اكصدام لانوس 2

[imi]

السلام عليكم

نواى اشترى اكصدام امامى لانوس جديد فكنت عايز اعرف افضل و ارخص نوع ومنين اجيبة

[محمد الشامي]

للاسف مفيش حاجه اسمها افضل وارخص

افضل : يبقا تدور على حاجه استيراد نضيفه تكون بنفس لون عربيتك وتمنها هايكون في حدود 400 جنيه تقريبا
ارخص: يبقا اشتري اكصدام جديد (تايواني) تمنه 180 جنيه تقريبا وحط فوق تمنه الدهان بنفس لون العربيه , بس انتظر مع اول لمسه انه يتكسر منك زي لعب الاطفال بالظبط

الاكصدام الاستيراد الاصلي بيكون خامته افضل بكتير من الاكصدام الجديد , وكمان بياخد ويدي معاك لو لمست مع عربيه تانيه وكده , لكن الاكصدام الجديد بيكون من نوعيه ناشفه وسهل انه يتكسر

الاكصدام الاصلي لو هاتشتريه استيراد لازم تتاكد بنفسك انه اصلي ومتاخدش بكلام التاجر
وده عن طريق انك تمسك الاكصدام وتقلبه وتبص جواه في المكان اللي في ضهر النمر وعلى الاطراف من الداخل
لو لقيت المناطق دي خشنه ومحببه يبقا ده فعلا الاكصدام الاصلي
لو لقيت الاكصدام املس بالكامل من الداخل فده 100% مش اصلي وابعد عنه خالص مهما التاجر قعد يتني ويفرد فيه عشان يوريك انه مرن

ولو هاتشتري الاكصدام الجديد هتلاقيه عند المنير في فيصل وابو الحسن (تقريبا) في بين السرايات وعند معظم محلات قطع غيار الدايو , وهما عامه بيسموا الاكصدام ده قشره , لأن كلمه اكصدام بالنسبه للتجار معناها قشره وشاسيه حديد

موفق ان شاء الله

[imi]

اشكرك يا محمد على المعلومات المفيده ده .
و جزاك الله خيرا

[mustafa_fawzy]

ربنا يجزيك خير يا أخ محمد

[Abdelghani40]

انا كنت جايب اكصدام امامى 160 ماليزى من محل البنا اللى فى التوفيقية
وكان عشرة على عشرة برده اسئل ربما تكون الاسعار اختلفت قليلا .....
معاى لانوس 2 موديل 2000