رجاء بالافادة الجادة من الاستاذ ممدوح

[ahmed_120s]

انا غيرت السية الكرنك الكبير اللى بين الفيتيس والماتور لانة كان بينقط زيت وكان بينقص عندى زيت الماتور فبعد ما الميكانيكى قفل لاقيت الغيار مبقاش طبيعى كان الاول الفيتيس ناعم كدة ومريح فى الغيار ومكنتش تسمع صوت الغيارات وتحس ان الغيارات مريحة جدا انما دلوقتى بقى تحس ان الغيارات بتنتش كدة وفيها عضة وبتسمع صوت الغيارت والمشكلة انه عاوز يقنعنى ان هو دة الصح ودا المفروض بيكون فى اللانوس وفوق كدة بقة لاقيتها انهرادة بتنقط زيت تانى
انا عاوز اعرف الصح بتاع الغيارات وهو عمل اية فى الغيارات علشان تكون كدة واية الحل فى اللى هو عمله ولية جابت زيت تانى
والنبى افيدونى والحقونى علشان انا خلصان اتخنقت من الصنايعية

[MMamdouh]

اولا هل هو جرب يدور المكنة قبل ما يكرب الفتيس ولا لا للتاكد من الاويل سيل اللى غيرة؟؟... كدة ممكن يبقى الاويل سيل بيجيب زيت تانى

ثانيا قصص الصعوبة فى النقل و العضة ممكن تبقى نقص زيت فتيس لو هو مكملش مستوى الزيت بعد عملية فك و تركيب الفتيس او ممكن تكون مشكلة عدم ضبط العقربة

MMamdouh

[ahmed_120s]

هو مجربش حاجة قبل التركيب وبعد التركيب انا حطت 2 كيلو زيت فيتيس

[tarek_2005]

العضة بتاعة الغيارات مشكلة رجلاش عصاية الفتيس
الزيت الي بينقط دا عيب اويل سيل بايظ او عيب تركيب مريحش شفة الاويل سيل علي الكرنك بالفلر ودخله كبس وممكن كمان محطش شوية جملكة او سيلكون حراري حولين الاطار الخارجي للاويل سيل مما ادي الي ان الاويل سيل لف مع الكرنك
الخلاصة الصنايعي ده مترحلوش تاني لان الي عمله كله ضيعه بعدم خبرته
روح لحد بيفهم وابداء المشوار من الاول تاني