لخبراء الصيانات الدوريه للانوس

[mero100]

عربيتي لانوس 2011

20000 كم

بقالها معايا سنه و 3 شهور

ان شاء الله حعمل صيانه ال 20000 كم

السؤال :

هل لازم اغير البوجيهات ؟؟؟ ( مغيرتهمش من اول ما جبت العربيه )

سألت قبل ما اعمل الصيانه و المهندس قالي البوجيهات بتتغير علي 30000 كم

بس الكتالوج بيقول 20000 كم او سنه ايهما اقرب , و هل لازم او يستحسن اغير سلوك البوجيهات ؟؟

ايه رأيكم ؟

[محمد الشامي]

بالنسبه للبوجيهات : غييرهم لان اكيد كفاءتهم مش زي الأول

ولو تقدر تركب اسلاك بوجيهات جديده يبقا مصلحه , لان بردو كفاءة توصيلهم للكهرباء اكيد مش زي الأول
لكن لو مش عايز تغييرهم مفيش مشكله

وبخلاف كل الكلام ده
في الصيانه اعتقد بيكون ليهم جدول ماشيين عليه دون الرجوع ليك او التدخل من طرفك

[mero100]

تمام يا بو حميد ..... همه فعلا ماشيين بجدول بدون التدخل من طرفي زي ما انت قولت .... بس انا بقه عاوز اتدخل :-)))
انا بحب احط مناخيري ف كل حاجه :-)
و بحب دايما احافظ عشان اخد افضل اداء .... بالنسبه للبوجيهات يا محمد ngk العاديه كويسه ؟ و لا فيه حاجه تانيه افضل ؟؟
و شكرا جزيلا .

[محمد الشامي]

ياباشا عربيتك ومن حقك تدخل فيها :) طالما ان ده في صالح العربيه

بالنسبه للبوجيهات انا شغال على طول بالـ ngk وهي ممتازه معايا والحمد لله
بس للاسف انا ماجربتش غيرها و عشان كده مش هاقدر اقارنها مع غيرها واحكم عليها من خلال المقارنه دي

لكن الـ ngk اثبتت كفاءتها وفي اكتر من زميل بيشكروا فيها

[mero100]

ياباشا عربيتك ومن حقك تدخل فيها :) طالما ان ده في صالح العربيه

بالنسبه للبوجيهات انا شغال على طول بالـ ngk وهي ممتازه معايا والحمد لله
بس للاسف انا ماجربتش غيرها و عشان كده مش هاقدر اقارنها مع غيرها واحكم عليها من خلال المقارنه دي

لكن الـ ngk اثبتت كفاءتها وفي اكتر من زميل بيشكروا فيها

تسلم يا بو حميد .....انا كلمتك كذا مره مبتردش ليه يا باشا :-)

[memofree]

انا سمعت من ميكانيكى انا البوجيهات طلاما العربية بتدور علطول و موش بيغيب فى الدوارة موش لازم تغيرهم .الا لو حصل و بتغيب فى الدوار تكشف بأ عليها

[محمد الشامي]

تسلم يا بو حميد .....انا كلمتك كذا مره مبتردش ليه يا باشا :-)

سامحني يا باشا بس يمكن الاتصال كان في وقت انا مش سامع فيه الموبايل او كان في حاجه اقوى من اني ارد :) اصل الدنيا ملخبطه عندي عالاخر والحمد لله

[bahaasadek1974]

بتتغير في صيانه 30 الف... وخليك مع التوكيل هتستريح.