامل شغاله فجاه

[bahaasadek1974]

الغيار الاول معمول عشان حاجه واحده بس وهو تحريك السياره من السكون للحركه ومن اكبر لالخطاء اعطاء الغيار الاول للسياره اثناء الحكه لانه يعرض الفتيس للخطر....ودايما اديها الغيار التاني علي المطب وتجنب اعطائها الاول اثناء الحركه.........
بهاء صادق